Ł'Uganda, ufisialmente ła Republica de ł'Uganda, el xe on Stato de ł'Africa Orientałe.
Ła confina a nord col Sud Sudan, a est col Kenia, a sud co la Tanzania, a sudovest co el Ruanda e a ovest co ła Republica Democratica del Congo.

Uganda
(IT) Uganda
(EN) Uganda
(FR) Ouganda
Uganda – Stema Uganda – Bandiera
Oh Uganda, Land of Beauty
Dati amministrativi
Nome completoRepublica de ł'Uganda
Nome ufficialeRepublic of Uganda
Lingue ufficialiinglexe, swahili
CapitaleKampala
Politica
Capo di GovernoApolo Nsibambi
Indipendenza9 de otobre 1962
Ingresso nell'ONU 
Superficie Totale241 038km²
% delle acque15,39
Popolazione
Abitanti42 862 958 (2017)
Taso de fertiłità5,775 (2014)
Geografia
ContinenteAfrica
Confini
Fuso orarioUTC +3
Economia
Valutascellino ugandese
PIL (nominale)25891058946.194 (2017)
PIL pro capite (nominale)606 (2017)
PIL (PPA)80075751445 (2017)
ISU0.516 (2017)
Varie
Codici ISO 3166UG, UGA, 800
TLD.ug
Prefisso tel.+256 [1]
Sigla autom.EAU
Festa nazionale 
Carte interative
Sito istitusionałe

GiografiaCànbia

  Par saverghene de pì, varda ła pajina Giografia de l'Uganda.

Ła ga 'na superfisie de 236 040 km².

En Uganda ghe alte montagne, masicio del Rwenzori, el monte Elgon e l'acrocoro del Karam. El sud del paexe xe colinoso.

El centro del paexel'è trasversà da fiumi e caraterizà da laghi, come el łago Kyoga e l'Alberto.
Tuto el paexe xe dentro el bacin acquifero del Nilo. El Nilo scomincia a Jinja, doe vien fora da el Lago Vitoria setentrional.

El nord est, distreto del Karamoja, xe desertico.

StoriaCànbia

  Par saverghene de pì, varda ła pajina Storia de l'Uganda.

AntighitàCànbia

I primi abitanti de l’Uganda xera i twa, on popolo de pigmei che xera presente in tuta l’Africa Centrale.
I twa xe stà spinti a sud da le migrasioni bantu, a loro olta en contrasto co le migrasioni nilotiche.

Dal XV secolo se forma i quatro regni del sud (Buganda, Toro, Bunyoro e Ankole).
Al nord, le popolasioni de origine nilotica se organiza en entità teritoriali pi pecenine, a esclusion de i acholi che cuerzea n’area vasta tra Uganda e Sud Sudan de ancò.

ModernitàCànbia

Nel 1860 i esploratori inglexi John Hanning Speke e James Augustus Grant ie rivà fin a Jinja.
Dopo de lori, i misionari anglicani e catolici riva a la corte del re de i baganda.

Nel 1888, i inglexi gha proclamà el protettorato de l’Uganda, costruio la ferovia che da Mombasa colega Kampala e scominsià a sfrutar el paexe co le piantagioni de cafè e coton.

IndipendensaCànbia

L’indipendenza la rivò el 9 otobre 1962.
Le prime elezioni vegnea vinte dal catolico Kiwanuka ma la regina Elisabeta II de Inghiltera no gha reconosesto el voler popolar e gha imposto un primo ministro anglicano, Milton Obote.
Nel 1966, Obote gha fato on colpo de stato, arestà el re de i baganda [2] e tolto e so posto.

Idi Amin Dada, el capo de stato magiore de Obote, gha a so olta fato on colpo de stato nel 1971 e preso el poder a Kampala. Amin xe stà on ditator sanguinario, gha compa miliaia de persone, espulse la comunità axiatica [3], espulse i misionari che difendea la zente e tacò guera co la Tanzania.

En tel 1979, la Tanzania gha invaso l’Uganda, e caturà la cavedal. Milton Obote fu rieleto presidente e na stagione de vendeta gha portà a la morte de mezo milion de abitanti.

Nel genaro 1985, Obote gha subiò n’altro colpo de stato e, dopo altre traversie, Yoweri Kaguta Museveni gha conquistà la cavedal e sa promosso presidente.
Nel 1987 Museveni gha caturà Alice Auma Lakwena, profetesa e fondatrice de l’Esercito de lo Spirito Santo. La Lakwena vegnea mandà in esilio en Kenya, e i ribeli a casa. Però Joseph Kony, on cosino de la Lakwena, dopo esar scapà en Sudan, gha fondà el Esercito de Libarasion de el Signore (LRA), poi ribatezà Esercito de la Resistenza de el Signore. Konyi volea prendar el poter, ricostruire el regno de i acholi e governar co i Diexe Comandamenti.
L’LRA gha copà sopratuto zente de la tribù acholi, sequestrà buteleti, costreto le putine a servir i soldai e far da mojere, insegnà a i puteleti a torturar la zente, e altri abusi de i diriti umani. El governo no gha mai fato tanto par fermar sta guera civil che ła xe ndà vanti par 18 ani.
Museveni l’è stà rieleto nel 1996, 2001, e 2006. L’oposision guidà da Kizza Besigye no gha riconosù il risultato de le ultime elezioni. Besigye l’è stà arestà co de le acuse false e no gha poduo combatar a armi pari.
A la fin del 2006, Museveni gha tentà de rivar a n’acordo de pace, che parò no l’è stà ancora firmà. I coloqui de pace va avanti a Juba, nel Sud Sudan.[no ghe xé ƚa fonte]

Giografia połitegaCànbia

La cavedal xe Kampala[4].

PopołasionCànbia

Ła ga 'na popołasion de 28 195 754 abitanti[5].

EtnieCànbia

I bantu se cata al sud (baganda 12%, ankole 8%, basoga 8%, bakiga 7%, bagisu 6%, batoro 4%, banyoro 3%, bagwere 2%, bakonjo 1%).
I nilotici xe al nord (iteso 8%, lango 7%, acholi 5%, alur 3%, karamojong 2%).
I sudanici se cata nel nord ovest (logbara 4%, kakwa, madi).

ReligioneCànbia

Quasi tuta la popolasion xe de religione cristiana (catoleghi[6] 45%, protestanti 35%).
I musulmani xe poco manco de el 10%. El resto segue le religioni tradisionali.

LengoeCànbia

Le lengoe uficiali xe l’inglexe e el swahili.

La zente la parla le lengoe locali.
Le pi importante xe el luganda che se parla ne la cavedal.

EconomiaCànbia

L'Uganda gha na tera fertile, a ecesion de el Karamoja, semi desertico. L'agricoltura produse anca par l'esportasion (cafè, coton, bagigi, fruta tropicale).
Ghe boni giacimenti de rame e cobalto. Ghe giacimenti petroliferi soto el Lago Alberto.

NoteCànbia

  1. +006 da Kenia e Tanzania
  2. che xera el presidente del paexe
  3. tuta gente che l’era nata en Uganda
  4. che vol dir "colina de le gazele"
  5. Stima del 2006 trata dal CIA Factbook
  6. Tuto el nord de l’Uganda xera stà afidà a i misionari comboniani de Verona. I misionari gha laorà sia par l’evangelizasion che par costruir le infrastrutre del paexe (scole, ospedali, strade). Quasi tuti i studi so le lengoe, le culture e la storia del nord Uganda xe stà fati da misionari.
Controło de autoritàVIAF (EN157051895 · ISNI (EN0000 0001 2299 1309 · LCCN (ENn80126332 · GND (DE4061457-8 · BNF (FRcb12970430g (data) · NDL (ENJA00573966 · WorldCat Identities (ENn80-126332
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Uganda&oldid=652625"