Kenya
El Kenya, ufisialmente Republica del Kenya (Jamuhuri ya Kenya in swahili e Republic of Kenya in inglexe) l'è na nasion africana a caval dell'equator.
El confina con la Somalia a est, l’Etiopia a nord, el Sud Sudan a nordovest, l’Uganda a ovest e la Tanzania a sud; el xe bagnà da l’Oxeano Indian.
.svg)
EtimołoziaCànbia
El nome Kenya vien dal kikuyu. Quando i esploratori eoropei ghe domandava el nome de la montagna con la nee,[15] i Kikuyu i ga risposto Kerinyaga, "la montagna de lo struzo".
ZeografiaCànbia
|
Par savèrghene de pì, vardarse ła voxe Zeografia del Kenya. |
El paese el presenta na grande varietà de tereni e clima.
Al centro ghe i grandi altipiani che i culmina col Monte Kenya (5199 m), el secondo monte de l’Africa.
A ocidente del Monte Kenya ghe la Rift Valley, la piasè longa spacatura de la crosta terestre, che la traversa el Kenya da sud a nord.
La costa la xe sabiosa o coralina.
El Kenya el ga pochi fiumi (Tana, e Galana i xe i piasè longhi).
Se cata un tocheto del Lago Vitoria e i laghi del Rift. Questi xe laghi de àcua salà (Nakuru, Bogoria, Elementeita, Magadi, Turkana).
El nord del paese l’è deserto.
StoriaCànbia
|
|
Par savèrghene de pì, vardarse ła voxe Storia del Kenya. |
AntighitàCànbia
La popołasion keniana la vien da tante parti.
I popoli bantu i xe rivai dal Sudan, i hamitici da Etiopia e Somalia.
I arabi, che i vegnea dal Yemen e el Oman, ga fondà dele cità importanti su la costa. Lamu, doe el swahili l’è nato; Gedi, Mtwapa, Mombasa. I arabi fasea comercio de roba che vegnea da l’Asia e comprava i mori da menar in Arabia come sciavi. Da Mombasa, i arabi rivava fin al regno de i Baganda[16].
I portoghezi xe rivà inte el XVI secolo e i ga ocupà Malindi [17] e Mombasa, ma i no se ga moso da la costa.
ModernitàCànbia
Le esplorazioni del secolo XIX fasea conosar la rejone a i eoropei. Tuti i esploratori ga seguesto le carovane de i schiavisti arabi.
Dopo i esploratori, i inglesi xe arivà da l’India. Lori i volea andar in Uganda e i no volea saverne de star in Kenya. Parò un grupo de coloni sa tolto le tere bone de i altipiani centrali e alora la colonia del Kenya la fu acetada da la corona inglese.
IndipendensaCànbia
Inte el dopo guera (1948 – 1963), i kikuyu volea conquistar l’indipendenza. I mau mau[18] i combatea contro i colonialisti e l’indipendenza rivò el 12 dicembre 1963.
Jomo Kenyatta fu el primo presidente del Kenya, dal 1963 al 1978.
Dopo de lu, ghe stà el presidente Daniel Toroitich arap Moi dal 1978 al 2002).
Ora ghe cofà presidente Emilio Mwai Kibaki.
Zeografia politegaCànbia
Divixion aministrativeCànbia
El Kenya el xe divixo in 47 contadi (counties).
El Kenya el jera divixo[19] in 1 rejon indipendente:
- Nairobi
e in 7 province:
- Central
- Coast
- Eastern
- North Eastern
- Nyanza
- Rift Valley
- Western
Cavedal e altre citàCànbia
La capital la xe Nairobi. La ga 4 milioni de abitanti, piasè de la metà i vive ne le baracopoli. Kibera, con otocentomila abitanti, l'è la baracopoli piasè grande de l'Africa.
Le altre cità importanti ie Mombasa, Nakuru, Eldoret e Kisumu.
EconomiaCànbia
Dopo l’indipendenza, el Kenya el cresea econòmegamente. L’agricoltura e l’industria iera de le piasè forti de l’Africa. Soto el presidente Moi, el paese se catò in una recesion econòmega. Ancò, el paese el stà crescendo (5,5% in inte el 2006). El problema piasè grande el xe la distribuzion de la richeza. El 2% de la popołasion el xe ricco, la majoria la xe puareta – con manco de un euro al di – ma la clase mèdia la crese.
DemografiaCànbia
La repùblega del Kenya la ga trentado milioni de abitanti.
EtnieCànbia
I popoli majori i xe i kikuyu, i kamba, i luya, e i luo.
Tra i popoli pecenini, i piasè conosudi i xe i maasai, i pokot e i turkana.
I altopiani centrali i e’ abita’ da popołasioni bantu (kikuyu, embu, meru e kamba). La Rift Valley l’è abità da popoli pastori (maasai, turkana, pokot, kalenjin). Rente al Lago Vitoria ghe i luo e i luya, anca lori vegnù zo dal Sudan. Inte el nord ghe popoli hamitici, originari de Etiopia e Somalia. Su la costa se cata altri bantu (taita), e i popoli swahili.
ReligionCànbia
Ancò el 30% de la popołasion la seve sete de ispirazion cristiana.
El 25% i xe cristiani catoleghi. La Ceza catolica la xe presente con Ceze e opere sociali (scole, ospedai, centre de salute, progeti de svilupo). Ghe tanti veneti tra i misionari.
Sirca el 24% i segue le religioni tradizionali.
El 15% i xe cristiani protestanti.
Ancò ghe el 6% de musulmani. El Islam xe la religon organizada pi’ vecia presente in Kenya.
La minoria indiana la xe de religion hindu.
Varda ancaCànbia
Wikimedia Commons el detien imàjini o altri file so Kenya
el detien schemi gràfeghi so
| Controło de autorità | VIAF (EN) 128920262 · ISNI (EN) 0000 0001 2353 0985 · LCCN (EN) n80061011 · GND (DE) 4030236-2 · BNF (FR) cb11882655r (data) · NLA (EN) 35267152 · NDL (EN, JA) 00565510 · WorldCat Identities (EN) n80-061011 |
|---|