Emilio Stanley Mwai Kibaki (15 novembre, 1931) el xe el terzo presidente del Kenya. El xe stà vice presidente (1978-1988) e ministro de le Finanse (1978-81), degli Interni (1982-88) e de la Salute (1988-91). El xe on kikuyu che el vien da la Provincia Sentrale.

Primi pasiCànbia

Kibaki el xe nato a Gutayani, on vilagio de la zona de Nyeri, l’ultimo fiol de Kibaki Gĩthĩnji e Teresia Wanjikũ. El ga studià ne le scole de la mision de i padri de la Consolata de Torino e el xe diventà catolego. El ga fato l’università a Makerere (Uganda) e a la Scola de Economia de Londra. Co el xe tornà in Africa el ga insegnà a Makerere fin al 1962. En tel 1962 el xe tornà in Kenya e el xe diventà on uficiale de el KANU, (Union Nasional Africana del Kenya). El ga laorà a la nova Costitusion e dal 1963 al 1978, el xe sempre stà eleto parlamentare in tel segio de Bahati (ancò Madaraka), inte la sità de Nairobi, e a Othaya dal 1978 a ancò.

Dal 1963, el ga sempre lavorà co el governo – sotosegretario de le Finanze (1963-66); ministro de el Comercio e de l’Industria (1966-69); ministro de le Finanse e de la Pianificasion (1969-1978); vice presidente (1978-88); ministro de la Salute (1988-91) – fin al 1991.

PresidensaCànbia

Co el Kenya el ga aprovà el multipartiismo, Kibaki el ga lasà el KANU par fondar el Partio Democràtego (DP). El sa presentà par diventar presidente in tel 1992 e 1997, ma el no ga mia vinto. Dal 1998 Kibaki el xe stà el cao de l’oposision in parlamento. En tel 2002, Kibaki el ga formà el NARC, National Rainbow Coalition – Coalision Nasional Arcobaleno, e el ga vinto le elesioni del 27 dicembre.

Kibaki el ga subito formà on governo che el rapresentava tute le rejoni del paexe. Mentre el so predecesore Daniel Moi el controlava tute le atività de i ministri, Kibaki el ga lasà a tuti la libartà de gestir i so ministeri. En sto modo, tante riforme le xe stà fate. Kibaki parò no ga perseguì la corusion e nianca ono de i grandi nomi de la corusion keniana i xe stà portà in tribunale. L’economia la xe cresuda e le grandi infrastruture de comunicasion mese a posto.

Vita privataCànbia

Kibaki el ga do mojere: Lucy Muthoni e Mary Wamboi. La prima la xe la mojer uficiale, la seconda la xe la mojere sposà co el rito tradisionale. El xe conosù par esar on bon zugador de golf e membro de el esclusivo Muthaiga Golf Club. Kibaki el xe catolego.

Controło de autoritàVIAF (EN77383504 · ISNI (EN0000 0000 7871 7598 · LCCN (ENn99907671 · GND (DE129084581 · WorldCat Identities (ENn99-907671
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Mwai_Kibaki&oldid=1035749"