Nyeri

Nieri distreto
Nyeri
Locałixasion
Stato	Kenya
Provincia	Nyeri
Teritorio
Coordinae	0°25′S 36°57′E
Altitudine	1 762 m s.l.m.
Abitanti	125357
Altre informasion
Carte interative
Sito istitusionałe

Nyeri la xe na sità del Kenya a 180 km a nord de la cavedal e soto el Monte Kenya. El primo nucleo de la sità el xe costruio su na colina a i pié de la catena de i Aberdare en te la vale che la divide da el Monte Kenya. Nyeri la xe la cavedal de la Provincia Sentrale e del Distreto de Nyeri. La gha na popolasion de 135 000 abitanti.

Storia

En tel novembre 1902, el militare inglexe Richard Meinertzhagen el gha marcià a nord de Nairobi par conosar el interno del Kenya. El sa scontrà co i guerieri kikuyu del capo Wang’ombe wa Ihura ma el gha vinto visto che i kikuyu i gavea solo che lanse e frece, mentre i inglexi i gavea i fusili. El 18 dicembre 1902, Meinertzhagen el gha fondà on fortin su la colina de Kia Nyiri, en te la vale tra i Aberdare e el Monte Kenya. Dopo de i militari, i marcanti indiani i xe rivà e i sa meso ntorno al forte. Dopo de lori, i misionari de la Consolata de Torino i gha costruio la mision, co scole e ospedal. I coloni bianchi i gha svilupà le fatorie de cafe, te, e de alevamento de le bestie. I se rifornia en te i empori de Nyeri. Durante el periodo de l’emergensa, Nieri la se sa catà al sentro de le operasioni beliche contro i Mau Mau. La principesa Elisabeta de Inghiltera la xe diventà regina co la stava al albergo Treetops, rente de Nyeri. Ancò la sità la xe on sentro comerciale e on ponto de incontro de la popolasion. El xe anca on sentro de smistamento de i turisti.

Economia

Nyeri la xe on marcà importante par el café – qualità arabica, tra le mejori del mondo – e el te. Patate, fromenton verde e gialo, cavoli e pomodori i vien vedui qi par el marcà de Nairobi. Da i altipiani a nord de la sità vien la bestie par el macelo.

Zente ligà a Nyeri

Tomba de Baden Powell

• Dedan Kimathi leader de i Mau Mau
• Wangare Maathai prima dona laureata del Kenya, premio Nobel par la pace e ativista de i diriti umani
• Catehrine Ndereba atleta
• Mwai Kibaki presidente del Kenya
• Robert Baden Powell fondator de i Scout, el gha visù e el xe sepolto a Nyeri

Altri progetti

• Wikimedia Commons

• Wikimedia Commons el detien imàjini o altri file so Nyeri