Mar Roso
| Mar Roso | |
|---|---|
 imaxene da satełite | |
| Parte de | Osèano Indian |
| Coordinae | |
| Giografia fixica | |
| Superfise | 450000 km² |
| Longhesa | 1977 km |
| Larghesa | 300 km |
| Fondità masima | 3040 m |
| Fondità mexana | 500 m |
| Vołume | 233000 km³ |
| Idrografia | |
| Sałinità | 36[2]÷41 ‰[1] |
| Sałinità mexana | 40 ‰ |
| Tenperadura | 21[4]÷30 °C[3] |
| Tenperadura mexana | 22 °C[5] |
| Całanche | Golfo de Aqaba, Golfo de Suez |
| Giografia umana | |
| Giografia pułitega | |
| Stati |  Egito Israełe Zordania Arabia Saudìa Jemen Gibuti Eritrea Sudan
|
 łocałixasion | |
El Mar Roso se pol considerarlo come na propazene de l’Oceano Indian itorno a la Penisola del Sinai. Par le so carateristeghe, se pol anca vedarlo cofà un mar separà da l’Oceano, co'l qual el comunega inte'l Golfo de Aden.
El Mar Rosso l'ocupa na area de mezo milion de km², e el ga na profondità massima de 2.500 m. La so profondità media la xe de 500 m.
El Mar Roso el xe el mar tropical pì a nord de tuti e el xe abità da pi de 1 000 specie de invertebrai e pì de 200 tipi de coralo. Par questo el xe anca tanto frequentà dai subaquei.
Indice
NomeModìfega
I greghi i le chiamava Ἒρυτρα ϑάλασσα (Erythra Thalassa), i romani Mare Rubrum, tuti e do i nomi vol dir mar de color rosso. El nome el vien dal color de le rive a primavera, par de bateri rosi i se desvelupa e ghe da el carateristego color a l’aqua.
I swahili i le chiama Bahari ya Shamu, e i ebrei Yan Suph. Tute e do i nomi i vol dir el mar de le cane, che el se riferise a i caneti che se cata su le rive salmastre, specialmente su la costa de la penisola araba.
StoriaModìfega
El Mar Roso el xe stà speso testimone de eventi storici antichi.
El pasagio de i ebrei soto la diresion de Mosé el xe forse el pi famoso fato storico. Bisogna parò tegnar conto che la Bibia la parla de el Mar Roso. Ma che i ebrei i xe facilmente pasà da na zona paludosa (caneto = mar de le cane) su l’istmo tra Egito e Sinai, el nome gavaria creà la confusion. Bisogna anca tegnar en conto che en ebraico no ghe distinsion tra mar e lago.
I antichi egisiani i gha esplorà le rive e i gavea na flota mercantile che la navigana en sto mar.
I greci i le usava par rivar en Eritrea e andar a le indie.
I fenici, i xe pasà de quà par far el periplo de l’Africa.
I egisiani e i romani i volea far on canal par metar el Mar Roso en comunicasion co el Mediteraneo. Anca i venexiani i gavea fato la stesa proposta a i mameluchi par poder far marcà co l’India e tajar fora i progeti de espansion de portoghexi, olandexi e inglexi.
I progeti del Canal de Suez i xe stà preparà da Luigi Negrelli, trentin de Fiera de Primiero, e la realizasion pratica la xe stà fata da Ferdinand de Lepess en tel 1869.
OrigineModìfega
Co l’Arabia la sa stacà da l’Africa par el movimento de le plache tetoniche, l’acqua de l’Oceano Indian le xe entrade en te la fesura. El Mar Roso el stà ancora slargandose. La Rift Valley la pasa soto el mar.