Divizion

Ła divixion ła xe na de łe quatro operasion fondamentałi del'aritmètega. Eséndo l'operasion inversa a ła moltiplegasion, ła signìfega strasformar du nùmari inte n'altro che moltiplegà al secondo el dà el primo.

Desegno chel spiega divixion e frasion.

Più ciaramente:

$a:b=c\;$

se moltipleghémo el rexultà del'operasion $c$ (dito quosiénte) a $b$ (ciamà divixor) ne vien fora $a$ (el dividéndo). El ségno $:$ chel particołarixa sta operasion el se ciama divixo.

Ła divixion se cata pì de frecuente soto forma de frasion: sta scritura infati ła permete de considarare pì fasilmente ła divixion un nùmaro rasionałe.

${\frac {a}{b}}=c$

I inglexi i unise sti du signi in ÷. Spece inte el informàtega catemo anca el sìnboło $/$.

L'ełemento neutro de ła divixion el xe l'$1$. El $0$ el prexenta caxi particołari:

• $0\,:\,a\,=\,0$: el quosiénte el xe 0 parché ogni nùmaro (divixor $a$) moltiplegà a 0 (quosiénte) el dà 0 (dividéndo);
• $0\,:\,0\,=\,???$: el quosiénte no'l poe èsare definio parché ogni nùmaro moltiplegà a 0 (divixor) el dà 0 (dividéndo): l'operasion ła xe indeterminada;
• $a\,:\,0\,=\,---$: no ghe xe nùmaro (quosiénte) che, moltiplegà a 0 (divixor), el daga $a$ (dividéndo): l'operasion no ła xe miga posìbiłe.

Propietà

• Propietà invariantiva: se te moltìpleghi o dividi un stéso nùmaro a dividéndo e divixor, el rexultà no'l canbia:

$12:5=(12\times 2):(5\times 2)=24:10=2,4$

Varda anca

• Xonta
• Sotra
• Moltiplegasion

Altri progetti

• Wikimedia Commons

• Wikimedia Commons el detien imàjini o altri file so divixion