Emisfero osidentałe

L' emisfero osidentałe el ze un tèrmano zeogràfego doparà par denomenar ła metà de ła Tera ponesta verso òvest del meridian de Greenwich (che el traersa Greenwich a Londra, inte el Regno Unio), l'altra metà el ze l'emisfero orientałe. In pì sto tèrmano el vien doparà in magnera spesìfega in referimento a łe Amèriche (o el Novo Mondo) e łe àcue là arenti, siben-ché i vien escludiesti racuanti teritori che i se cata zeografegamente in sto emisfero (parte de Àfrica, Eoropa, Antartide e Àzia); de consevensa el vien racuante volte denomenà emisfero american.

Descrision

Calsìase definision de emisfero orientałe o osidentałe parò ła dimanda ła sełesion de un meridian arbitràrio e parałełamente un corispondente meridian da l'altra parte de ła Tera. Par tanto el vien doparà el Primo Meridian a 0° de lonzitùdene che el pasa par Greenwich, e el meridian da l'altra parte de ła tera andove che ła pasa ła lìnea internasionałe del cànbio de dara (par ła pì granda parte drio del 180° de lonzitùdene).

Paezi drio dei du emisferi

De sevente i ze reportai i paezi che i ze drio del Primo Meridian, e i ze in anbedó i emisferi, in órdene da Nord verso Sud:

•  Regno Unio

•  Fransa

•  Spagna

•  Alzeria

•  Mali

•  Burkina Faso

•  Togo

•  Ghana

De sevente i ze reportai i paezi drio del 180º meridian, in órdene da Nord verso Sud:

•  Rùsia

•  Stati Unii

•  Kiribati

•  Tuvalu

•  Wallis e Futuna

•  Fixi

Altri projeti

Altri progetti

• Wikimedia Commons

• Wikimedia Commons el detien imàjini o altri file so Emisfero osidentałe
• el detien schemi gràfeghi so

Linganbi foresti

• (EN) Western HemisphereEnçiclopedia Britannica, Encyclopædia Britannica, Inc.

Controło de autorità	VIAF (EN) 798144783109289251274 · WorldCat Identities (EN) 798144783109289251274