Togo
El Togo xe un paexe de l’Africa Oxidental.
El confina col Ghana a ovest, co el Burkina Faso a nord e col Benin a est; el ga na costa so l’Oxeano Atlantico a sud.
.svg)
Etimołozia
canbiaEl nome vien da la lengoa ewe, e vol dir "ndar a l’acqua".
Zeografia
canbia
El Togo el ga na superfisie de 56 785 km².
No ghe monti alti. El Pic Baumann, co i so 986 metri, l’è la colina piasè alta del paexe.
La costa l’è paludosa e ghe anca de le lagune.
I fiumi piasè importanti ie l’Oti, che va a finir in Ghana, e el Mono.
La majoria del teren l’è savana.
Storia
canbiaAntighità
canbiaDa ricatamenti archeologici, se sa che le popołasion tamberna xe la piasè vecia. No ghe documenti prima de l’arivo de i europei.
I portoghezi xe rivà in Togo inte el 1490. I europei xe rivà a la fin del secolo XV e i ga scominsià el marca dei sciavi.
I ewe e i mina xe rivà da la Nizeria inte el secolo XVIII.
Modernità
canbiaLa colonizaxion la scominsiò inte el 1884, co i todeschi ga fondà el protettorato del Togoland. I todeschi ga lavorà par modernizar la coltivasion del cacao e del coton.
La colonia la durò pochi ani, parchè i todeschi, dopo la prima guera mondial, ga dovesto dar le colonie a i inglexi e a i francexi.
I do grupi piasè importanti, i mina e i ewe, ga vissù la colonizasion in maniera diversa. I mina, che xera xà in contato co i europei prima de la colonia, iera contenti del governo britanico. I ewe i sa sentio taja fora da le decision pułìteghe e, piasè tardi, da la decision del Togo inglexe de tacarse al Ghana.
Indipendensa
canbiaEl Togo xe indipendente[18] dal 1960.
El primo presidente l’è stà Sylvanus Olympio. La democrasia, parò, no l’è durà tanto: Olympio gavea rifiutà de metar ne l’esercito nasional i veterani de l’esercito francexe. Inte el genaro 1963 i militari ga fato el primo colpo de Stato africano, i ga atacà el palazo presidentiale e copà el presidente.
El fratel del presidente, Nicolas Grunitzky, ga ciapà el so posto.
Inte el 1967, el sergente Etienne Eyadéma ga fato n’altro colpo de Stato e sa meso al posto del presidente. El ga dichiarà el partio unego, nasionalizà tute le industrie e ordinà a i togolesi de verghe solo un nome african, lasando da parte i nomi cristiani o europei. Eyadéma l’era un totalitario che no ghe pensaa do volte a copar i so nemici.
Inte el 1993, a le prime elezioni multipartìteghe, Eyadéma diventò el presidente eleto con el 93% de i voti.
El presidente morì el 5 febraro 2005.
Fambare Ouattara Eyadéma, fiol del vecio presidente e cao de l’esercito, se fato proclamar presidente da un parlamento soto controlo militar. Dopo le proteste internasionali, el novo presidente s’a presentà a le elezioni nasionali inte el avril 2006 e, dopo verghe cambià tuti i risultati, s’à fato proclamar presidente n’altra volta.
Zeografia politega
canbiaLa cavedal xe Lomé, su la costa de l’Oxeano Atlantico.
Popołasion
canbiaEl Togo el ga sete milioni de abitanti.
Etnie
canbiaAnca se el paese l’è picoleto, en Togo ghe xe 45 etnie.
Le piasè grande xe i ewe (46%), i kabye (22%), i uachi, i mina e i mossi.
Religion
canbiaLa majoria de i togolesi i pràtega el vudu, na religion tradisional che cree ne i dei che vive ne i boschi, ne le acque, e ne i ogeti.
Un terso de la popołasion xe cristian (i catoleghi el 22%), e ghe un 18% de musulmani.
Gałeria de someje
canbia-
Monte Agu -
fiume Mono a Nangbéto -
panorama de Socodé -
paesazo cultural de el Koutammakou, sito ONUESC
Note
canbia- ↑ URL de refarensa: https://www.oic-oci.org/states/?lan=en. Data de consultasion: 29 de otobre del 2022.
- ↑ URL de refarensa: https://www.interpol.int/Member-countries/World. Editor: Interpol. Data de consultasion: 7 de disenbre del 2017.
- ↑ URL de refarensa: https://www.opcw.org/about-opcw/member-states/. Editor: Organizasion par ła Proibision de łe Arme Chìmeghe. Data de consultasion: 7 de disenbre del 2017.
- ↑ URL de refarensa: http://www.unesco.org/eri/cp/ListeMS_Indicators.asp.
- ↑ URL de refarensa: http://www.upu.int/en/the-upu/member-countries.html. Data de consultasion: 4 de majo del 2019.
- ↑ URL de refarensa: https://www.itu.int/online/mm/scripts/gensel8. Data de consultasion: 4 de majo del 2019.
- ↑ URL de refarensa: http://icdo.org/who-we-are/members/member-states.html. Data de consultasion: 11 de majo del 2020.
- ↑ URL de refarensa: https://public.wmo.int/en/members/togo. Data de consultasion: 26 de majo del 2020.
- ↑ URL de refarensa: https://www.who.int/choice/demography/by_country/en/. Data de consultasion: 21 de lujo del 2020.
- ↑ URL de refarensa: https://thecommonwealth.org/countries/togo. Data de consultasion: 21 de otobre del 2022.
- ↑ URL de refarensa: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consultasion: 16 de marso del 2024. Pàzena: 8. Sostiene il qualificatore: data del scumìsio.
- ↑ URL de refarensa: https://data.worldbank.org/indicator/NY.GDP.MKTP.CD. Editor: Banca Mondiałe. Data de consultasion: 26 de agosto del 2023.
- ↑ 13,0 13,1 voze de refarensahdr.undp.org.
- ↑ URL de refarensa: http://data.worldbank.org/indicator/SL.UEM.TOTL.ZS.
- ↑ voze de refarensaitu.int.
- ↑ 16,0 16,1 16,2 voze de refarensaitu.int.
- ↑ voze de refarensaiec.ch.
- ↑ A l’indipendenza, solo el Togo soto l’influenza francexe l’è divegnù el paexe che ancò conoscemo come Togo.
Altri projeti
canbia
Wikimedia Commons el detien imàjini o altri file so Togo
el detien schemi gràfeghi so
Łinganbi foresti
canbia- Sito ufisałerepublicoftogo.com.
- Togo, in Disionàrio de istòria, Istituto de ła Ençiclopedia Italiana, 2010.
- (IT, DE, FR) Togohls-dhs-dss.ch, Disionàrio stòrego de ła Svìsara.
- (EN) Hubert Jules Deschamps, Myron Echenberg, Samuel Decalo e Macaire K. Pedanou, TogoEnçiclopedia Britannica, Encyclopædia Britannica, Inc.
| Controło de autorità | VIAF (EN) 130758453 · ISNI (EN) 0000 0001 2157 6744 · LCCN (EN) n80061115 · GND (DE) 4060344-1 · BNF (FR) cb11865648s (data) · BNE (ES) XX455474 (data) · NDL (EN, JA) 00573158 · WorldCat Identities (EN) n80-061115 |
|---|