Eraclea mare
Eracleamare (na volta conosua anca cofà Marina de Santa Croxe) ła ze na frazion de ła sità de Eraclea e ancuo ła ze ła so riviera; ła se trova a sie chiłometri a sud-est de el caołogo e [1] ła ze unega par łe so careteristeghe anbientałi (ła Łaguna de el Mort e ła pineta maritima) e ła so trancuiłità.
Łe dune łe xe de frecuente sudevideste in pi' cordoni, tuti parałełi a el mar.
Ła spiaja ła ze łonga oltre cuatro chiłometri e ła se estende da el mar a ła pineta.
  | |
| Pozision | |
|---|---|
| Stato | Itàłia |
| Rejon | Vèneto |
| Sità metropułitana | Sità metropułitana de Venèsia |
| Comuni de l'Itałia | Eraclea |
| Zeografia | |
| Altitùdene | 2 m |
| Còdazi de identifegasion | |
| Còdaze postałe | 30020 |
| Fuzo oràrio | |
| Prefiso tełefònego | 0421 |
|
| |
Zeografia
canbiaEracleamare ła sta su łe rive de el Mar Adriatego, afasada so el Golfo de Venesia a el confin co Jèzoło, da el cual ła ze devidesta da el fiume Piave, e la ze fornida de un portezeło par i turisti (Mariclea).
A ovest de el sentro abità, in diresion de el Piave, ła se trova ła Łaguna de el Mort che, int'el 2003, ła ze stata nominada da Legambiente una de łe 11 spiaje pi' bełe de Itałia[1]. Ła Łaguna de el Mort e ła pineta de Eracleamare łe ze un sito de interese comunitario (SIC). De łà de el fiume, darente a ła łaguna ed int'el teritorio Jezołan el se trova Cortełaso.
Ła pineta ła ze formada da sirca 3500 pini adulti a "ombreła verta" (pinus pinea). Propio sta cua ła ze ła prinsipałe atrativa de el paeze e drento ła ze piena de sentieri par łe pasejiae e par rivar a el mar.
Manifestazion
canbia- Festa de i sapori: ultimo fin de setimana de majo
- Festival de i fiori: ła 1° setimana de zugno
- Balloning Air Show: el ultimo fin de setimana de zugno [2]
- Festa de ła bira: secondo fin de setimana de setenbre
- Marcà: tuti i mercołe de sera
Trasporti e comunicasion
canbiaA Eracleamare el se pol rivar co ła Strada Provinsałe 42 (Jèzołana) Jèzoło-Łatizana, co ła Autostrada A4 Venesia - Trieste vegnendo fora a el caseło de Noventa de Piave - San Donà de Piave o a el caseło de Cesalto, (sto cua el ze pi' zusto par chei che i riva da Trieste). Noventa de Piave e Cesalto łe ze łontane 25 chiłometri da Eracleamare.
El aeroporto de Venesia Marco Poło el ze distante sirca 35 chiłometri, che i se fa inte na mez'ora de machena.
'Na stazion de el treno, cheła de San Donà de Piave, inte ła cual łe se ferma tute łe categorie de treni, ła cołega a ła rede nazionałe RFI.
I cołegamenti publeghi co łe località de ła zona, el aeroporto Marcopoło e ła stazion de el treno i ze garantidi co i autobus de ła dita ATVO.
Par andar a łe łimitrofe łocałità de Caorle e Jèzoło ła ze na roba de do minuti: andando verso oriente, dopo aver pasà el campejio Portofelice, ła se ciapa ła strada comunal che ła permete de rivar in manco de 5 minuti a ła prima łocalità caorlota (Duna Verde); el se pol rivar a el sentro storego de Caorle in manco de un cuarto d'ora. Rivar a Jèzoło el ze ancora pi' rapido: el se pasa el ponte de barche so el Piave, e se riva imediatamente a ła łocalità de Cortełaso in comune de Jèzoło.
Note
canbia- ↑ Articoło so La Repubblica
- ↑ da el 20 al 22 zugno 2008 ła se ga tegnua ła 2° edizion del “Raduno Internazionale Aerostàtego di Eraclea” co 10 mongolfiere iscrite condote da ecuipaji itałiani e foresti.)
Bibliografia
canbia- Luigino Paro, Eraclea ... dove finisce il mare, 1999-2006
- Fritz Weber, Tappe della disfatta, Mursia, 2004
- Luigi Fassetta, La Bonifica inte el Basso Piave, Castaldi, 1977
Coegamenti foresti
canbia
|
Eracleamare su DMoz (Segnala su DMoz un collegamento pertinente all'argomento Eracleamare) |
Wikimedia Commons el detien imàjini o altri file so Eraclea mare
el detien schemi gràfeghi so
