Gèxoło

comune itałian
Gèxoło
comun
(IT) Jesolo
Gèxoło – Stema
Gèxoło – Panorama
Spiada de Gèxoło
Locałixasion
StatoItałia Itałia
RejonVèneto – stema Vèneto
ProvinciaVenèsia – stema Venèsia
Aministrasion
SìndicoValerio Zoggia
Teritorio
Coordinae45°32′N 12°39′E / 45.533333°N 12.65°E45.533333; 12.65 (Gèxoło)Coordinae: 45°32′N 12°39′E / 45.533333°N 12.65°E45.533333; 12.65 (Gèxoło)
Altitudinem s.l.m.
Superficie95,25km²
Abitanti24624
Densità258,52 ab./km²
FrasionGèxoło Łido, Gèxoło Pineta, Paxareła de Soto, Cortełaso, Ca' Pirami, Ca' Fornera, Ca' Nani, Piave Novo
Comuni confinantiCavałìn-Treporti, Eraclea, Muxiłe de Piave, San Donà de Piave, Venesia
Altre informasion
Còd. postałe30016
Prefiso0421
Codice ISTAT027019
Còd. catasticałeC388
TargaVE
Nome abitantigexołani
PatronoSan Zuane Batista
Dì de festa24 de giugno
Carte interative
Gèxoło – Mapa
Sito istitusionałe

Gèxoło (dita anca Jèxoło o Jéxol) el xé un comùn de 24 479 abitanti 'nte ła Provincia de Venesia. Łe se cata a nord-est del cavołógo, su quea penìxoła che ghe xé infrà laguna e Mar Adriàtico, sora de Cavałin.

Indove ancuo ghe xé el comun de Gèxoło, na volta, fin al IX sècoło, ghe gera na sitadina bastansa rica ciamada Equilium. Sta qua ła gera anca sede de na diòcexi, ma per via de catàstrofe climàteghe ła ga perso tuta ła sóa inportansa. Sto séntro el xé nasùo na seconda volta co'l nome de Cavazucarina, grasie a ła famégia dei Soranzo, chei gaveva paréci teréni da ste parte. 'Nte'l 1499 i ga sièlto de desviar el Piave e el Sil faxéndo un canal chel pasava indrìo sti posti, chei ga tólto el nome de Cavazucarina da Alvise Zucharin, ingegnèr ciamà per reałixar sto progeto.

Dopo la desfata de Caporèto inte'l 1917, i Striaci xe rivài fin a ła Piave Nova dove i xe stai conbatui dai Itałiani che inte'l 1918 i ga avansà fin in Istria e che i ga mandà via i Striaci che ga perso ła guèra. Infati a Gèxoło se pol vedar i bunker anca de ła Seconda Guèra Mondial fati dai todeschi nazisti e dai fasisti de Musołini. Tra questi bunker xe stà fato uno su l'altare e cripta (no vixitabiłi) de ła basilega de Santa Maria, ciamada anca Antiche Mura. I ga rovinà tuti i mosaici e i ga destruto chel che restava de ła Basilica ciamada "ła pì bèa dopo San Marco".

Cavazucarina, come tuta ła costièra venesiana, ła sofriva sénpre ła prexénsa de pałui, indove se ciapa fasilmente anca małani come ła małaria: łe bonìfeghe łe xé scomensae 'ntel 1920 e łe ga avùo ła bona conseguénsa del introdusion de coltivasion de formento, formenton e rave. Ste nove atività łe ga agiutà a sołevar Cavazucarina, che, el 28 de agosto 1930 el ga tólto el nome de ancuo, Jèxoło, evołusion del'antigo Equilium.

Dal secondo dopoguera Jèxoło ła xé cresua anca grasie al turismo: 'ntei ùltemi ani ła mancansa de spasio ła ga portà a crear edifisi senpre più alti, diti tore. Ancuo Gèxoło ła ga na spiada de disète chiłòmetri[1], ła più łonga de Itałia, e ła fa rivar parécia xénte durante l'istà, có el paéxe el riva a ospitar anca 500 000 abitanti.[2]

Evołusiòn demograficaModìfega

Abitanti censii


FonteModìfega

  1. Spiada de Gèxoło dal Gaxetin del 28-08-2008
  2. Jesolo
Controło de autoritàVIAF (EN168177167 · GND (DE4257239-3 · BNF (FRcb121000567 (data) · WorldCat Identities (EN168177167
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Gèxoło&oldid=771890"