El fòsforo el ze un ełemento chímego deła tàbeła periòdega dełi ełementi che el gà come númaro adòmego 15 e come sínboło P. El ze un no metało del grupo de 'l nitròdzeno.

A temperadura anbiente el ze sòłido, ma sopra łi 44,15 °C el deventa súbido licuedo.

El fòsforo no se trova en nadura al stado ełementar, ma soto forma de fosfào (sałe del àtsedo fosfòrego), el ze abondante en talune rotse e nełe tsełule dełi èsari vivènti, del cui medabołismo el ze un conponente esentsial. El fòsforo ełementar el ze estremamente reativo e, conbinando se con 'l osídzeno emete na ténüe luminesentsa (da cui el só nome, φωσφόρος, phosphóros, che en grego senjífega "portador de lutse"). El printsipal uzo industrial del fòsforo ze neła produtsion de fertiłidzanti. El se inpiegào anca neła produtsion de esplozivi, fiamíveri, foghi artifeziałi, fitofàrmazi, dentifrizi, dederdzenti e lèd bianchi.

El fòsforo se prezenta come un sòłido tseroso bianco dal caraterístego zgradevołe odor ajàtseo; cuando el ze molto puro rizulta trasparente. El ze insołúbiłe en acua e sołúbiłe nełi solventi orgàneghi e spetsialmente nel solfuro de carbònïo. Rescaldào en aria bruza fatsilmente e el forma el decaòsido de tetrafòsforo P4O10, speso scritto coła fòrmuła bruda P2O5.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Fòsforo&oldid=1089948"