Verxi el menu prinsipałe
El cussìdito tanko uxà dai Serenisimi par l'asalto al canpanil de San Marco, in mostra ała Festa dei Veneti a Sitadeła el 3 setenbre 2006

La Festa dei Veneti xe na manifestasiòn organixà da l'asociasiòn Raixe Venete a partir dal 2004 a Sitadeła, che se dichiara puramente culturałe e, quindi apołitega.

El fin de sta festa xe queło de rimarcàre e raprexentae el Veneto e ła so culturaein tuti i so aspèti, fasendo uxo del slogan: "Insieme co' łe nostre tradisión contro łe nostre divixión"[1] .

Durante ła festa se pòłe catàr prodòti tipèghi de ła rejón e cansón rap en łengoa veneta.

El sentro de ła manifestasión xe el palco, sòra el quało sensa alcuna interusión, se exibise ed intervien on mucio de persone e grupi el cui operà xe insentrà so ła łengoa veneta.

Vien anca svòlta 'na paràda datòrno ałe mure de ła sità de grupi co' cartełi a favór de łengòa e cultura veneta, de grupi de rievocasión storega e de grupi culturałi de ogni xenàre.

I organixadóri stima che 'nteła prima edisión gabia partisipà 10 000 persone cresùde a 30 000 'nteł' edisión 2006.

Ma pròpio in sta ultima edisión, ła prexensa del cussìdito Tanko, el mexo utiłixà 'ntel 1997 dai Serenissimi par asaltàre el canpanil de San Marco, gà fato nàsare discusión e dùbi riguàrdo ałe tendense połiteghe dei organixadóri de ła festa.

'Ntel edisión 2007 ghe xe stà 'na cołaborasión co' alcune raltà culturałi e połiteghe catałane e xe stà egualià anca el numàro de partisipanti prexénti a l'edisión presedente.

Infine, 'nteł'edisión 2009 infra łe varie Istitusión locałi e nasionałi, gà portà i so sałudi el sìndaco de Roncade (del Partito Democratego) e 'l ministro, adeso governadór del Veneto, Luca Zaia.

L'edisión 2010 gà rejistrà un vasto consenso infra ła popołasión, co' sirca 50 000 vixitadóri,[2] spetadóri e partesipanti. 'Na edision che gà susità numeroxe discusión sui jornałi par ła posibiłità de ripetàr,[3] en un'urna ricostruìa storigamente el voto plebisitario del 1866, che gà xontà el Veneto a l'Itałia co' rexultadi bulgàri e poco ciàri.

Indice

Cronołogia de łe festeModìfega

NoteModìfega

Cołegamenti esterniModìfega

VideoModìfega