Fontaniva

comune itałian
Fontaniva
comun
Locałixasion
StatoItałia Itałia
RejonVeneto – stema Veneto
ProvinsaPàdoa – stema Pàdoa
Aministrasion
SìndicoEdoardo Pitton
Lengue ufisiałiitaƚian
Teritorio
Coordinae45°38′11″N 11°45′18″E / 45.636389°N 11.755°E45.636389; 11.755 (Fontaniva)Coordinae: 45°38′11″N 11°45′18″E / 45.636389°N 11.755°E45.636389; 11.755 (Fontaniva)
Altitudine44 m s.l.m.
Superficie20,62km²
Abitanti8249
Densità400,05 ab./km²
FrasionSan Dordi[1]
Locaƚità: Boschi, Caxoni, Fontaniveta, Frata[1]
Comuni confinantiCarmignan, Grantòrto, San Dordi in Bosco, Sitadèƚa
Altre informasion
Łéngueveneto (var. alta pàdoana)
Còd. postałe35014
Prefiso049
Còdaxe ISTAT028038
Còdaxe catastałeD679
TargaPD
Cl. sismegaxona 3 (sismisità basa)
Nome abitantifontanivari
PatronoBeato Bertrando e Santa Maria
Dì de festa1° de marso
Carte interative
Fontaniva – Mapa
Sito istitusionałe

Fontaniva el xe un comun de 8.249 abitanti de l'alta padovana.

Giografia fixicaCànbia

El teritorio comunaƚe de Fontaniva el se cata 'nte'l core de ƚa pianura vèneta, al confin tra alta e basa pianura, 'nte ƚa xona de ƚe risorgive, e el xe traversà da ƚa Brenta. Ƚa gran parte del sentro abità ƚa se cata in sanca idrografica.

StòriaCànbia

Aprofondimento

A ƚa gran richesa d'acua del teritorio se deve probabilmente el nome de ƚa locaƚità, che secondo serti ƚa derivaria dal latin fontes ibi (chi a ghe xe de ƚe fontane) o fons viva (fontana viva).

El teritorio de Fontaniva el fa parte de la centuriasion romana de Sitadèƚa-Basan e l'xe sta abità sicuramente fin da l'epoca romana. Dopo che xe cascà 'l inpero Roman ve se ga stabiƚìo xenti longobarde.

Inte'l 1147 inte'l teritorio fontanivexe xe sta firmà ƚa pase infrà vixentini e padoani.

Fontaniva ƚa xe una de ƚe locaƚità interesae da ƚe visende storiche ligae a la famèja dei Exeƚini che i gheva de ƚe propietà inte'l paexe.

Monumenti e loghi d'intarèseCànbia

Architeture reƚigioxeCànbia

La cexa parochiaƚe, dedicà al Beato Bartrando e a ƚa Madòna, che de resente ƚa xe deventà dòmo, la xe sta ingrandìa pì volte inte la so stòria. Al so interno se cata anca de ƚe teƚe d'autor, come par exenpio na Ultema sèna de Palma el xóvane. De fianco a la cexa ghe xe el canpaniƚe, costruìo so na vècia tore del castèƚo (distruto, el castèƚo, inte'l 1228).

Inte'l teritorio comunaƚe se cata anca la cexa parochiale de San Dordi e racuanti oratori e cexete.

Architeture siviƚiCànbia

Come inte'l resto de ƚa canpagna vèneta na volta i laori agricoƚi i jera organixai co'l sistema de ƚe viƚe. De ste viƚe inte'l teritorio comunaƚe ghi ne xe tre:

  • Viƚa Gallarati-Scotti (xà Cittadella-Vigodarzere, e al inisio de ƚa so stòria Vila Orsato) ai confini co Sitadèƚa;
  • Viƚa Borromeo, a San Dordi
  • Ca' Viero, in locaƚità Frata

Inte i ani sesanta vien costruìo da ƚa Parochia el Cine Teatro "Palladio" da 400 e pasa posti. Inte'l 2008 el xe sta riverto dopo un restauro e soto xe sta fata anca na saƚa conferense dedicà a Monsignor Nichele, el paroco che gheva fato costruir el Cine.

SosietàCànbia

Evoƚusion demografegaCànbia

Abitanti censii


Etnìe e minoranse foresteCànbia

I rexidenti co na citadinansa foresta i xe pì o meno el 11,5% de ƚa popoƚasion del paexe. Ƚa comunità foresta pì grosa ƚa xe cueƚa rumena, poco pì del 5% de ƚa popoƚasion del comun el vien da là (scuaxi 1 foresto su 2 el xe rumeno). Segue ƚe comunità albanexe (poco pì del 1%), del Burkina Faso (1%), del Maroco (poco manco del 1%), de ƚa Moldavia e de ƚa Cina (tute do torno el 0,5%, segue altre comunità co nùmeri manco significativi).[2]

CulturaCànbia

Inte'l teritorio comunaƚe se trova do scoƚe eƚementari (una in sentro e n'altra inte ƚa frasion de San Dordi) e una scoƚa media, tute stataƚi.

Giografia antropicaCànbia

L'ùgnoƚa frasion ƚa xe San Dordi in Brenta, co pì de miƚe abitanti, fondà in epoca longobarda e sede de un ramo de ƚa famèja Borromeo. Po ghe xe ƚe locaƚità de Boschi (l'ùgnoƚa in dreta Brenta), Caxoni, Fontaniveta e Frata.

ConomìaCànbia

Ƚa conomìa del paexe ƚa xe da senpre ligà a i materiaƚi ricavai da ƚa Brenta, fra tuti ƚa giara. Inportante xe sta, inte'l pasà, anca ƚe fornaxe da calse. Pì resente l'industria ligà ai pre-fabricai.

Infrastruture e traspòrtiCànbia

El sentro de Fontaniva el xe traversà da ƚa vècia stataƚe 53, che dal 2004 ƚa xe sta portà fora dal sentro co la costrusion de na tangensiaƚe.

Fontaniva ƚa xe anca traversà da ƚa ferovia che coƚega Vicensa co Trevixo.

AministrasionCànbia

XemeƚagiCànbia


SpòrCànbia

'L ùgnoƚo inpianto sportivo pa' i spòr de scuadra prexente inte'l teritorio comunaƚe xe el picoƚo stadio comunaƚe pa'l baƚon, 'ndove che xuga ƚa locałe società de diƚetanti.

NotasionCànbia

  1. 1,0 1,1 (IT) Comune de Fontaniva - Statuto
  2. (IT) Popoƚasion foresta rexidente al disenbre 2015 - Dati ISTAT

BibliografìaCànbia

  • (IT) Don Marcello Rossi, Fontaniva nella storia, Fontaniva 1993.

Voxe ligaeCànbia

Altri progetiCànbia

Ligamenti forestiCànbia

  Sta sesion ła xe oncora voda. Jùtane scrìvarla!
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Fontaniva&oldid=796083"