Fronte Polisario

El Fronte Polisario, Fronte Popolare par la Libarasion de Saguia el Hamra e el Rio de Oro, el xe on movimento che el combate par l’indipendensa del Sahara Ocidentale dal Maroco e l’autoderterminasion del popolo saharawi.

Fronte Polisario

(ar) الجبهة الشعبية لتحرير الساقية الحمراء ووادي الذهب (es) Frente Popular de Liberación de Saguía El Hamra y Río Oro
Dati
Nome scursà	Polisario, البوليساريو e بوليساريو
Sorte	partio pułìtego movimento de libarasion nasionałe
Ideołozìa pułìtega	nasionałismo saharawi sociałismo democràtego sosialdemocrasìa anti-inperiałismo nasionałismo àrabo
Istòria
Creasion	10 de majo del 1973
Fondador	El Ouali Mustafa Sayed (it)
Atività
Menbro de	Liansa Progresista Internasionałe Sociałista
Governo d'impresa
Segretàrio xenarałe	Brahim Gali (it)
Personałità rełevante	Mohamed Abdelaziz (it) El Ouali Mustafa Sayed (it)
Consejo Nasionałe Saharaui	51 / 53
Parlamento Panafrican	5
Altri
Cołore
Sito web	saharalibre.es

Storia

En tel 1971, on grupo de studenti universitari saharawi in Maroco i ga scominsià a encontrarse par formar on movimento de libarasion del so paexe. I ga anca tentà de farse riconosar da paexi arabi de la region. Algeria e Maroco i ga rifiutà, Libia e Mauritania i ga mostrà poco interese. El movimento el se sa alora spostà in tel Sahara Ocidentale par tacar la guerilia.

La costitusion ufisial del grupo la xe vegnuda el 10 magio 1973. El primo obietivo el xera quelo de parar via i spagnoli. El primo Segretario Generale el xe stà El-Ouali Mustapha Sayed. El 20 magio 1973, Sayed el ga direto el primo ataco militare del Fronte Polisario contro la postasion de khanga. I spagnoli i gavea meso su na milisia locale. Questi i ga scominsià a disertar par unirse al Polisario, co i disertava i portava via le so armi e munisioni. Dopo on par de setimane, i guerilieri Polisario i xera za pi de 800. Simeon Aké, comisario de le Nasion Unie, el ga visità el paexe in tel gunio 1975 e el ga constatà che la popolasion la volea l’autodeterminasion, sensa parlar de integrasion in tel Maroco o la Mauritania.

Ritiro spagnolo

I spagnoli i volea lasar la colonia e, inte l’estate 1975, i ga scominsià na negosiasion co el Maroco e la Mauritania che la ga portà a la firma de i Acordi de Madrid. Co el ritiro de la Spagna, el Maroco se aneteva el Saguia El Hamra (el nord del paexe) e la Mauritania el Rio de Oro (el sud).

El Fronte Polisario, co el sostegno de l’Algeria, el ga proclamà l’indipendensa. Da la so baxe in Tindouf, el Fronte Polisario el xe stà bon de conbatar contro la Mauritania e rivar fin a Nouakchott. Na olta parà via i mauritani dal teritorio, el Polisario el se sa concentrà contro i marochini, che i gavea on esercito pi preparà e mejo eqipagià.

Situasion anbigua

La progresion del muro

El Maroco el xe stà bon de tegnar i guerilieri del Polisario in tel deserto grasie a la costrusion de na serie de mura a difesa de le sità e de le zone produtive del paexe. I guerilieri i no ga podesto vinsar contro n’esercito ben preparà, el Maroco el ga dovù spendar some enormi par mantegnar el control del paexe. El Polisario el controla on terzo del paexe, ma el xe el terzo del teritorio sensa valor econòmego.

Le trupe de le Nasion Unie, el MINURSO, le controla el cesate el fogo ragiunto in tel 1991. I acordi i xera par verghe on referendum so l’autodeterminasion in tel 1992. Da alora, el Maroco el ga senpre trovà de le scuse par rimandar el referendum.

La Republica Democràtega

El 27 febraro 1976, el Polisario el ga proclamà l’indipendensa de la vecia colonia spagnola. El governo el vive in bando. La Republica Araba Saharawi Democràtega (RASD) la ga on ramo giudisiario e on parlamento. Tute le struture le se cata in Algeria. La Costitusion la prevede na democrasia multipartitica. Mohamed Abdelaziz el xe stà presidente de la repùblega par i ultimi trent’ani. La RASD la xe menbro de l’Unità Africana ma no de le Nasion Unie. La xe reconosuda da 43 nasion de l’Africa e de l’America Latina. La RASD la ga la baxe a Tindouf, ma la cavedal sinbolica la xe Bir Lehlou, na sitadina in tel nord est del paexe. La cavedal oficial la rimane El Ayun.

Strutura del Polisario

El Fronte Polisario el xe direto da on Segretario Generale. El primo el xe stà El Ouali Mustapha Sayed, e dopo de lu, Mahfoud Ali Beiba. Dal 1976 el cao el xe Mohamed Abdelaziz, che el xe anca presidente de la republica. El Segretario Generale el xe eleto da el Congreso Generale Popolare (CGP) che el se tien ogni quatro ani. I rapresententi al CGP i vien da tuti i canpi, da le organizasion de le done, de i zoeni, de i lavoradori, e da i delegati militari de i militari. EL CGP el xe el pi alto livel decisionale de la RASD. En tel periodo tra do diversi incontri, le decision le vien tolte da el Segretariato Nasional de 41 rapresentanti.

En tel 2004, on grupo de disidenti el ga proclamà la costitusion de el Fronte Polisario Khat al Shahid. Co el novo Fronte la pułìtega de l’unità par la libartà la se sa roto. El Fronte Polisario el ga da afrontar stà situasion par evitar de indebolirse in lote interne prima oncora de rivar al referendum.

Portałi:
• Portałe de Africa
|

Altri progetti

• Wikimedia Commons

• Wikimedia Commons el detien imàjini o altri file so Fronte Polisario
• el detien schemi gràfeghi so