Giografia de la Guinea Equatorial

La Guinea Equatorial el xe na naxion de l’Africa Sentrale so la costa oriental del continente, sol Golfo de Guinea, e rente a Camerun e Gabon. A la parte continentale del paexe, se ga da zontar le ìzołe de Bioko e quela de Annobon. Ghe xe anca altre ìzołe pi picenine: Corisco, Elobey Grande, Elobey Chico, e i ixoloti rente a lore. La cavedal Malabo la xe so l’ìzoła de Bioko. El toco continetal del paexe el se ciama Rio Muni.

MorfołoziaCànbia

 
La Guinea Equatorial dal satelite

L’ìzoła de Bioko, ciamada Fernando Po fin al 1970, la xe l’ìzoła pi grande del Golfo di Guinea e la ga na superfice de 2 017 km². L’ìzoła la xe formà da do grandi montagne vulcaniche separade da na valeta in inte el posto pi streto de l’ìzoła. La costa la xe ripida in tel sud, ma piata al nord do se cata i porti de Malabo e Luba.

El Rio Muni el ga n’estension de 26 003 km². So la costa se cata na pianura che la sale pian pianin co che se va a l’interno, fin a formar de le base coline. El fiume Mbini (na olta conosù come Rio Benito) el taja la region a metà.

L’ìzoła de Annobon, el nome se riferise al di de la so scoperta, el caodano del 1472, la ga n’estension de 18 km². La costa la xe rociosa, l’interno montagnoso.

ClimaCànbia

El clima el xe equatoriale, co tenperature alte – pi base in inte el Rio Muni che so le ìzołe – e alta umidità (2388 mm l’ano al nord, e 4600 mm al sud). La tenperatura mèdia la xe de 26 gradi, e la xe costante tuto l’ano.

Dati generaliCànbia

Superfice totale: 28 051 km².

Confini totali 539 km: Camerun (189 km) a nord e Gabon (350 km) a est e sud.

Linea de costa: 296 km.

Elevasion estremeCànbia

  • Punto pi baso: mar 0 m
  • Punto pi alto: Pico Basile 3 008 m


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Giografia_de_la_Guinea_Equatorial&oldid=1059387"