Giografia de la Mauritania
La Mauritania la xe na naxion de l’Africa ocidental e la fa parte del Maghreb, e anca del Sahel. El teritorio el xe piato, co poche coline. El el altipian pi alto el xe quelo de Adrar (500 m). A sud el confina co el Senegal e el Mali (anca tuta la frontiera a est), al nord el toca l’Algeria e el Sahara Ocidental. La Mauritania la ga na longa costa so l’Oceano Atlantico. La montagna pi alta la xe el Kediet Ijill (910 m). El paexe el xe quasi tuto desertico o semi-desertico. Da i ani 1960, el deserto el xe in espansion. La piova la xe scarsa (500 mm a sud, 100 mm a nord) e de frecuente el paexe el sofre la sicità. La Mauritania la se pol dividar in quatro rejoni: el Sahara, el Sahel, la val del Senegal e la costa.
El Sahara
canbia
El Sahara el riva fin al nord del paexe e el cuerze do tersi de la Mauritania. Sta rejon la xe caraterizà da poca piova, alte temperature e da forti venti (harmattan) che i causa le tenpeste de sabia. En stà rejon se cata anca zone do l’acqua che la vien zo da i altipiani la ge da vita a de le oasi. Qi se cata on poco de agricoltura e la pastorisia. La vegetaxion naturale la xe scarsa e la se limita a le acacie e i cactus.
El Sahel
canbiaA sud del Sahara, e fin a 30 km dal fiume Senegal chel segna el confin co el Senegal, se cata el Sahel. El Sahel el xe caraterizà da savane co on clima semi-desertico, adato a la pastorisia. La piova la xe scarsa, ma pi regolare che no in tel Sahara. Co che se se move a sud, la vegetaxion la diventa pi densa, fin a catar zone do se pol far agricoltura tuto l’ano.
La val del Senegal
canbiaEl fiume Senegal el score longo el confin sud del paexe. Longo le rive, e par na profondità che la va da pochi a 30 chilometri, se cata n afasia de verde. El clima el xe manco amrcà che in tel Sahel e l’agricoltura la xe senpre posibile. En te i ultimi ani, la desertificaxion la ga portà a na perdita de teren co lo slargamento del Sahel. La piova la xe de 400–600 mm l’ano, de solito da marso a setenbre. El fiume Senegal el xe navigàbiłe fin a Kayes, in Mali, durante la stagion de la piova, e fin a Podor, in Senegal, inte la stagion seca.
La Costa
canbiaLa costa la xe longa 754 km. La piova la xe scarsa (30 mm) e el vento el xe senpre forte. Le temperature le xe moderà dal vento. La vegetaxion la xe scarsa. La costa la xe rica de sedimenti e minerali (fero, rame, fosfati) e anca de petrolio. Le àcue le xe pescoxe.
Wikimedia Commons el detien imàjini o altri file so Giografia de la Mauritania
el detien schemi gràfeghi so
