Giografia de la Republica del Congo

La Republica del Congo el xe no Stato de l'Africa Sentrałe a caval de l'Equatore. El paexe el ocupa el nord de l’area del basin del Fiume Congo, fin a i altipiani del Gabon.

Mapa de la Republica del Congo

Dati generali canbia

El Congo el confina co el Camerun a nord, co el Gabon a ovest, co la Republica Democràtega del Congo a sud e a est. A sud se cata anca la esclave angolana de Cabinda. La costa sol Golfo de Guinea la xe longa 169 km. El paexe el cuerze 342 000 km², poco de pì de l’Italia.

Teritorio canbia

 
LaRepublica del Congo

La costa la ga depositi alluvionali e rena e la se svilupa a l’interno par 40 km. Dopo se cata de le cadene de montagne riche de minerali. L’interno del paexe el xe formà da altipiani cuerti da foresta tropicale. Le foreste le xe traversà da fiumi che i buta sol Congo. I pì inporanti i xe: el Sangha, el Likouala e l'Alima. I laghi pì inportanti i xe el Lago Tchibenda, so la costa, e el Lago Télé.

Clima canbia

El clima el xe caldo tropicale, co piova tuti i dì (da 1900 a 2400 mm l’ano). So la costa el clima el xe pi fresco e la stagion de la piova la va da genaro a magio.


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Giografia_de_la_Republica_del_Congo&oldid=1099887"