Liai de ła seconda guera mondiałe

Liai de ła seconda guera mondiałe
Sorte	liansa miłitare ; entità aministrativa sparia ; coałision miłitare multinasionałe ; country in World War II (en)
Vałidità	1939 -
Conflito	Seconda guera mondiałe
Formà da
	Stati Unii de l'Amèrica ; Governo cecoslovacco in esilio (it) ; Norveja ; Lusenburgo ; Belzo ; Regno de Gresa ; Estado Novo (Brasile) (it) ; Inpero d'Etiòpia ; Confederasion Fiłipina ; Rèǌo de Jugoslavia ; Paezi Basi ; Austràlia ; Regno Unio ; Union Soviètega ; Nova Zełanda ; Repùblega de Cina ; Połònia ; Fransa ; Cànada ; Union Sudafricana

I Liai de ła seconda guera mondiałe (de frecuente denomenai senplegamente Liai) i ze stai tuti i Paezi che i se ghea coałizà contro łe potense de l'Ase inte el ndar de ła seconda guera mondiałe.

Le trè potense prinsipałi che łe ga vesto un roło decisivo inte el conflito i ze stai i Stati Unii, l'Union Soviètega e el Regno Unio; ła turbołenta liansa intrà ste trè potense ła zera vegnesta denomenada da Winston Churchill ła Granda Liansa, finmente che i trè capi, l'isteso Churchill, Franklin Delano Roosevelt e Josif Stalin i ze pasai a ła stòria cofà i Trè Grandi.^[1]

Doparo del tèrmeno

Anca se de convension i ze stai ciamai col nome de «Liai»; l'espresion no ła ze sta mai formalmente doparada dai menbri de ła coałision. De contràrio, inte el disenbre del 1941 el presidente statunitense Franklin Delano Roosevelt el ghea favorio par i paezi liai el nome de "Nasion Unie".^[2] Ła Declarasion de łe Nasion Unie de fati, del 1º de zenaro 1942, ła ze a ła baze de ła nàsita de l'ONU.

Paezi costituenti

In senso streto, i Liai i ze stai el Regno Unio, insieme ai paezi che i conponeva l'Inpero britànego, e i Stati Unii co i paezi co lori liai. La Fransa, no-ostante ła parénteze che ła va da ła sconfita del 1940 a ła libarasion del 1944, ła ze considerada parte dei Liai, cofà che ne dimostra el fato de ver otegnesto sol finir del conflito na zona de ocupasion de ła Zermània e de èsare stada includesta inte el consejo de seguresa de l'ONU in cuałità de potensa vinsitora.

Storegamente ła vien includesta intrà i Liai anca l'Union Soviètega, siben che inte l'istà del 1939 el goerno soviètego el gavese finio, stante ła stagnasion dei cołòcui co Regno Unio e Fransa par un pato in funsion anti-todesca, un acordo de no agresion co ła Zermània, conosesto cofà Pato Molotov-Ribentrop, el cuało el regołava anca łe rełative "zone de influensa" dei do paezi e el ga permetesto a sti cuà de spartirse el teritòrio połaco inte l'otobre sucesivo. L'Oparasion Barbarosa scatada el 22 de zugno 1941 ła ghea mudà totalmente łe prospetive pułìteghe e stratèzeghe, spenzendo l'Inpero Britànego e l'Union Soviètega a far na liansa formałe. Inte el pian ideolòzego e de pułìtega internasionałe i sovièteghi i zera stai senpre distanti da łe concesion de łe democrasie osidentałi e inte el pian miłitare ła cołaborasion intrà łe tre majori potense liae ła ze stada de frecuente dìfìsiłe e minada da ła difidensa resìproca. Ła vien includesta, par de pì, ła Cina, za in guera col Japon prima del scumìsio del conflito e divegnesta cobełizerante dopo l'ataco de Pearl Harbor. La coałision de guera de łe cuatro nasion, ła zera divegnesta anca conosesta co ła definision, cognada da Franklin Delano Roosevelt, de "cuatro potense", corispondendo ai cuatro prinsipałi liai de ła seconda guera mondiałe: el Regno Unio, i Stati Unii, l'Union Soviètega e ła Cina.^[3]^[4]

Istòrego

Le Nasion Unie łe ze stae na liansa de tipo struturałe, ła prima inte ła stòria a portar vanti i so fini par mèdio de na organizasion internasionałe anca dopo el fin de ła guera. I so 51 menbri i zera entrai inte el conflito in tenpi diferenti.

Dopo l'invazion de ła Polònia

Polònia: 1º de setenbre 1939
Regno Unìo: 3 de setenbre 1939
India Britannica: 3 de setenbre 1939
Austrałia: 3 de setenbre 1939
Nova Zełanda: 3 de setenbre 1939
Sudafrica: 6 de setenbre 1939
Bahrein: 10 de setenbre 1939
Cànada: 10 de setenbre 1939
Oman: 10 de setenbre 1939
Fransa: 3 setenbre 1939
Nepal: 4 setenbre 1939

Dopo ła Istrana guera

Danemarca: 9 de apriłe 1940
Norveza: 9 de apriłe 1940
Belzo: 10 de majo 1940
Łusenburgo: 10 de majo 1940
Paezi Basi: 10 de majo 1940
Grecia: 28 de otobre 1940
Jugoslavia: 6 de apriłe 1941 (ła ga firmà parte del Pato tripartio el 25 de marso par ndàrghene fora el 27 de marso dopo de un colpo de stato fiło-britànego. Ła ze stada agredia da Zermània, Itàlia e Ungaria el 6 de apriłe)

Dopo l'invazion de l'Union Soviètega

Union Soviètega: 22 de zugno 1941, ciapando drento:
Ucraina: siben che federada inte l'URSS, ła ze sta reconosesta dai USA cofà bełizerante su dimanda de Stalin;
Biełorùsia: inte ła stesa pozision de l'Ucraina.
Repùblega Popołare de Tuva: 22 de zugno 1941
Partezani jugoslavi: 4 de lujo 1941

Dopo l'ataco de Pearl Harbor

Panama: 7 de disenbre 1941
Stati Unii: 8 de disenbre 1941, ciapando drento:
20px|border Fiłipine: 8 de disenbre 1941
Costa Rica: 8 de disenbre 1941
Repùblega Dominicana: 8 de disenbre 1941
El Salvador: 8 de disenbre 1941
Haiti: 8 de disenbre 1941
Ondùras: 8 de disenbre 1941
Nicaragua: 8 de disenbre 1941
Guatemała: 8 de disenbre 1941
Mongòlia: 8 de disenbre 1941
Cuba: 9 disenbre 1941
Repùblega de Cina: 9 disenbre 1941 (in guera co l'Inpero japoneze dal 1937)
Corea (goerno in esilio): 10 disenbre 1941
Cecoslovachia (goerno in bando): 16 disenbre 1941

Dopo ła declarasion de łe Nasion Unite

Iraq: 16 de zenaro 1942 (ocupà dai Liai inte el 1941)
Perù: 12 de febraro 1942
Messico: 22 de majo 1942
Braziłe: 22 de agosto 1942
Etiòpia: 14 disenbre 1942
Bołìvia: 2 de apriłe 1943
Iran: 9 setenbre 1943 (ocupà dai Liai inte el 1941)
Italia: 13 de otobre 1943 (cobełizerante)^[5]
Cołónbia: 26 de novenbre 1943
Łiberia: 27 de zenaro 1944

Dopo el sbarco in Normandia

Romania: 25 de agosto 1944 (dopo aver sbandonà łe potense de l'Ase)
Bulgaria: 8 setenbre 1944 (dopo aver sbandonà łe potense de l'Ase)
Ungheria: 31 disenbre 1944 (dopo aver sbandonà łe potense de l'Ase)
Ècuador: 2 de febraro 1945
Arzentina: 7 de febraro 1945
Paraguai: 7 de febraro 1945
Uruguai: 15 de febraro 1945
Venesueła: 15 de febraro 1945
San Marin: 21 de febraro 1945
Turchia: 23 de febraro 1945
Egitto: 24 de febraro 1945
Łìbano: 26 de febraro 1945
Siria: 26 de febraro 1945
Arabia Saudita: 1º de apriłe 1945
Finlàndia: 3 de apriłe 1945 (dopo aver sbandonà łe potense de l'Ase)
Ciłe: 11 de apriłe 1945

Notasion

↑ W. Churchill, La seconda guera mondiale, vol. III: La Grande Alleanza.
↑ Lungo Armistizio - Vedasi ad esempio il testo dell'armistizio fra il Regno d'Italia e le Nazioni Unite, cassibilenelmondo.it. entrada il 9 de setenbre 2018 (archivià il 16 de setenbre 2018).
↑ Keith Sainsbury, The Turning Point: Roosevelt, Stalin, Churchill, and Chiang Kai-Shek, 1943: The Moscow, Cairo, and Teheran Conferences, Oxford, Oxford University Press, 1986.
↑ David C. Hendrickson, Townsend Hoopes e Douglas Brinkley, FDR and the Creation of the U.N., in Foreign Affairs, vol. 76, nº 3, 1997, pp. 132, DOI:10.2307/20048062. entrada il 27 de zenaro 2019.
↑ Copia archiviatastoriaxxisecolo.it. entrada il 25 de otobre 2019 (archivià il 27 de otobre 2019).

Voze corełae

Linganbi foresti

(EN) Allied powersEnçiclopedia Britannica, Encyclopædia Britannica, Inc.
(EN) Adam Volle, Allied powersEnçiclopedia Britannica, Encyclopædia Britannica, Inc.

Controło de autorità	VIAF (EN) 145953695 · ISNI (EN) 0000 0001 1941 5036 · LCCN (EN) n50064285 · GND (DE) 4001297-9 · BNF (FR) cb11726114b (data) · WorldCat Identities (EN) n50-064285

[1] W. Churchill, La seconda guera mondiale, vol. III: La Grande Alleanza.

[2] Lungo Armistizio - Vedasi ad esempio il testo dell'armistizio fra il Regno d'Italia e le Nazioni Unite, cassibilenelmondo.it. entrada il 9 de setenbre 2018 (archivià il 16 de setenbre 2018).

[3] Keith Sainsbury, The Turning Point: Roosevelt, Stalin, Churchill, and Chiang Kai-Shek, 1943: The Moscow, Cairo, and Teheran Conferences, Oxford, Oxford University Press, 1986.

[4] David C. Hendrickson, Townsend Hoopes e Douglas Brinkley, FDR and the Creation of the U.N., in Foreign Affairs, vol. 76, nº 3, 1997, pp. 132, DOI:10.2307/20048062. entrada il 27 de zenaro 2019.

[5] Copia archiviatastoriaxxisecolo.it. entrada il 25 de otobre 2019 (archivià il 27 de otobre 2019).

[1]

[2]

[3]

[4]

[5]

Formà da


Sorte	liansa miłitare entità aministrativa sparia coałision miłitare multinasionałe country in World War II ^(en)
Vałidità	1939 -


Conflito	Seconda guera mondiałe
Stati Unii de l'Amèrica Governo cecoslovacco in esilio ^(it) Norveja Lusenburgo Belzo Regno de Gresa Estado Novo (Brasile) ^(it) Inpero d'Etiòpia Confederasion Fiłipina Rèǌo de Jugoslavia Paezi Basi Austràlia Regno Unio Union Soviètega Nova Zełanda Repùblega de Cina Połònia Fransa Cànada Union Sudafricana