James Connolly
James Connolly (Ebora, 5 de zugno 1868 - Dublin, 12 de majo 1916), in irlandexe Séamas Ó Conghaile, el xe sta un sindacałista e rivołusionario irlandexe.
  | |
| Nome orizenałe | (ga) Séamas Ó Conghaile (en) James Connolly |
|---|---|
| Biografia | |
| Nasimènto | 5 de zugno del 1868 Ebora (Scozia) |
| Mòrte | 12 de majo del 1916 (47 ani) Dublin |
| Càuxa de morte | Pena de morte (Feria de arma da fogo ) |
| Liogo de sepełimento | Arbour Hill Cemetery (en)  |
| Atività | |
| Laóro | |
| Atività | 1913 – |
| Partio | Partio Sociałista Republegan Irlandezo |
| Cariera miłitar | |
| Lialtà | Ezérsito Sitadin Irlandezo |
| Unità miłitare | British Army (it) |
| Conflito | Prima guera mondiałe |
| Fameja | |
| Spoxa | Lillie Connolly (it) |
| Fiołi | |
 | |
 | |
Xoventù e prime esperiense połitiche
canbiaNato a Ebora in Scosia da imigrai irlandexi. A undaxe ani el łasa ła scoła par laorar. A cuatordexe ani el entra, contando de 'ver pì ani de cuełi che el gheva, inte el exersito britanico e el vien mandà in Irlanda par sete ani. Co el so regimento el vien trasferìo in India el łasa el exersito e el torna in Scosia co na xovane che el gheva conosùo col jera miłitar, Lillie Reynolds, che inte el apriłe del 1890 ła deventa so mojere.
Tornà a Ebora el taca a èsar ativo inte el movimento sociałista e el deventa in pochi ani segretario de ła federasion sociałista scosexe. Savùo che un club de sociałista de Dublin el jera in serca de un segretario fiso, na ocupasion che ghe gavarìa fornio anca un stipendio, Connolly, co ła fameja, el torna in Irlanda. In poco tenpo sto club el deventa el Partio Sociałista Republican Irlandexe.
I problemi economisi parò i lo porta, inte el setenbre del 1903, a emigrar inte i Stati Unii de ła Mèrica. 'Ndove che el ga modo de vegner a contato co i anbienti sindacałi mèricani. Inte el 1910 el torna in Irlanda andove che el deventa el braso destro de James Larkin inte ła Irish Transport and General Workers Union. Inte el 1913, in risposta a ła serada de Dublin el crea, insieme co Jack White, el Irish Citizen Army (ICA), un grupeto sindacałista armà par difendar i laoradori in siopero da ła pula de Dublin, che presto el se tol come obietivo ła creasion de na repùblega irlandexe independente e sociałista.
El 1916: ła revolta de Pascua
canbiaInte el 1916, dato che el considerava i Vołontari Irlandexi masa borghexi e poco interesai a l'idenpendensa econòmega de l'Irlanda, e pensando che i fuse poco decixi a far asion concrete contro el inpero britanico, el fa saver de èsar pronto a agir da soło co l'ICA. Sta roba mete in alarme ła Fraja Republicana Irlandexe, che ła gheva omani infiltrai inte i Vołontari, e che ła gheva in programa na insuresion in chel ano. I cai de ła fraja, cofà Patrick Pearse, i deside cuindi de catarse co Connolly e insieme i programa na insuresion pa' ła Pascua de chel ano.
El 24 de apriłe ła Revolta de Pascua ła inisia. Connolly el xe al comando de ła Brigada de Dublin. Dopo èsarse rendùo el vien condanà a morte par fuxiłasion. Ła sentensa ła vien aplicà el 12 de majo. Dato che no'l jera bon de star in pie parché el jera ferìo grave el vien ligà so na carega e giustisià.
Wikimedia Commons el detien imàjini o altri file so James Connolly
el detien schemi gràfeghi so
| Controło de autorità | VIAF (EN) 49249974 · ISNI (EN) 0000 0001 0264 2646 · LCCN (EN) n50031491 · GND (DE) 118521837 · BNF (FR) cb12079431f (data) · BNE (ES) XX1005006 (data) · NLA (EN) 35030592 · NDL (EN, JA) 00436467 · WorldCat Identities (EN) n50-031491 |
|---|