Jeruxałeme

Jeruxałeme autoridà locałe
(HE) ירושלים
Locałixasion
Stato	Israele
Distreto	Hierusalem
Sotodistreto	No prexente
Aministrasion
Sìndico	Zaki al-Ghul (est) Nir Barkat (ovest)
Teritorio
Coordinae	31°47′00″N 35°13′00″E
Altitudine	754 m s.l.m.
Superficie	125,42km²
Abitanti	993200
Densità	7 918,99 ab./km²
Autoridà locałi confinanti	Ramat Rachel, Mevaseret Zion, Beit Zayit, Hizma, Al-Ram, Ramallah, Even Sapir, Beit Jala, Abu Dis, Ora e Betleme
Altre informasion
Còd. postałe	91000–91999
Prefiso	2
Carte interative
Sito istitusionałe

Jeruxałeme o anca Hierusalem (en ebraego: ירושלים, Yerushalayim; en arabo: القُدس , soè al-Quds che vol dir "ła (sità) santa" o أُورْشَلِيم, soè Ūrshalīm) ła xe ła cavedal de Israełe, riconosesta sol che dai Stadi Unìi, ła se cata tra el Mar Mediteraneo e el Mar Morto, a est de Tel Aviv, a sud de Ramallah, a ovest de Gerico e a nord de Betleme.

Jeruxałeme ła xe on sentro de inportansa storegaa e xiopułitega. Infati, ła xe on sinboło inportante par łe tri pì grande rełijon monoteiste: cristianeximo, ebraismo e islam.

Topografia

Ancò co se parla de Jeruxałeme se ga da distinguar la Sità Vecia, cuela costruia rentro le vecie mura, e la sità nova, che la se espande fora da le mura. La Jeruxałeme Vecia la xe costruia so cuatro coline:

• a nord ovest se cata el Golgota. So sto montesel i romani i fasea le crocifixioni. Secondo i Vanxełi, anca Jexù Cristo el xe stà crocifixo e sepelio so stò montexel.
• a nord est se cata la Sità Nova, toco de la sità costruia da Tito Flavio Vespasiano
• a sud ovest ghe la colina de Gareb (770 m. s.l.m.), a la so baxe ghe la val de la Geena. Na olta, stà colina la vegnea ciamada Ususalim.
• a sud est se cata el compleso de Sion-Ophel-Moria. Sul monte Sion sortia la sità de Davide. La salida che da Sion va a Moria la xe la Ophel, ancò fora da le mura vecie. El onte Moria el xe inportante. Secondo la tradision ebraega sol monte Moria Abramo el fu ciamà a sacrifegar Isaco. Secondo la tradision islamega, da cuà Maometo el xe nda sù in tel cielo par on viajo mistego. Ancò so sta colina se cata la spianata del Tempio, el Muro del Pianto, e le moschee de El Aqsa, Cupola de Chain e Cupola de la Rocia (speso ciamada – sbaiandose - moschea de Omar, la moschea de Omar la se cata rente de la Ciexa del Santo Sepolcro).

Storia

Ricostruzione grafega del primo tenpio

Da i ricatamenti archeolòxeghi se sa che Hierusalem la xera abitada za al tempo de l’età de la piera. Alcuni testi egisiani i menziona Hierusalem inte'l II milenio a.C. En tempi pi recenti, i gebusei – on clan de i amoriti – i controlava la zona fin al 1.000 a.C. Davide el ga concuistà Hierusalem verso el 1,000 e ga costruio la cavedal del so regno. So fiol Salomone el ga fato slargar le mura, costruir el primo Tempio – distruto da Nabucodonosor en tel 587 a.C. – e costruir vari inpianti militari. Dopo la concuista babilonexe, la sità la xe stà cuasi distruta. Al so ritorno, i israeliti i ga ricostruio el Tempio e le mura (V secolo a.C.). Hierusalem la xe stà concuistà da Alesandro Magno e dopo finia soto la sfera de influensa de i Tolomei d’Egitto, fin al 198 a.C. co la xe cascà en man de i Seleucidi de la Siria. Co i Seleucidi i ga tentà de elenizare el popolo, ghe sta le rivolta de i Macabei (165 a.C.) che i ga portà al governo i Asmonei che i ga regnà fin a l’arivo de i romani (63 a.C.). I romani i ga dato Hierusalem a Erode che el ga slarga el Tempio. Verso el 30 d.C., soto Ponsio Pilato, Gesù Cristo el xe stà crocifiso sol Golgota. I israeliti i sa rioltà contro i romani do olte. En tel 66 e en tel 132. La prima olta, i romani i ga conbatù par cuatro ani e, en tel 70, i ga distruto la sità. La seconda olta, dopo che Bar Kokheba el ga concuistà Hierusalem, i ga distruto cuel che restava de la vecia Hierusalem e costruio na nova sità ciamada Aelia Capitolina. L’inperatore Costantino el ga fato butar zo i tenpi pagani e costruir la ciexa del Santo Sepolcro sul posto che i cristiani i gavea senpre ricordà esar cuel da la crocifixione e resuresione de Gesù Cristo.

Prospeto antigo de Hierusalem.

En tel 614, Hierusalem la xe stà concuistà da i persiani, e riconcuistada da i bizantini en tel 629. En tel 637, el califo Umar ibn al-Khattab el ga concuistà la sità che la xe rimasta in man a i califi de Damasco e, dopo, de cuei de Baghdad. En tel 972, Hierusalem la xe passada soto el control de i Fatimidi, egisiani, e dopo soto cuel de i turchi. Dal 1099 al 1187 i crociati i ga controlà Hierusalem e vaste aree de la Terra Santa (Israele, Palestina e Giordania de ancò). I crociati i ga stabilio el Patriarcato Latino e costruio varie cexe e fortini. En tel 1187, Saladino el ga riconcuistà la sità, che la xe rimasta soto el control de i Ayyubidi e de i Mameluchi. En tel 1517, Hierusalem la xe finia soto el controlo otomano. En tel novenbre 1917, el general inglexe E.H. Allenby el ga ocupà Hierusalem che la xe diventà la cavedal del mandato britanego en Palestina. En tel 1949, l’ONU la ga dichiarà Hierusalem sità internasionale. El pian nol ga funsionà parché i giordani no gha volesto acetare el pian de l’ONU de crear do Stati, uno israeliano e uno arabo palestinexe. La Giordania la ga ocupà Hierusalem E est, e Israele el resto. En tel 1950, Israele el ga proclamà Hierusalem cavedal de la naxion. La decisione la xe stà oficializada solo che nel 1980. Tuti i Stati membri de l’ONU i ga lasà le ambasade a Tel Aviv, ma i ga ofici de rapresentansa a Hierusalem.

Posti de interese

Entrada del Santo Sepolcro

La Sità Vecia la xe costruia rentro de le mura costruie da Solimano I, sultano otomano, en tel 1538. Da la porta de Giafa se entra en tel cuartier cristiano. Cuà se cata le cexe pi inportanti de la Tera Santa: el Santo Sepolcro, la cexa del Redentore, cuela del Batista; come anca le sedi patriarcali catoleghe e ortodoxe. I francescani i ga la Custodia de la Tera Santa che la se prende cura de tuti i posti sacri cari a i cristiani. Altri posti de interese ligà al cristianesimo i xe i vari luoghi nominà da i vangeli (pisina de Bethsaida, el Litostrato, la Via Dolorosa, ecc.). En te la Hierusalem Vechia se cata ancca varie moschee. Le pi inportanti le xe cuele costruie so la Spianata del Tempio. Da cuà, stando al corano, Maometo el xe asceso al cielo so un caval alato. De la parte ebraega ghe rimasto pocheto. El Muro del Pianto – el muro de contenimento de el vecio Tempio Salomonego – e la Casa Brusà, resti de na casa signorile del tenpo de Cristo. En te la sità nova se cata el Museo de l'Olocausto o “Yad Veshem”, el Simitero naxional del monte Herzl, la biblioteca naxional e la Knesset, el parlamento israeliano.

Dal 1981 la Cità Vechia de Hierusalem la xe considerà patrimoin de l’umanità da l’Organizasione de le Nazioni Unie par l'Educasion, la Siensa e la Cultura, UNESCO.

Personaji çełebri

• Natalie Portman, atrice (n. 1981)

Ligadure Foreste

Mape

• Mappa interattiva
• University of Maine, collezione storica di mappe

Status de la sità

• (EN) Posizione ONU sullo status di Gerusalemme
• (EN) Basic Law: Gerusalemme, Capitale di Israele, Governo di Israele
• (EN) Posizione palestinese su Gerusalemme

Mass media

• The Jerusalem Post
• Al Quds Giornale (Arabica)
• Jerusalem Media and Communications Centre
• [1] The MediaLine
• Gerusalemme, la città contesa. Centro Italiano per la Pace in Medio Oriente

Istitusioni

• Custodia di Terra Santa - Francescani
• Al Quds, università araba di Gerusalemme
• Università ebraica di Gerusalemme
• Memoriale dell'olocausto Yad Vashem
• Museo di Israele
• Eventi culturali
• Studium Biblicum Franciscanum
• École Biblique et Archéologique Française

Altri progetti

• Wikimedia Commons

• Wikimedia Commons el detien imàjini o altri file so Hierusalem