Knight Rider

Knight Rider (Supercar) xe na serie tełevixiva americana prodota infra el 1982 e el 1986, interpretàda da David Hasselhoff

TramaCànbia

Ła vicenda taca col salvatagio de un omo da parte de łe industrie Knight, l'omo xe Michael Arthur Long (interpretà da Lary Anderson, che dòboto vien copà da dei criminałi. Ła so vita canbia del tuto parchè el deventa Michael Knight (interpretà da David Hasselhoff e in conpagnìa de KITT, na automobiłe automatixàda patòca che xe in grao de parlàr, controłàda da na intełigensa artificiałe, scominsiarà na łonga bataja contro "łe forse del małe".

Produsion e acètoCànbia

 
Replica de KITT de un cołesionista torinexe

Ła serie gà vinto un "People's Choice Awards" inte el 1983 par el megio ator protagonista e uno "Young Artist Awards" par el mejo zovane ator non protagonista, Keith Coogan, senpre inte el 1983. Vegnarà interòta sol fenìr de ła quarta stagion, inte el 1986, a cauxa de un inprovixo cało dei ascolti, che no riusiva più a bałansàr i costi massa alti de produsión. Sto fato xe capià in modo imprevisto, in quanto l'ultimo epixodio in asołuto, La spedizione maledetta, finise in modo normal patòco e sensa łasàr predominàr gnente de ła fìn definitiva de ła serie.

El tełefilm xe restà par un mucio de pasionà ogèto de culto, anca se łe riprexe gera finìe da sìrca vìnti ani. Ghe xe nùmaroxi Fan Club e forum in varie nasion. I fan pì sfegatà gà parfìn de łe repliche parfete sia inte i interni che inte i esterni de KITT e de KARR, ełaboràe a partìr dal modèło de serie de l'auto da cui entranbi i riva Pontiac Firebird Trans Am).

El 17 febraro 2008 xe stà trasmeso so'ła rete tełevixiva americana NBC un film de ła duràda de do ore che gaverìa podesto eser l'epixodio piłota de na nòva serie de Supercar, roba che po' se gà concretixà grasie ai inderazie ai indici de ascolto estremaménte alti. Ła nòva serie gà tacà mercore 24 setenbre so ła NBC.

Personaxi e interpretiCànbia

Personaxi prinsipałiCànbia

Personaxi segondariCànbia

  • Wilton Knight, interpretà da Richard Basehart.
    In realtà no'l xe un vero e pròpio personaxo prinsipałe de ła serie tełevisiva Supercar, in quanto conpare solo ne l'epixodio piłota; tutociò el xe łù che sponsorixa el progeto de KITT e a selièr Michael Knight.
  • Garth Knight.

Xe so fiòło de Wilton Knight, perfetamente conpagno inte el fixico a Michael Night (e interpretà dal steso ator) fora che par el fato che gà mustàci e piseto, ma co ła diferensa che staltro xe un mucio gaxarà co manìe de grandésa e par sta razon el xe stà diseredà da so pare. Grasie a ła cativeria ch'el gà, el xe bon de costruìr un camion dotà de ła stesa inbaładùra mołecołàr de KITT ciamà Goliath. Ne ła so ultima conparsa el par rebaltarse zo da un burón, ma no ghe sarà mai ła certesa ch'el xe morto.

  • KARR (Knight Automated Roving Robot)
  • Goliath.

Xe un enorme camion dotà de remurcio che parteçipa a do epixodi de ła serie tełevixiva "Knight Rider" (Supercar). El rivestìo patòco del steso inbògio mołecołàr che coverze sia KITT che KARR ma, desferiensandose da ste do auto, Goliath no gà un conputer, gnanca na intełigensa Artificiałe o funsion straxordenarie. Ła so forsa sta soło inte el fato che xe inponénte e squaxi indistrutibiłe. Xe stà costruìo da Garth Knight par reałixàr de łe asion criminałi ła prinsipałe quèła de copàr e desfàr i so nemighi, Michael Knight e KITT, che parò in entranbe łe ocasion riusirà a vinser anca se co tanta fadiga.

Spin-offCànbia

EpixodiCànbia

Ła serie tełevixiva conprende 84 epixodi (alcuni conponesti da do parti) divixi in quatro stagion. Nei Stati Unii xe stài trasmesi da l'emitente NBC, mentre in Itałia da Italia 1. De sołito i vien reproponesti, senpre sol medèmo canałe tełevixivo.

Stagion Epixodi Prima TV USA
Prima stagion 22 1982-1983
Segonda stagion 24 1983-1984
Tersa stagion 22 1984-1985
Quarta stagion 22 1985-1986

CurioxitàCànbia

  • Ne ła pontàda dove KARR, l'auto antigonìsta de KITT (Titoło "IL GEMELLO CATTIVO" de ła 1ª serie), finisse inte el burón, el momento che se vede preçipitàr xe in realtà na sèna ciapà dal film THE CAR de Elliot Silverstein (1977, titoło itałian: La macchina nera) pròpio al minuto 1.31.36.Ma anca ne ła pontàda AMNESIA de ła 1ª serie de KNIGHT RIDER al minuto 24.38.
  • Ne ła pontàda "Energia alternativa" de ła prima serie, a l'interno de ła gara ghe xe na auto ad spirìto conpagna al Generale Lee de The Dukes of Hazzard, col steso cołor, gome e sercioni conpagni, dove parò manca i tachénti "01" so łe portèłe e ła bandiera dei Stati Confederati d'America so' i copéti. Ła bandiera xe prexente so ła tuta e sòra ła giaca dei do piłoti de l'auto: un ciàro omagio (opur na buxaràda, parchè l'auto che s-ciopa ne l'epixodio) al tełefilm che in USA gera trasmeso inte el medèmo periodo de Knight Rider.
  • El rapper statunitense Busta Rhymes gà conponesto na canson co tema prinsipałe el sound track de ła serie, dal titoło "Fire it up". Inte el videoclip, parò, ła trama xe ła scanpàda da na sòrte de prexón futuristica e ła vècia KITT xe na Dodge Viper. El tema orixinàłe xe stà conponesto da Stu Phillips.
  • Anca el grupo rap itałian Flaminio Maphia gà dedicà na cansón omonema a sta serie.
  • El tema de ła serie xe mensonà anca ne ła cansón I-E-A-I-A-I-O del grupo metal statunitense System of a Down.
  • Ne ła pontàda "Knight of the Iguana" de ła prima stagion de ła nòva serie de Supercar, al nòvo Michael Knight e a Zoe, una de łe programatrici de KITT, vien dà do nomi par a mision, Devon e Bonnie. Sti do nomi xe dedicài a 2 dei personaxi prinsipałi del primo Supercar: Devon Miles e Bonnie Barstow xe rispetivamente el dirigente pì inportante de ła Knight industries e el mecànego che se ocupa de KITT.
  • Inte el pack asesòrio "Legendary Cars Collection" del videoxogo de EA Games Burnout Paradise vien riproponesta na copia un mucio simiłe de ła KITT denominà par raxon de copyright "Carson GT Nighthawk".
  • Xe stài creài videoxoghi che fràca da nòvo ła trama del tełefilm cofà Knight Rider 2: The Game
  • In una dopia pontàda de Il mio amico Arnold, Michael Knight e KITT partesiparà inte el so ròło de atori, mentre i xe drìo xiràr un epixodio de Supercar, salvando ła vita ad Arnold e Willis.
  • Un mucio de pasionà, anca in Itałia, gà de łe repliche di Kitt conpgne su ogni detàłio a ła vetura de ła serie tv.

Voxe łigàeCànbia

Altri progetiCànbia

Linganbi forestiCànbia

Siti da vardàrCànbia

  • Video
Controło de autoritàVIAF (EN181749580 · LCCN (ENno2010123888 · WorldCat Identities (ENno2010-123888
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Knight_Rider&oldid=1082957"