Verxi el menu prinsipałe

El lardo del s-ciopo vien fato ała Croxe del S-ciopo, a s.Ana de Alfaedo, in provinça de Verona. I lo fa con mas-ci grosi, de pi de 160 kili. Dopo na conça con sałe, pevare, rosmarin, salvia e erbe dei Lesini, el vien stagionà sui seciari de marmo roso veronexe, in caneva. El lardo del s-ciopo el xe na meraveja col pan caldo o ła połenta. Se pol magnarlo anca coi maroni. Fati bojere i maroni, finkè i xe ancora de bojo, se ghe rodola intorno fetełe de lardo.