Lina Medina (Ticrapo, 27 de setembre 1933 - ) ƚa xe stada na dona peruviana conosesta in tuto el mondo par èsar devegnesta mare a 5 ani, ƚa pì xóvane inte ƚa stòria de ƚa medexina.

Lina Medina
SitadinansaPerù
Nasimento27 de setenbre 1933, Distreto de Tricapo
Łéngue parlaeŁéngoa spagnoła
Ocupasion
stenografo


Ła puteła ła ghea manifestà na anòmała diłatasion de l'adome, tanto da farsì che i xenidori (Tiburcio Medina e Victoria Loza) a farla védare a l'ospedałe San Juan de Dios de Pisco, inte el sospetar che se podese tratar de na formasion tumorałe[1]. I mèdeghi i ghea scuerxesto co incrèduło invese che ła puteła ła xera gràveda de sete mexi. Prima de intervegnere, el dotor Gerardo Lozada Murillo de Arequipa, ła ghea mandada a Lima par ver conferma del stato de gràvidansa da altri spesałisti. On mexe e mexo pì tardi (el 14 de majo del 1939) co on parto cexàreo, ła puteła ła ga fato nàsar on mas-ceto. Ła operasion ła xera sta fata del steso Lozada e dal cołega Alejandro Busalleu, co l'asistensa de l'anestexista Rolando Colareta, che el ghe ghea fato ła "anestexia de ła rexina"[2] par sotołinear cuanto che fuse stà inportante cheło che saria poco dopo sucedesto.

El caxo el xera sta mostrà inte el detajo dal dotor Edmundo Escomel a ła revista La Presse Médicale, che ła ghea xontà dei partegołari so el parché el menarca el fuse spario a oto mexi de età (ma segondo altre fonti a do ani e mexo)[3] e so eldesviłupo de mamele xà a cuatro ani de età. A sincue ani, ła puteła xa ła prexentava on basin in slargamento e na madurasion òsea vansada.

El neonato, de 2,7kg[4] el xera sta ciamà Gerardo Alejandro in onor dei dotori che i ghea ciapà a core el caxo. Ła puteła no ła ghea mai dixesto chi che el fuse el pare del puteło e njianca łe sircostanse del consepimento: Escomel el ghea scrivesto che eła "no ła podeva dar resposte preçixe", sujerendo in sta manjiera cuà che no ło savese davero.

Ła viçenda parò ła ghea provocà el aresto del pare co ła acuxa de viołensa sesuałe e insesto. L'omo el xe sta tirà fora da ła gałera par mancansa de prove.[5]

El puteło Gerardo el xera morto inte el 1979, a ła età de 40 ani par Miełofibroxi.[6]

NotasionCànbia

  1. (IT) Un caso straordinario di maternità, publegà so La Stampa del 26 de febraro del 1948, n° 49, pag. 3
  2. (ES) «Lina Medina, una madre a los cinco años». El Mundo. URL verto in data 12 de setenbre 2018.
  3. (EN) «Six decades later, world's youngest mother awaits aid». The Telegraph. URL verto in data 23 de febraro del 2009.
  4. (IT) Madre a sei anni, publegà so Stampa Sera del 21 de xugno 1939, n° 146, pag. 3
  5. (EN) History's Youngest Mother. Lingambo vardà el 23 de febraro del 2009.
  6. ilparanormale.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Lina_Medina&oldid=865664"