Móstro de Loch Ness

El mostro de Loch Ness, soranominà anca Nessie, el xe na creadura łejendaria che vivarìa inte el Loch Ness, un łago de ła Scozia. A uncuò no ła existe incuna proa inequivocàbiłe de l'existensa del famoxo "mostro" e łe someje che łe lo ritrarìa łe se ga in xenare dimostrà false o no łe xe ritegneste particołarmente significative dal punto de vista sientifego.

"*Loch Ness Monster*", dipinto di Hugo Josef Heikenwaelder, Austria

Storia dei avistamenti

I primi avistamenti de sto mostro lacustre i risałe al medioevo, invese i ultimi avistamenti o testimonianse de un serto riłievo e reportae dai mass media łe risałe a i ani otanta. qualche avistamento, onde che ła sàgoma de "Nessie" ła jera confuxa (ła varìa poduo èsare qualsiasi roba) i sarìa avegnesti anca su ła teraferma, a partir dal 1930.

A uncuò (01-06-2007) un novo avistamento del sełebre mostro del łago de Loch Ness in Scozia, a avistarlo sabo pasà Gordon Holmes, un tècnico de laboratorio de quarantasinque ani che el xe anca riusìo a filmar na sàgoma che serti i ritien ła sia sta creadura.

Ipòtexi formułae

łe ipòtesi sientifeghe

L'ipòtexi difondesta inte ła comunità sientifega dei zoołoxi ła xe che el "mostro" senplisemente no'l existe, par do serie de raxon, ła seconda de łe cuałi de orden teòrico:

Nisun avistamento o ritrovamento di trase, resti animałi al de sora de ogni raxonevołe dubio el xe stà mai documentà.
ła piràmide ałimentar de un łago rełativamente ceo cofà el Loch Ness no'l podarìa sostegna ła vita de na fameja de predatori de łe dimension del prexunto mostro.

Par proar a controbàtar i dubi rełativi a l'ałimentasione de ła creadura ła xe stà avansà l'ipòtexi che ła vołe l'existensa de un canałe segreto che el cołeghe el łago al Mar del Nord. Sta teoria ła spiegarìa anca l'asensa de os e altri resti sul fondałe del łago. No ghe xe tutavìa proe de ł'existensa de canałi che i conduxe al mar.

Un dinosauro?

L'ipòtexi che ła cata pi suceso intra i sostenidori de l'existensa del "mostro" ła xe che el se trate de uno o pi plesiosauri soravivesti in qualche maniera a l'estinsion. Bisogna precixar che, in ogni caxo, la creadura no se podarìa comunque definir propriamente un dinosauro, visto ché i rètiłi marini de l'era mesozoica i jera soło "parent" dei dinosauri (vivesti unicamente su ła teraferma).

Alcuni sostenidori de ł'existensa del mostro i aferma che ghe xe testimonianse che ła Nessie sarìa stà vista entrar in aqua co prede caciae su ła teraferma, e che sto qua indicarìa che no ła magna (o in manco no in via escluxiva) de pes, mentra riguardo a i spasi no ła gavarìa a dispoxision soło el ceo Loch Ness ma anca ła teraferma, onde che ła varìa poduo rifujarse. łe pine parò łe indicarìa che Nessie ła xe un animałe marin, e quindi ła varìa vuo bisogno d tornare in manco periodicamente inte l'aqua. I sètisi i fa tutavìa notar che un animałe de ła stasza de un dinosauro difisilmente el podarìa pasare inoservà su ła teraferma e che gnanca na testimoniansa fin dese ła xe rixultada efetivamente credibiłe.

Linganbi foresti

(EN) Amy Tikkanen, Loch Ness monsterEnçiclopedia Britannica, Encyclopædia Britannica, Inc.
(EN) Móstro de Loch NessThe Encyclopedia of Science Fiction.

(EN) Sito ufficiale del Loch Ness
Un'analisi critica sull'esistenza di Nessie, dal sito del CICAP
Come fare una foto del "mostro" Archivià il 7 de otobre 2007 in Internet Archive.

(filmato, fonte: RaiTre)

(EN) Nessie & Loch Ness links

Wikimedia Commons el detien imàjini o altri file so Móstro de Loch Ness
Scholia el detien schemi gràfeghi so Móstro de Loch Ness