Mažarol

Al Masarol al ze an personajo lejendario pisol, svelto, dispetoss e vestì de ross che el viu inte i bosch de la Provincia de Belun.

Lejende ligade al Masarol e so interpretasion

Se diss che se qualchiuni baleghea inte le peche del Masarol no el sie pì bon de catar la via de casa.

Al Masarol al podaree interpretar na inpersonificasion del Diaol (a proposito va recordà che del Medioevo al ross al era al color associà al mal). Pensandoghe sù polito, se pol domandarse: ma elo che quel coso che ze caraterizà da tute ste robe?

• Al ze pisol
• Al ze ross
• Al fa dispet
• Se tu baleghea 'te le so peche no tu cata pì la via de casa

Che pode esser al vin?

Al Masarol come publicità

Incoi son drio a ndarghe incontre a na rescoperta de le lejende nostrane, no tanto dal punto de vista de tramandarle par intjer, ma pì che sia de doperarle al scopo de far na promosion del teritorio. Al ze cossì che se pol catar in giro statuete de sera del Masarol, la bira artigianal del Masarol,... Qualche an inrio ze nassest anca la cooperativa "Mazzarol" de le guide del Parco Nasional de le Dolomiti Belunesi.