Maran (UD)

comune itałian in provincia de Ùdine
Maran
comun
(IT) Marano Lagunare
Maran – Panorama
Locałixasion
StatoItałia Itałia
RejonFriul-Venesia Julia – stema Friul-Venesia Julia
ProvinsaÙdine – stema Ùdine
Teritorio
Coordinae45°46′00″N 13°10′00″E / 45.766667°N 13.166667°E45.766667; 13.166667 (Maran)Coordinae: 45°46′00″N 13°10′00″E / 45.766667°N 13.166667°E45.766667; 13.166667 (Maran)
Altitudinem s.l.m.
Superficie90,26km²
Abitanti1961
Densità21,73 ab./km²
Comuni confinantiCarlin, Grado (GO), Łatixana, Lignano Sabiadoro, Musana del Turgnan, Pałasoło deło Steła, Precenico, San Giorgio de Nogaro
Altre informasion
Còd. postałe33050
Prefiso0431
Còdaxe ISTAT030056
Còdaxe catastałeE910
TargaUD
Nome abitantimaranéxi
Carte interative
Sito istitusionałe

Maran (Marano Lagunare el nome italian, Maràn in furlan) el xe un comun de 1961 abitanti 'nte la provincia de Ùdine. La se cata su la laguna de Maran, teritorio inte el qual che xe stade istituie do riserve naturali da la region del Friuli-Venesia Giulia.

Ghe se parla el dialeto maranéxe, na variansa de vèneto bastansa visina al graixan.

IstoriaCànbia

El nome antico el gera Marianus, co riferimento al nome del nòbile de Aquileja al qual ghe partigniva ste tere. La i la xe restada par sècoli, catàndose inte i scriti de Paolo Diacono e anca inte un documento del 1239.[1]

I primi inportanti svilupi de sta localita i xe cugnai propio a Aquileja. Inte el 1031 el patriarca Popon, col so privilegium Poponis, el ga ordinò che Maran la fuse dotada de na granda fortificasion oltra che de saline, savéndo del'inportansa del posto come sboco sul mar de le tere da lu governade.[2]

El controlo formal de sta zona el gera, comunque, del Sacro Roman Inpero e Maran, despuo lunghi tinpi de lote, la xe pasada co fadiga soto la Repùblica de Venesia, inte el 1543. Pasai puchi deseni, inte el 1578, la fortésa de Maran la ga frontò co corajo parfin n'invaxion dei Turchi, protexendo el Friuli.[2]

Da la fin del Sinquesento Venesia la ga perso l'interese par la fortésa, che la xe restada sénsa manutension e la ga subio el canbiamento dei canali che i ghe sta intorno. Co la fin de la repùblica, la situasion no la xe mejorada, anca par colpa de le epidemie che le ga colpio la sitadina intel 1836 e inte el 1886. El cativo stato igènico el xe stò rixolto inte el 1890, col sìndico Rinaldo Olivotto che'l ga sielto de butar zo i muri par far girar l'aria.[2]

Monuminti e lughi de intereseCànbia

A Maran catémo ancóra ancuo un bel fià de edifisi dei tinpi de ła Serenìsima, e'l più inportante xe ła Loxa Maranéxe, na loxa serada co bugnato in piera d'Istria, andove la comunità la se riuniva. Un ténpo sora de ela sorxeva el Palaso Comunal, sede de le prinsipali decixion, crolà 'ntel Setesento par scarsa manutinsion. Tacada a la Loxa ghe xe la cusidita Tor Milenaria, alta 32 metri, de cui se ga le prime notisie 'ntel 1066. Xe probàbile che ai inisi la fuse stada na tor de avistaménto. Duti i só lai i xe ornati da busti de vari provedituri del paéxe. La Tor la xe stada gravemente danexada dal terremoto del 1976, e la parte sora la xe stada ritirada su. Su la stésa piasa se fasa infin el Palaso dei Provedituri, abitasion dei governaturi de la fortésa, ancuo ospitante na mostra de ojetìstica.

In antico duto el paéxe el gera sircuìo da un sistema de muri, butai xó 'ntel'Otosento, de cui ancuo resta sólo el Bastion de San Tono (su cui ghe xe poi sorta la fàbrica "Maruzzella") e puchi altri framinti. La céxa prinsipal, in via Sinodo, la xe la céxa de San Martin, che la risal al Setesento. In ela i vigniva custodìi anca dei reliquiari coi presunti resti de San Vito, patron sitadin, rubai durante la prima guera mondial. Più distante dal séntro ghe xe invése la céxa de la Madona de la Salute.

Evolusion demograficaCànbia

Abitanti censii


Aministrasion comunalCànbia

Sìndico: Mario Cepile (lista sìvica) dal 07-06-2009
Sentrałin comunal: 0429 786911
Posta eletronica: segreteria@com-marano-lagunare.regione.fvg.it


NoteCànbia

  1. Sito del comun
  2. 2,0 2,1 2,2 Pàgina de istoria su maranolagunare.it

Linganbi forestiCànbia

Controło de autoritàVIAF (EN172757441 · WorldCat Identities (EN172757441
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Maran_(UD)&oldid=954213"