Marezina
La marexina[1] ła xe na pianta (nome sientifego Tanacetum parthenium) de ła fameja de łe Compositae o Asteraceae. In inglese ła se ciama feverfew, in todesco Mutterkraut, in italian matricale o partenio. Ła xe na pianta erbàsea perene, on mucio aromàtega al strucarse, ga foje de contorno ełìtego, fin a 8 cm de łonghesa. Ła se uxa par redure fiebre (varda el nome inglese), tratar dołor de suca, artriti, problemi dijestivi. Na volta ła se doparava par i dolori de łe mestruasion (da qua el nome in todesco e in italian). Rexentemente ła se ga utilixà par ła cura de ła pełe.
Tanacetum parthenium  | |
|---|---|
 | |
| Dati | |
| Fonte de | Tanaceto (Matricale) parti aeree (it)  |
| Tasonomia | |
| Superregno | Eukaryota |
| Regno | Plantae |
| Órdene | Asterales |
| Fameja | Asteraceae |
| Tribù | Anthemideae |
| Zènare | Tanacetum |
| Spece | Tanacetum parthenium Sch.Bip., 1844 |
| Nomenclatura | |
| Basònemo | Matricaria parthenium |
Ła vive specie in alta cołina; conosuda e doparà in cuxina in Val Cianpo e Valdagno, inte el Vixentin, ma anca inte el Veronexe, sui Lesini e in pianura.
Doparasion gastronòmega
canbiaFrìtołe co ła marexìna
canbiaPareciare na pasteła de farina bianca, late, aqua, sałe e na s-cianta de sucaro. Fate łe fritołe, łe se fa desfrizare meténdoghe sora, tajà a toketi, una o do foje de maresìna su ogni fritoła xa inte el ojo de bojo. Se tira fora łe fritołe, łe se fa sgiosare e sugare su na carta asorbente. Se pol butarghe sora un poco de sucaro semołado e łe se magna subito finke łe xe calde.
Dolse a ła marexina
canbiaGhe vol: 120 g de sucaro semołà, 100 g de fecoła de patate, 10-12 foje freske trità de maresìna, 3 ovi intieri, 50 g de buro, 2 cuciari de graspa, ła scorsa xała gratà de 1 limon, 1 cuciarin de lievito in polvere par dolxi. Mis-ciar ben el sucaro col buro e i rosi dei ovi, xontarghe ła fecoła de patate, ła graspa, el limon e łe foje de maresìna trità. Sbatere łe 3 ciare de ovo e xontarle al paston; a ła fin meterghe anca el lievito e versare in na forma da forno e cuxinare a 200° par mexora.
Bìgoli co ła marexina
canbiaFar infiapare pian pian in ojo de oliva veneto tanta séola e scałogno tajà a fetełe fin fine, xontarghe qualke giosa de axedo de vin bianco, un mestoło de brodo de połastro e bagnar col vin Dureło. Far bojere par mexora e dopo xontarghe raquante foje de maresìna e qualke toketo de sarda sałada, lasar cuxinar oncora par pochi minuti e dopo pasar tuto pal pasaverdure col disco pi fino. Se buta sta salsa sui bigoli e se ghe grata sora formajo Aziago d'ałevo.
Notasion
canbia- ↑ sevente altre varianse e grafie anca marezina
Wikimedia Commons el detien imàjini o altri file so Maresina
Wikispecies el detien informasion so Maresina
el detien schemi gràfeghi so
