Micronasion

Dezanbìgua – Se te serchi i Stati che i ga vera sovranità, védarse Microstato (zeografia pułìtega)


Na micronasion ła ze un'entità creada da na persona, o da un picenin nùmaro de persone, che ła pretende de vegner considerada cofà nasion o Stato indipendente, ma che tutavia no ła ze reconosesta dai goerni e da łe pì grande organizasion internasionałi.

El tèrmano el ze nasesto inte i ani setanta del XX secoło par descrìvar łe stra-tante "entità autodeclarae" che łe nasea in cuel perìodo, in zènere de picenine dimension e de ezistensa efìmara.

Ultemamente racuante micronasion łe se ga definie cuinto mondo, probabilmente in senso połèmego in rełasion a ła conosesta scała econòmega che ła clasìfega łe nasion del mondo in primo, secondo, terso e cuarto mondo.

Caraterìsteghe canbia

Le micronasion łe ga un nùmaro de atribusion in comun:

  1. Na forma e strutura aparentemente simiłare a cueła dei Stati sovrani, de consevensa i declara de gaver reclami teritoriałi, istitusion goernative, sìnbołi ufisałi, e sitadini.
  2. Łe ze zeneralmente picenine sia par estension, sia par nùmaro dei pretendesti "sitadini".
  3. Le micronasion de frecuente łe emete, in aparensa, strumenti nasionałi formałi cofà francobołi, monede, banconote, pasaporti, onorificense, e tìtułi nobiłiari.

El pretendimento de sovranità el ga caràtare pì o manco fitìsio, talora vertamente parodìstego.

Picenini Stati ufisalmente reconosesti, sparii o oncora ezistenti, cofà el Prinsipà de Monaco e San Marin, i gnen talvolta in magnera erada ciamai micronasion, ma sti Paezi i ze propiamente denomenai microstati.

Notasion canbia


Altri projeti canbia


Linganbi foresti canbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Micronasion&oldid=1086241"