I termini sojetivi primo mondo, segondo mondo e terso mondo i xé doparai par dividare le nasion de Tera in tre grande categorie; i tre termini no i xé stai inventai inte el steso tenpo, ma i ga ciapà inisialmente na valensa, xeopułitega e solo dopo anca economega.

First second third worlds map.svg

██ Alto svilupo uman


██ Svilupo uman medio


██ Svilupo uman baso


██ No xé disponibile

DescrisionCànbia

Dopo la segonda guera mondiale se ga scuminsià doparar i termini: bloco osidentałe e bloco orientałe anca se i dò mondi no i jera numarài. Dopo on fia, i se ga incorto che gran parte dei paexi del mondo no i faxeva parte de nisuna de ste dò categorie e intei ani 50, i xé stai ciamai "paexi del terso mondo.

Le nasion de l'Eoropa osidentałe e i Stati Unii de ła Mèrica i xé stai ciamai, in maniera no ufisal primo mondo, ma no solo che st'ultimi, ma anca altri paexi capitalisti industrialixadi, come el Giapone e algune ex colonie britanighe, in particolar l'Australia e la Nova Xełanda.

Ghe jera on serto numaro de paexi che no i faxeva parte de ste definision, come la Svisera, la Svesia e l'Irlanda che i ga selto la neutrałità, la Finlandia che la jera soto l'influensa de l'URSS, ma no la jera on paexe comunista e gnanca la fea parte del Pato de Varsavia, anca se la vardava el COMECON; l'Austria la jera soto l'ocupasion quadripartìa de USA, URSS, Fransa e Regno Unio, ma cuando che la jera divegnùa totalmente autonoma inte el 1955, la ga desixo anca ela par la neutralità, la Turchia, entrada inte la NATO inte el 1952, no la jera interamente inte l'Eoropa osidentale, e gnanca fortemente industrialixada; la Spagna che no la se ga unio a la NATO fin al 1982, verso la fin de la Guera Freda e dopo la morte del ditatore Francisco Franco; la Jugoslavia, na nasion comunista de l'Eoropa orientale, la xé sta una dei fondadori del Movimento dei paexi no ałineai.

Inte l'uxo de uncò, dopo la fin de la Guera Freda, el termine primo mondo l'è sta senpre doparà par dirghe a le nasion svilupade.[no ghe xe ła fonte] che inte el 2000 le gaveva on PIL pro capite major de $15.000, come desixo da la Banca Mondiałe. In sto grupo faria parte anca el Canada e i Stati Unìi inte la Merica del Nord, el Giapon, la Republica de Cina (Taiwan), Hong Kong, la Corea del Sud e Singapore e la Małaysia in Axia; Israełe inte el Medio Oriente; Cipro, l'Islanda, la Norvegia, la Svisera e i 15 paexi de l'Union eoropea (al 2000) in Europa; l'Australia e la Nova Zelanda in Oceania. El Fondo Monetario Internasionałe el dixe che sti stati i ga "Economie avansae". Oltre a sti cua, la CIA, in sto grupo de paexi ghe garia da esarghe anca le Bermude, le Isole Fær Øer e i microstati europei (Sità del Vatican, San Marin, Prinsipato de Monaco e Liechtenstein)

CoreladeCànbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Primo_mondo&oldid=898524"