Mork & Mindy

Mork & Mindy
Paeze	Stati Unii de l'Amèrica
Zènare	fantasiensa e sitcom TV statunitensa
Spàsio d'anbientasion	Boulder e Ork (en)
Caraterìsteghe tècneghe
Organizasion càmare	multicàmara
Ecuìp tècnega
Creador	Garry Marshall
Conpozitor	Perry Botkin, Jr. (it)
Atori	Robin Williams; Pam Dawber (it) ; Conrad Janis; Tom Poston (it) ; Jay Thomas (it) ; Gina Hecht (it) ; Jonathan Winters
Destribudor	CBS Media Ventures
Łéngua orizenałe	inglezo
Canałe orizenałe	ABC
Durada dei capìtułi	24 min
Primo epizòdio	14 de setenbre del 1978
Ùltemo epizòdio	27 de majo del 1982
Stajon	4
Epizodi	95
Lista epizodi	list of Mork & Mindy episodes (en)
Pì informasion

Mork & Mindy ła ze na situation comedy co ełementi fantasientìfeghi produzesta inte i Stati Unii e trazmetesta in prima vizion intrà el 1978 e' l 1982 par el network tełevizivo statunitense ABC.

In Itałia łe prime do stazon łe gera stàe trasmese so Rai 2 inte'l 1979, mentre inte'l 1984 łe ze stàe trasmesi so Italia Uno łe repliche dei epizodi de łe do stazon par trasmétar oncora ła tersa e ła quarta stazon co un nòvo dopiagio.

Descrision

I protagonisti de ła serie tełeviziva i ze Mindy McConnell (Pam Dawber), grasioza tozata de ła perifaria mericana che ła łaora in una botega de strumenti muzegcłi, e Mork (Robin Williams), un ałieno umanoide rivà so ła Tera da'l pianeta Ork so na astronave a forma de Vovo. Mork el gaveva parò presedentemente fato n'altra aparision inte'l vintidoèzemo epizodio de ła cuinta stazon de Happy Days, da'l titoło Fantascienza anche par Fonzie (28 febraro 1978), indove "Mork & Mindy" i ze in efeti un spin-off, anca se in Itałia cuel epizodio el ze stà trasmeso cuando "Mork & Mindy" ła jera za na serie de suceso.

Ła natura de Mork, parfìn masa singołar e imprevedibiłe, ła convinse Mindy che no ghe sarìa posìbiłe soraviver da só posta inte'l nostro mondo; cuindi ła deside de ospitarlo inte ła só sofita, e de sercàr de introdurlo ai uzi e costumi umani.
Patocaménte łe situasion e i rezultadi che deriva 'sto tentativo i ze eziłaranti, e a'l steso modo un mucio ironici. El candor de Mork e ła pasiensa de Mindy mete in una prospetiva nova e inusitada i conportamenti e łe idiosincrazie umane. Masime gustozi ze i raporti co łe altre fegure ocazionałe de ła serie, intrà cui veci brontołoni, imigrà clandestini, un strigon mato da'l nome de Exidor e vari altri.
El steso Mork, co riva ła fìn de onji epizodio, el ze uzo invocar un contato mentałe co el leader de ła propia zente, Orson (de cui se sente soło che ła voze), e ventiłàr co łu dei aspeti de ła vita so ła Tera ezaminà senpre in cuel'epizodio.

Ła serie ła gà avùo un suceso enorme in tuto el mondo, e ła vien replicà de frecuente oncora anco. Un mucio de senegiaménti "ałieni" de Mork, cuałi par ezenpio el sentarse co ła fasa so'i cusini de un divano e łe ganbe so ła spalièra e béver drink utiłizando el deo de ła man, i ze deventài dei stereotipi difuzi, e i gà contribuìo in modo determinante a'l suceso de Robin Williams cofà ator briłante. De'l resto 'sti senegiaménti pałicari i ze stà na só inprovizasion a'l provìn in cui ze stà siełesto par intarpretàr Mork.

Epizodi

Stajon	Epizodi	Prima TV orizenałe	Prima TV Itałia
Prima stajon	24	1978-1979	1979
Segonda stajon	26	1979-1980	1979
Tersa stajon	22	1980-1981	1984
Cuarta stajon	22	1981-1982	1984

Citasion

Linganbi foresti

(EN) Mork & MindyEnçiclopedia Britannica, Encyclopædia Britannica, Inc.
(EN) Mork & MindyThe Encyclopedia of Science Fiction.
Mork & MindyIl mondo dei doppiatori, AntonioGenna.net.
(EN) Mork & MindyInternet Movie Database, IMDb.com.
(EN) Mork & MindyRotten Tomatoes, Flixster Inc.
(EN) Mork & MindyMetacritic, CBS Interactive Inc.
(EN) Mork & MindyTV.com, CBS Interactive Inc.

(EN) Titołi e date de trasmision orixinałi de tuti i epixodi

Scheda su Mork & Mindy de l'Internet Movie Database

Mork & Mindy su FOX Retro Archivià il 9 de majo 2012 in Internet Archive.

Wikimedia Commons el detien imàjini o altri file so Mork & Mindy
Scholia el detien schemi gràfeghi so Mork & Mindy