Oasis

I Oasis, ze stai un grupo rock britanego che se ga formà a Manchester inte'l 1991 e ativo fin al 2009.

Infotaula de personaOasis
Oasis Noel and Liam WF.jpg
(2005) Cànbia el vałor in Wikidata
Atività
Atività1991 - 2009
ZènareRock alternativo, indie rock (it) Traduzi, britpop (it) Traduzi e indie pop (it) Traduzi Cànbia el vałor in Wikidata
Influense
Targheta discogràfegaCreation Records (it) Traduzi
Sony Music
Big Brother Recordings (it) Traduzi
Columbia Records
Epic Records (it) Traduzi
Reprise Records (it) Traduzi Cànbia el vałor in Wikidata
Àlbun11
Àlbun stùdio7
Àlbun dal vivo1
Àlbun compilation3

Oasis-Oasis-Logo-Artwor-298908.jpeg Cànbia el vałor in Wikidata

Sito weboasisinet.com Cànbia el vałor in Wikidata
IMDB: nm2089687
Facebook place: OasisOfficial Twitter: oasis Instagram: oasis MySpace: Oasis Youtube: UCUDVBtnOQi4c7E8jebpjc9Q TikTok: oasis Bandcamp: daydreamishh Souncloud: oasisofficial Spotify: 2DaxqgrOhkeH0fpeiQq2f4 iTunes: 512633 Last fm: Oasis Musicbrainz: 39ab1aed-75e0-4140-bd47-540276886b60 Songkick: 548892 Discogs: 140140 Allmusic: mn0000393345

Tra i grupi pì conosùi e de suceso de l'indie rocke, in partegołar, del Britpop, movimento de cui i fegura tra i pionieri[1], i Oasis ze el grupo ingleze de mazor inpato dai ani nonanta[1]. I ga publegà in totałe 11 album. Se stima che i gabia vendesto pì de 70 milion de dischi[2], di cui 18 nel solo 1996[3]. I vanta 8 sìngołi che se ga piasà al primo posto de ła clasifega del Regno Unìo, 22 sìngołi consecutivi entrai inte ła top 10 ingleze e i ga rancurà 15 NME Awards, 6 Brit Awards, 9 Q Awards e 4 MTV Europe Music Awards[4]. Inte l'agosto del 1996 i ga tenjesto a Knebworth Park uno dei pì grandi concerti a l'averto mai reałizai in Inghiltera. L'evento ze stà seguìo conplesivamente da 250 000 spetadori (i bilieti ze andai ezaurìi in 2 zorni), co na rechiesta de tajandi superior a 2,6 milion de persone, pari al 5% de ła popołasion britànega de ałora[5].

Guidà dal chitarista, cantante, conpozidor e autor Noel Gallagher e dal fradeło Liam Gallagher, cantante frontman e drìoman anca conpozidor e autor (chitarista in alcune canson), cueło dei Oasis ze uno dei grupi che ga avùo mazor suceso e influensa inte ła socetà britànega e inte'l mondo tra cuełi nasesti inte i ani nonanta inte l'anbito del movimento Britpop, fin ad asurzer a fenomeno de costume[6]. Ła so mùzega, a metà tra el rock ani setanta e'l rock and roll[7], al tenpo steso ruspia e mełòdega[8], ga savesto dar un novo senjifegar al termano Britpop, mentre łe so continue barufe e 'l so atejamento a volte rubesto ze stai ojeto de na atension cresente da parte dei media[9].

I fradełi Gallagher ze i úneghi menbri de ła formasion orizenal che ghe ga fato parte fin al 2009. Inte'l 1991 a Manchester se gaveva costituìi i Rain, conponesti da Liam Gallagher (voze), Paul Arthurs (chitara), Paul McGuigan (baso) e Tony McCarroll (bateria). Poco dopo ai cuatro se ga zontà Noel (chitara e voze) e Liam ga sujerìo el novo nome. El grupo ga conosùo ła fama za co l'album de debuto, Definitely Maybe (1994) che, publegà da l'eticheta indipendente Creation Records, ga proponesto co forsa ła "band" cofà uno dei grupi "leader" de ła sena indie rock. Co'l novo baterista Alan White i Oasis ga reałizà el segondo album, (What's the Story) Morning Glory? (1995), che ga vendùo 22 milion de copie in tuto el mondo. Daspuò chel momento ła popołarità del grupo ze cresta notevolmente, fin a far parlar de "Oasis mania"[10].

El terso album, Be Here Now (1997), ze devenjesto disco record par l'ełevatisimo nùmaro de copie vendùe in un zorno[11]. Verso ła fin del desenio el grupo ga vivesto un pariodo de crizi. Do menbri stòreghi, McGuigan e Arthurs, ze stà avicendai da Colin "Gem" Archer e, pì tardi, da Andy Bell. Inte'l 1999 el grupo ze tornà in studio par rejistrar Standing on the Shoulder of Giants che, venjesto fora inte'l febraro 2000, prezentava un sound pì sperimentałe e psichedełego[12]. Ze seguìo l'album live Familiar to Millions, che contenjeva ła rejistrasion dei do grandi concerti tenjùi inte'l łujo 2000 al stadio de Wembley, a Łondra. Inte'l 2002 i Oasis ze torani al son de łe orizene co Heathen Chemistry e ga revedesto el suceso. Inte'l 2005 ze venjùo fora el sesto album, Don't Believe the Truth, rejistrà insenbreal novo baterista Zak Starkey. El disco ga rejistrà otime vendite e reportà i Oasis in clasifega anca inte i Stati Unìi. Inte'l 2006 ze venjùo fora Stop the Clocks, el primo best of dei Oasis, che ga vendùo 3 milion de copie inte'l mondo[13]. Inte'l 2008 ze stà publegà Dig Out Your Soul, sètemo album in studio del grupo, seguìo da un łongo tour mondiałe, in cui a ła bateria fegurava Chris Sharrock.

El 28 de agosto 2009, a tre date da ła concluzion de ła tournée, Noel Gallagher ga comunegà ofisialmente el pròpio abandon a ła band[14], dopo aver łasà el palco del Rock en Seine a pochi minuti da l'ezibision, sancìndo ła fin del grupo.

StoriaCànbia

No semo aroganti. Pensemo senplisemente de èsar ła mejo band al mondo., [[#CITEREFWe're not arrogant. We just believe we're the best band in the world.[15]|op. cit.]], Noel Gallagher

I ezordi co i Rain e Definitely Maybe (1991–1994)Cànbia

  Par savèrghene de pì, vardarse ła voxe The Real People.

I Oasis ga orizene a Burnage, cuartier de Manchester, dai Rain, un grupo che se ga formà verso el finir dei ani otanta. Inisialmente el grupo jera conponesto da Paul McGuigan (dito Guigsy) al baso, da Paul Arthurs (dito Bonehead) a ła chitara, da Tony McCarroll a ła bateria, e da Chris Hutton come cantante. Co staltro ze stà zlontanà dal grupo, Guigsy ga chiedesto al so conpanjo de scòła Liam Gallagher de rinpiasarlo[16]. Liam jera el terso e ùltemo fiòło de imigrai irlandezi trasferìi a Manchester, Peggy e Thomas Gallagher. Ła so infansia e cueła dei altri so do fradełi (Paul e Noel) jera stà senjà da łe viołense del pare alcołizà[17], che sparanjava Liam e che gavea fondamente senjà Noel e Paul, provocando anca i so coconesi[18]. In una note del 1984 ła mare ga desidesto, donca, de scanpar de caza insenbre ai fiòłi[19].

Liam e Noel, pì grando del fradeło minor de sincue ani, jera stà adołeseni difisiłi, inclini a ła rebelion, a łe rise e ai furti[19]. Liam no gaveva mai mostrà grando intarese par ła mùzega fin al 1988, cuando che'l zera stà colpìo da un concerto dei Stone Roses[20] al cuałe el zera andà in conpanja de Noel, pasionà de mùzega e chitarista. Liam ga asetà ła proposta de "Guigsy" e poco dopo el ga proponesto de canbiar el nome del grupo in Oasis, ispirà da un poster picà ai muri de ła so stansa che reportava ła scrita "Oasis Leisure Centre in Swindon"[21]. Liam ło ga seliesto parchè ghe ga piazesto łe imàjini che'l evocava[16]. Inte'l 2016 Liam ga dichiarà che "sto nome continuava a spontar, cusì gavemo desidesto de farlo un fià nostro" e che "no so seguro se tratase de l'Oasis de Swindon, ma el jera prezente so un poster dei Inspiral Carpets"[5].

El grupo provava na volta a setimana, ma el stentava a decołar. Segondo Liam el problema jera i testi che venjiva scrivesti da łù e Bonehead e che, par stesa amision de Liam, i jera daseno mediocri[19]. Serviva calcun capase de scrivar bei testi e de zlansar el grupo. Inte l'avrìl 1991 el fradeło mazor de Liam, Noel, tornà dai Stati Unìi indove el fazeva el roadie par un tour merican dei Inspiral Carpets, ga savesto de ła mare che'l fradeło minor jera entrà a far parte de un grupo e'l 18 de agosto 1991 el se ga prezentà al Boardwalk, picoła sała visina al famozo łocałe noturno The Haçienda[22], par asister a l'ezibision dei Rain. Conosendo łe cuałità del fradeło, Liam ga pensà suito a łù cofà l'ełemento mancante capase de portar in alto el grupo[19]. Noel, tra l'altro, gaveva par altro za maduàrà na discreta esperiensa par strada come tècnego de łe chitare dei Inspiral Carpets durante i tour de sti ùltemi in Eoropa, Japon e Arzentina, ma ła so pasion jera scrivar canson.

Daspò aver asistìo a l'ezibision Noel ga referìo spacatamente al fradeło che'l grupo ghe piazeva par gnente e, a ła domanda se'l fuse disposo a farghe a łori da manager[22], el ga replegà proponendo de entrar a far parte del grupo, a pato de esarne el cao, l'únego conpozidor e 'l chitarista prinsipałe[22]. "El gaveva scrivesto za tante cose" – recorda Bonehead rivardo a Noel – "Co gavemo tacà fasevimo el diavoło a cuatro co poche canson. Tuto d'un còlpo co łù inte'l grupo ghe ze sta un saco de idee"[23]. El grupo jera cusì al conpleto e 'l 15 de zenaro 1992 se ga tenjùo al Boardwalk el primo concerto dei Oasis co Noel[24].

Co Noel Gallagher l'aprocio muzegałe dei Oasis se ga indirisà verso na mazor senplisitià. Arthurs sonava prevałentemente acordi co barré, McGuigan note base e McCarroll sonava ritmi baze, mentre i anplifegadori jera predisponesti in modo da crear na distorsion. In sto modo modo i Oasis ga creà un son "privo a tal ponto de finesa e conplesità da rezultar scuazi inarestabiłe"[25].

 
El logo stòrego del grupo, ideà da Brian Cannon

Dapò aver pasà pì de un ano a ezibirse inte i vari łocałi de Manchester, inte'l majo del 1993 el grupo ga avùo infin ła so granda ocazion. I Oasis jera stà invitai da un grupo ciamà Sister Lovers a sonar al King Tut's Wah Wah Hut Club de Glasgow, in Scosia[5]. Na conponente de łe Sister Lovers, Debbie Turner, ła jera ła ex moroza de Alan McGee, prodtor discogràfego de ła Creation Records, eticheta indipendente minor de propietà de ła Sony[5]. Noel e Bonehead ga rancurà el danàro nesesario, i ga nołizà un furgon partìndo insenbre ai altri menbri del grupo per un viajo de sìe ore[19]. Inisialmente ła so rechiesta de ingreso ze stà respinzesta poiché no i zera prevedesti in scałeta. El rifiuto gavarìa susità łe ire del grupo, che se gavarìa fato łargo co łe maniere forit (sìben i conponenti del grupo gabia fornìo varsion contrastanti in merito)[19]. Infin, in calche modo, ła band ze riusìa a otenjer un spasio par sonar cuatro brani[5]. Ła so ezibision ga inpresionà tanto Alan McGee, el cuałe cazualmente el se catava inte'l łocałe insenbre a ła soreła ("go desidesto de prezentarme łì par urtar ła me ex"[5]).

 
Liam Gallagher in un concerto a San Diego inte'l 2005

Finìa l'ezibision McGee se ga avisinà a Noel par domandarghe se'l vołese un contrato discogràfego e'l ghe ga chiedesto na demo co calche so canson. Calche zorno drìoman Noel ło ga incontentà consenjandoghe na caseta de 35 minuti de nome Live Demonstration[26], indove ze conparìo par ła prima volta cueło che sarìa deventà el stòrego logo del grupo, dezenjà par l'ocazion da Tony French. I vari demo che conponeva ła caseta zera stai registrai inte i studi del grupo Real People, al Pink Museum de Liverpool.

Scoltada ła caseta, McGee ze restà ancora pì colpìo dal grupo e dal so potensiałe, al ponto che 'pena cuatro zorni dopo ga convocà i Oasis par far firmar łori un contrato discogràfego[27]. A cauza de problemi sorzesti inte ła stipuła de un contrato vałido inte i Stati Unìi, i Oasis ga finìo po' par firmar un contrato mondiałe co ła Sony, che a so volta a asenjà i Oasis a ła Creation Records par el Renjo Unìo[28]. Noel ga dizesto a McGee de aver moltisime canson za pronte, anca se alcuni ani dopo el gavarìa ametesto che in chel momento el repertorio dei Oasis conprendeva solchè sìe brani orizinałi e alcune cover[19].

Risałe al pariodo 1992-1993 i cusìditi Lost Tapes, materiałe demo - costituìo da vari brani e varsion enbrionałi de canson po' publegae inte i sucesivi dischi - in cui se sente el forte influso che i Stone Roses ezersitava so'l grupo.

Ła prima canson dei Oasis che jera scominisà a venjir trazmetesta inte łe radio ze stà Columbia, publegada cofà sìngoło in edision łimitada, conosùa cofà "White Label demo". Inte'l disenbre 1993 ła Creation Records ga destribuìo a łe radio un 12 połici contenjente ła rejistrasion demo del brano, che ze stà trazmetesto par ben diznove volte da BBC Radio 1 inte łe do setemane drìo, evento raro par un brano njancora zlansà so'l marcà[29].

El 18 de febraro 1994 i Oasis ga tołesto un tragheto par razonzer Amsterdam, indove i gaveva da far el debuto intarnasionałe dal vivo cofà spała del grupo The Verve. Durante el viajo Liam e Guigsy se ga inbriagà e ze stai coinvolzesti in una risa, fasendose sarar a civa inte ła stiva. Pì tardi łi gaveva razonzesti anca Bonehead, che se jera meso a bàter a tute łe gabine, in serca dei vestiti che - el afermava - ghe jera stà robà. Ła vicenda ze finìa co na mesa al bando de ła conpanjìa de navegasion e un espatrio coato[5].

Inte l'avril del 1994 ze venjesti fora i primi do sìngołi, Supersonic e Shakermaker. I do brani ga avesto un discreto suceso, vadanjandose el pasajo inte łe radio ed entrando inte ła top 40 ingleze: el primo ze stà el 31º[30], mentre el segondo l'è devenjesto ojeto de na despùta łegałe co i New Seekers, i cuałi gaveva chiedesto un rizarsimento dani de 500 000 dołari par plagio. Ze sàt co'l terso sìngoło, Live Forever, venjùo fora l'8 de agosto, che i Oasis ga tacà farse conosar, entrando par ła prima volta inte ła top 10 dei sìngołi inglezi, a ła pozision nùmaro dièze[31]. Noel Gallagher ga sotołineà come ze stà pròpio Live Forever a inprimer na zvolta desiziva a ła carièra del grupo: "Fasevimo schifo. Drìoman go scrivesto cheła canson e ze canbià tuto"[32]. L'indoman, 9 de agosto, Noel ze stà colpìo da un spetador so'l vizo durante un concerto a Newcastle e'l ga reazìo desfasandoghe ła chitara in tèsta[33].

Strasinà dal bon rezultado dei sìngołi, el 30 de agosto 1994 ze venjesto fora l'album de debuto del grupo, Definitely Maybe, che misia rock, baggy e punk rock[34]. El disco ze andà cołocarse diretamente a ła prima pozision de ła classifica britannica degli album e'l ze entrà inte l'istòria cofà àlbun de debuto capase de véndar pì copie inte'l minor tenpo[35], 150 000 nei primi tre giorni[33][36]. In concomitansa co l'uida del disco i Oasis ga tenjesto un concerto acùstego inte'l negosio łondineze Virgin di Marble Arch, indove ze stà ospite inatezo Evan Dando, leader dei Lemonheads[33].

Intanto łe beghe e ła vita turbołenta dei do fradełi jera devenjesti ojeto de atension da parte dei media. El 23 de setenbre 1994 a Seattle ga scominsià el primo tour inte i picołi e medi łocałi dei Stati Unìi[37]. L'ezibision del 29 de setenbre al Whisky a Go-Go de Los Angeles ze stà caraterizà da tension. A un somejaro de ła rivista NME, prezensa non gradìa, ze stà ordenà de zlontanarse e'l so tentativo de scatar isteso de łe someje no ga fazesto che inasprir ła situasion[38]. So'l palco i sincue, soto l'efeto de metanfetamine[5], se ga trovà dizorientai, dao che łe scałete jera tute desconpanje e nisuni saveva cuała canson gavarìa sonà l'altro[38].

A ła fin i ghe n'a sonà uno, ma l'ezibision, dełudente, ga susitò i rabiési de Liam, che ga sigà contro el pùblego e ga barufà co'l fradeło minor durante l'ezecusion de I Am the Walrus[38]. Noel ga abandonà el palco, łasando el grupo e zvołando a San Francisco sensa reałasar dichiarasion. In sta ocazion el ga sercà refuzo inte 'l partamento de Melissa Lim, na fan che'l gaveva conosùo calche tenpo prima, e'l ga scrivesto łe canson Talk Tonight e Half the World Away[5][39]. El grupo gaveva ris-cià de desfarse. L'isteso Noel recorda come fuse veramente desidesto a tornar caza, ma el ga canbià idea grasie a l'incorajamento de Melissa[5] e daspò aver łezesto, in tasi, l'ełenco dei sucesivi concerti de ła band in Gran Bretanja reportada so'l Melody Maker[38], anca se ze stà soratuto ła mediasion de Tim Abbot de ła Creation Records a convinser Noel a tornar so'i so pasi e a catar paze co'l fradeło. El tour ga posùo cusì repartir da Minneapolis[40]. A disenbre Liam, che se ga trovà privo de voze so'l palco del Barrowlands de Glasgow, ga spacà el microfono prima de andar fora de sena[41].

El 10 de otobre 1994 jera venjesto fora Cigarettes & Alcohol, cuarto sìngoło estraesto da Definitely Maybe, mentre el 19 de disenbre ze stà ła volta de Whatever, che ze devenjesto el primo sìngoło del grupo a rivar a ła top 5 de łe clasifeghe britàneghe, indove ze entrà diretametne al terso posto[42]. El 9 de novenbre i Oasis zera sta premiai ai Q Awards come mejo nome novo de l'ano[43].

(What's the Story) Morning Glory? e l'era Britpop (1995-1996)Cànbia

Inte ła primavera del 1995 i Oasis ze rivà par ła prima volta in sìma de ła clasifega britànega dei sìngołi co'l sìngoło Some Might Say, che ze venjesto fora el 24 de avril e ga inaugurà na strisa de 10 ani de sìngołi de łanso dei àlbun dei Oasis rivai al primo posto de łe chart[44]. Sincue zorni vanti, el baterista Tony McCarroll jera stà escludesto dal grupo. McCarroll ga dizesto dè esar stà "casà inzustamente par via de un scontro personałe" co i fradełi Gallagher, ma Noel ga motivà el zlontanamentoi dizendo che ła tècnega de Tony ła zera insufisiente par conpanjar łe canson sénpre pì madure che'l scriveva[45]. Inte'l 1997 McCarroll gavarìa fato cauza al grupo, chiedendo l'ecuivałente de 45 miliardi de łire, un cuinto dei vadanji del grupo[46], e'l gavarìa otenjesto un restòro de 555 000 sterline[47]. Al so posto ze entrà el łondineze Alan White, so fradeło de Steve White, baterista del grupo de Paul Weller. Alan ga incontrà Noel de doménega in un pub de Camden[45] e'l ga debutà a ła baterìa dei Oasis el sucesivo mèrcore unìndose al grupo inte l'ezecusion Some Might Say a Top of the Pops[48].

Inte'l majo 1995 i Oasis ga tacà łe registrasion dle so segondo àlbun ai Rockfield Studios, in Galles, co'l produtor Owen Morris, che sarìa conparìo de spałe so ła coertina del disco. Łe registrasion ze stae ràpide, dao che'l grupo riusiva a "registrar sincue canson in sincue zorni", come dize Morris[5]. Durante łe sesion zera cresùa ła tension tra i fradełi Gallagher cuando Liam ze tornò dal pub inbriago menando co se alcuni aventori del łocałe, razonzendo Noel, che se jera tratenjesto in studio par conpletar de łe parti de chitara. L'alterco ga sbocià in una sufa[5] che ga constrinzesto el management a sospender łe sesion, che ga riprendesto tre setemane drìoman. Daspò do altre setemane łe sesion jera stae finìe, prima de ła post-produsion a Łondra.

In sto pariodo ła stanpa ingleza ga montà e anplifegà na rivałità tra Oasis e Blur[49], altro grupo venjesto fora za da alcuni ani inte'l panorama de ła mùzega ingleza e, in partegołar, del nomenato movimento Britpop. In un primo momento i Oasis no i se definiva grupo del movimento Britpop e no i ze stà invità al programa Britpop Now della BBC, conduzesto dal cantante dei Blur, Damon Albarn[50]. Un primo contato tra i do grupi se gaveva za avesto inte'l 1994, inte'l corimento de n'altra trazmision conduzesta da Albarn. I Oasis gaveva sonà Whatever a Top of the Pops, prezentai propio dal frontman dei Blur. Durante ła prezentasion Liam e Noel no gaveva sparanjà zesti iriguardozi a łe spałe de Albarn. Ze stà cusì che ga nasesto cueła che sarà considarà, co espresione zornałistega, ła "Bataja dei grupi" (Band battle), conbatùa so'l pian comersiałe e mediatego. Ła rivista NME ze rivà a definir ła sfida, in una famoza coertina, el "canpionato ingleze dei pezi masimi"[51].

L'usida de Roll With It, sìngoło dei Oasis, e de Country House, sìngoło dei Blur, zera stà programà infati par l'isteso zorno, el 14 de agosto 1995, ałimentando ancor de pì ła rivałità. A véndar pì sìngołi i Blur[52], co 274 000 copie contro łe 216 000 de Roll With It. L'entourage dei Oasis ga zustifegà el dato co'l minor preso de Country House (1,99 sterline contro 3,99) e co'l fato che łe do difarenti varsion del sìngoło dei Blur, co racuanti ładi b, gaveva invojà i fan a conprar entranbi i tipi de copie[53]. A l'epoca ła Creation ga dazesto na spiegasion alternativa: el sìngoło dei Blur gaveva vendùo ofisialmente pì copie parché, a cauza de un problema co i còdezi a bare de Roll With It, no jera stà rejistrae tute łe vendite del sìngoło dei Oasis[54].

El 3 de łujo 1995 i Oasis ga tenjesto el so primo concerto in Italia, al Rolling Stone de Miłan.

Inte'l setenbre de l'isteso ano, el basista Paul McGuigan ga łasà el grupo a cauza de ezaurimento nervozo[55]. El sostituto, consejà dal manager dei Stone Roses Gareth Evans, ze stà Scott McLeod degli Ya-Yas, che ze conparìo anca in alcune ezibision dal vivo, prima de abandonar bruscamente el conpleso durante un tour inte i Stati Unìi. Drìoman McLeod ga ciamà Noel Gallagher e ghe ga referìo de sentir de aver tołesto ła desizion sbalià. Gallagher ga replicà secamente: "Ło credo anca mi. Bona fortuna co ti te prezenti a l'uficio de cołocamento"[56]. Par conpletar el tour ze stà ingagià da novo McGuigan, convinsùo a tornar a far parte del grupo.

NotasionCànbia

  1. 1,0 1,1 Aurelio Pasini, Brit rock - I moderni, Giunti, 2012, pp. 5, 6, 95, ISBN 978-88-09-74528-5.
  2. (EN) Some might say Oasis are still world beaters after Slane gig, in Belfast Telegraph, 22 zugno 2009. entrada il 1º dicembre 2014 (archivià il 14 aprile 2015).
  3. (EN) Oasis perform charity gig, BBC News, 7 febbraio 2002. entrada il 10 ottobre 2009 (archivià il 3 marzo 2014).
  4. (EN) Oasis Interview: What's The Story?, news.music.yahoo.com, 6 ottobre 2008.
  5. 5,00 5,01 5,02 5,03 5,04 5,05 5,06 5,07 5,08 5,09 5,10 5,11 Documentario Oasis: Supersonic, direto da Mat Whitecross, 2016
  6. Oasis da record battono anche il disco mito dei Beatles, Corriere della Sera, 13 agosto 1996. entrada il 10 aprile 2009 (archivià il 2 dicembre 2013).
  7. I nipotini dei Beatles, Corriere della Sera, 29 marzo 1996. entrada il 10 aprile 2009 (archivià il 30 agosto 2009).
  8. Lodetti, op. cit..
  9. (EN) Oasis Biography, Rolling Stone. entrada il 3 maggio 2019 (archivià il 6 maggio 2009).
  10. Oasis, ecco i Beatles del Duemila, Corriere della Sera, 29 gennaio 1996 (archivià dal URL orizenałe in data pre 1/1/2016).
  11. Per il disco degli Oasis è già record in 24 ore, Corriere della Sera, 24 agosto 1997 (archivià dal URL orizenałe in data pre 1/1/2016).
  12. Standing On The Shoulder Of Giants, NME, 12 settembre 2005. entrada il 20 novembre 2018 (archivià il 3 ottobre 2018).
  13. (EN) Stop the Clocks, Amazon. entrada il 3 maggio 2019 (archivià il 5 marzo 2016).
  14. Noel Gallagher lascia gli Oasis, tgcom.it, 29 agosto 2009. entrada il 28 agosto 2009 (archivià dal URL orizenałe il 2 ottobre 2009).
  15. Michael Heatley, The Book of Rock Quotes, Omnibus Press, 2010, p. Capitolo 17, ISBN 978-1-84772-418-2.
  16. 16,0 16,1 Mathur, 1997 , op. cit., pag. 13.
  17. Noel Gallagher - intervista su Dio e il significato della vita - The Meaning of Life (sottot. ITA), YouTube, 21 gennaio 2013. entrada il 27 agosto 2016 (archivià il 19 agosto 2019).
  18. Intervista di Michael Parkinson a Noel Gallagher, YouTube, 28 novembre 2006. entrada il 3 aprile 2016 (archivià il 2 gennaio 2021).
  19. 19,0 19,1 19,2 19,3 19,4 19,5 19,6 Behind the music - Oasis. VH1, 2000.
  20. Live Forever, 2004, op. cit..
  21. Harris, 2004 , op. cit., pagg. 124-125.
  22. 22,0 22,1 22,2 Mathur, 1997 , op. cit., pag. 14.
  23. Harris, 2004 , op. cit., pagg. 125-126.
  24. Harris, 2004 , op. cit., pagg. 126.
  25. Harris, 2004 , op. cit., pagg. 127-128.
  26. Definitely Maybe (DVD)
  27. Harris, 2004 , op. cit., pag. 129.
  28. Harris, 2004 , op. cit., pag. 131.
  29. Harris, 2004 , op. cit., pag. 132.
  30. Harris, 2004 , op. cit., pag. 149.
  31. Vivaldi, 1996 , op. cit., pag. 13.
  32. Noel Gallagher: "Facevamo schifo, poi scrissi Live Forever e cambiò tutto. Eravamo così poveri che da piccolo mi nascondevano per non pagare il traghetto", OasisNotizie, 22 luglio 2015. entrada il 3 maggio 2019 (archivià il 17 luglio 2018).
  33. 33,0 33,1 33,2 Vivaldi, 1996 , op. cit., pag. 14.
  34. Carlo Villa, Brit pop. Piccola enciclopedia (1990-1997), Giunti, settembre 1997, pp. 88.
  35. Harris, 2004 , op. cit., pag. 178.
  36. El record de vendite ingleze par un àlbun de debuto drìoman sarìa sta batùo dai Arctic Monkeys co Whatever People Say I Am, That's What I'm Not (2006).
  37. Vivaldi, 1996 , op. cit., pag. 15.
  38. 38,0 38,1 38,2 38,3 Mathur, 1997 , op. cit., pagg. 131-132.
  39. Parla la donna che salvò gli Oasis e ispirò Talk Tonight e (What's the Story) Morning Glory?, OasisNotizie, 23 novembre 2016. entrada il 3 maggio 2019 (archivià il 23 agosto 2017).
  40. Harris, 2004 , op. cit., pag. 189.
  41. Vivaldi, 1996 , op. cit., pag. 19.
  42. Harris, 2004 , op. cit., pag. 213.
  43. Vivaldi, 1996 , op. cit., pag. 17.
  44. La storia di Some Might Say, nella Top 100 dei singoli alla numero 1 in UK stilata da NME, OasisNotizie, 29 dicembre 2012. entrada il 3 maggio 2019 (archivià il 23 agosto 2017).
  45. 45,0 45,1 Mathur, 1997 , op. cit., pag. 169.
  46. L'ex batterista chiede 45 miliardi agli Oasis, Corriere della Sera, 30 zugno 1997 (archivià dal URL orizenałe in data pre 1/1/2016).
  47. (EN) Gallagher shrugs off Oasis departure, BBC News, 10 agosto 1999. entrada il 1º aprile 2009 (archivià il 12 novembre 2005).
  48. Mundy, 1996 , op. cit., pag. 5.
  49. Mathur, 1997 , op. cit., pag. 190.
  50. (EN) Stuart MacOnie, Blur: 3862 Days: The Official History, Virgin Books, 1999, ISBN 0-7535-0287-9.
  51. Mark Beaumont, Blur And Oasis’ Big Britpop Chart Battle – The Definitive Story Of What Really Happened, NME, 19 agosto 2015. entrada il 18 marzo 2017 (archivià il 19 marzo 2017).
  52. Harris, 2004 , op. cit., pag. 235.
  53. Harris, 2004 , op. cit., pag. 233.
  54. Cockney revels, NME, 26 agosto 1995.
  55. Mathur, 1997 , op. cit., pag. 205.
  56. (EN) John Robinson, Not here now, The Guardian, 19 giugno 2004. entrada il 29 marzo 2009 (archivià il 26 giugno 2013).
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Oasis&oldid=1079785"