Pensiero de Hegel

Ła fiłosofia de Georg Wilhelm Friedrich Hegel la rispecia una de łe linee de pensiero pì fonde e difisiłi. Scumisiando da el laoro de chi che ghe vegneva prima inte el ideałismo (Fichte e Schelling) co influensa de altri pensieri (come Immanuel Kant), el ga fato na fiłoxofia inovativa, fonda e articołada. La so vixion storisista e ideałista de ła realtà inte el conpleso, el ga rivołusionà el pensiero Europeo, butando xò łe fondamenta de ła fiłoxofia continentałe e de el marxismo che xe vegnesto dopo.

Pensiero de Hegel

Intrà łe linee de pensiero pì fonde e conplese

Hegel ga fato na teoria finia, come che no vegnea fato da ła 'olta de Platone e Aristotele, ndando a conosare łe rełasion tra testa e nadura, sojeto e ojeto de ła conoscensa e de ła psicołojia e tegnendo conto de el Stato, de la storia, de łe arte, de ła rełijon e de la fiłoxofia. Inte el particołare el ga fato un conceto de testa o spirito, che se ga manifesta inte na serie de contradision e opoxision, stando de ondi a na posìbiłe fiłosofia de ła totałità. Exenpi de contradision, el'è come quełe tra nadura e libertà o tra imanensa e trasiendensa. Łe pajine e i testi che serca sołusion, i xe masa 'olte no seguri su ła interpretasion pì coreta.

Da Hegel, ciapando in considerasion le so teorie, alguna vardada ben, altra de mal ocio, se sviłupa gran parte de ła fiłosofia de deso, da łi sviłupi che vien dopo el Romanticismo al hegelismo e al neohegelismo de Benedetto Croce e Giovanni Gentile, da Karl Marx a Arthur Schopenhauer e a Friedrich Nietzsche.