Piasa de łe Erbe (Pàdoa)

Piasa de łe Erbe ła xe una de łe piase prinsipałi de Pàdoa. Ła se cata infrà el gheto e el Pałaso de ła Razon, ła fasada de ła cuałe ła òcupa un fià tuto el łato nord de ła piasa.

Piasa de łe Erbe
Piasa de łe Erbe de sera
Dati
Sorte	Piasa
Pozision
Rejon aministrativa	Pàdoa (Itàlia)
45°24′24.84″N 11°52′30″E45°24′24.84″N, 11°52′30″E

Piasa de łe Erbe col caraterìstego marcà e'l pałaso de ła Razon drio

Ghe se fasa n'àngoło del conpleso de Pałaso Moroni ciamà Pałaso del Podestà, restruturà inte'l Sinsuesento, ligà al pałaso de ła razon co un pasajo sóto al cuałe se cata el Volto de ła corda, che el porta a Piasa de ła Fruta. Par 'ndare in Piasa dei Siuri bizogna tóre Via Fiume, méntre Via Manin ła porta verso el Domo.

A nord-est ghe xe el Pałaso de łe Dèbite, na volta na prexon ligada al pałaso de ła razon co un pasajo butà xó, insiéme a łe prexon stése, inte el 1872. L'ano daspò el xe pałaso el xe stà tirà su de nòvo co l'aspeto de uncó, a nove cołone, su dezegno del architeto Camillo Boito.

A sud-ovest de ła piasa se cata daspò na fontana a tre vasche inpiłade na sora de st'altra, a ocio de quatro metri de altésa. Logada inte el 1930, ła ga n'inportansa inportante pai universitari che i festeja i laureadi butàndołi inte l'acua, se i vołe.

Ghe se svolxe n'inportante marcà de fruta e verdura da luni a vènare da łe 7.30 fin a łe 13.30, e sabo fin a łe 20.00. Łe bancarełe łe xe su par xó na setantina. Na volta ła piasa ła se ciamava de ła biava e del vin propio par łe mersi che ghe se vendéva.

De sera, soratuto al mèrcore, ła se inpiéna de zente che ła va so i baréti de ła piasa par bévarse un spriseto.

Na volta qua ghe finiva ła Corsa del Pałio che el partiva da Voltabaroso: al vinsidore ghe vegnéva dà par premio un toco de séda, al secóndo clasifegà n'oca e al terso na soeta.

Voze corełae

• Piasa de ła Fruta
• Piasa dei Siuri
• Piasa del Domo

Controło de autorità	VIAF (EN) 237449948 · WorldCat Identities (EN) 237449948