Pietro Loredan

Pietro Loredan (Venesia, 1482 – Venesia, 3 majo 1570) el ze stà l'84º doze de ła Repùblega de Venesia da'l 26 novenbre 1567 a ła morte.

Pietro Loredan

Biografia
Nasimènto	1482 (Gregorian) Venèsia (Itàlia)
Mòrte	3 de majo del 1570 (Gregorian) (87/88 ani) Venèsia (Itàlia)
Liogo de sepełimento	chiesa di San Giobbe (it)
84o Doxe
26 de novenbre del 1567 – 3 de majo del 1570 ← Girolamo Priuli (it) – Alvise I Mocenigo (it)  →
Atività
Ocupasion	pułìtego
Fameja
Fameja	Loredan

Fiol de Alvize e Isabella Barozzi, el ze stà eleto, soradetuto par de łe divizion de tanti pretendenti, in età asàe avansada, ma no el se ga mostrà omo sensa, anca se seguramente no el ga podesto insider su l'aministrasion pùblega. El só dogado el ga pasà trancuiłamente salvo l'ùltemo parìodo cuando che A ze rivà a Venesia un ultimatum turco che'l domandava ła cedision de Sipro. La defeza ła ze stà pronta e łe armi disposte, ma el Loredan el ze morto do mezi drioman.

Biografia

Cariera

Marcanti pì che połìtego el Loredan el gavea recoverto carghe menori via che un incargo ocazional de Vise-doze, sendose trovà a èsar el senador pì vecio a morte de un só predesesor. Da tanti ani el se ga retirà in vita privada e a só granda sorpresa el ze stà eleto duca.

Dogado

Stema de'l duca Pietro Loredan

El nome de'l Loredan, fonte de tante sorpreze, el ze stà fato da un Mocenigo (Alvise I Mocenigo, el só sucesor) che dopo setantoto scrutini, visto persa l'ocazion, el ga preferìo farghe ełèzer un vecio par poderlo suceder inte un segondo momento, trovando un acordo co i aversari.

El novo duca el ga ciapà contro vogia el incargo, ma el ło ga rezesto ben ben. Inte'l 1568 el papa el ga dà calche problema visto che'l ga domandà a Venesia de espelàr i non catòłeghi da'l so teritorio, cosa inasetabiłe, e soło co łonghe tratadive el riscio de ła scomùnega el zera cesà. El resto de'l dogado el ze stà trancuiło fin a'l 28 de marso de'l 1570 cuando, de un momento, Selim II, sultan dei turchi, el ga invià un ultimatum che el ghe domandava a Venesia de cedérghe suito Sipro. La Repùblega la ga rifiutà e el doze el ga fato un łongo e intenso descorso ai diplomàteghi turchi indove el ga defezo łe razon de ła sità, tacada da un nemigo asàe pì forte.

Ùltemi ani e morte

Un insendio a l'Arsenal e un łongo parìodo de paze i ga meso in parìgoło ła capasità militar veneta ma, nonostante cuesto, el ze riusìo a preordenar na flota de notevole dimension. Inte i ùltemi mezi de ła so vita ła fame ła se ga sparpanjà; co el doze el ga moresto, el 3 de majo 1570, el pòpoło el ga imputà tute łe colpe de i ùltemi mezi costrénzendo ła fameja a farghe un funerałe in forma privà par evitar scontri e dezordeni.