Rassa Dinarica

Rassa Dinàrica l'è na paroła uxada storicamente daji antropòłoxi del primo '900 par descrìvar el fenotipo predominante dei atuai grupi ètnisi del'Europa Sud-Oriental (Na soto-categoria de ła "Rassa Caucaxica).

Istoria e Fiłoxomia

El nome deriva da łe Alpi Dinariche parché se credéa che łe fuse el logo de orixene.

Fiłoxomia

Łe carataristeghe che se dixea tipeghe de ła Rassa Dinarica łe jera: statura asè ełevada, costitusion mexomorfa o ectomorfa co slache e brassi longhi. El cragno alto, brachicèfało (pì largo che longo), ocipite piato. I oci de sołito i xe mori co na descreta persentual de oci ciari. El naxo l'è conveso, el mento in fora. I cavéji i xe maron-scuro, pì raramente biondi. El cołor de ła pełe ciaro ma variabiłe.

Difusion

I loghi indove se dixea che ła rassa dinarica ła fuse difondesta i xe Albania , Croàsia , Servia , Montenégro , Bosnia e Erzegòvina , Àustria , Połonia del sud. Ła rassa dinarica se dixea che ła fuse difondesta anca in Itałia, inte ła costa del Mar Adriàtico e spesialmente intel Triveneto.

Difuxion dele rasse par Joseph Deniker