Richard Nixon
Richard Milhous Nixon (Yorba Linda, California, 9 de zenaro del 1913 - New York, 22 de apriłe del 1994) el ze sta el trentasetèzemo Presidente dei Stati Unii d'Amèrica.
El ghea vinsesto łe ełesion presidensiałi inte el 1968 e inte el 1972, e el ze sta sù inte l'incargo dal zenaro del 1969 a l'agosto del 1974. El ze sta l'ùgnoło Presidente american a dimétarse da l'incargo. Le so dimision łe zera avegneste inte el 9 de agosto del 1974, par antisipar l'iminente impeachment de sevente al Scàndało Watergate.
Nixon el ze conosesto par ła so pułìtega estera desmezurada, inte ła cuała el ga conbinà inzerense stratèzeghe inte i afari interni de numarévułi Paezi (inte el partegołare in Amèrica Latina) co pułìteghe inovative de distension e de diàłogo co łe altre potense mondiałi (Union Soviètega e Cina). La so presidensa ła ghea segnù ła fin del coinvolzimento american in Vietnam. In pułìtega interna, Nixon el ghea mantegnesto na lìnea de ecuiłìbrio, fondindo ła retòrega conservatora e ła dòpara de ogni prerogativa presidensiałe (Imperial Presidency) co ideołozia lìbarałe inte el canpo dei deriti siviłi e de l'inisiativa econòmega.
Biografia
canbiaI studi e ła partecipasion a ła guera
canbiaInte el 1937 se làurea a ła Scoła de Leje de l'Università de Duke. Inte el zugno del 1942 el entra in marina e el partèsipa a ła canpagna inte el Pasìfego inte el ndar de ła Seconda Guera Mondiałe.
Entrada in pułìtega
canbiaLa so cariera pułìtega ła ghea tacà inte el 1946 co che el ze vegnesto ełeto a ła Càmara dei Raprezentanti par el Partio Repùblegan. Desfrutando łe so capasità de atrasion de l'ełetorà e ła so fama de anti-comunista, Nixon el se ghea erlevà inte ła zerarchia del partio, e inte el 1950 el ghea otegnesto un incargo al Senato. Dopo altri do ani (e a solché ani de età), inte el 1952 el ze sta ełezesto a l'incargo de vicepresidente soto de ła presidensa de Dwight Eisenhower.
Inte el finir del secondo mandà de Eisenhower, Nixon el se ghea candidà a ła prezidensa, ma inte łe ełesion del 1960 el ze sta sconfizesto dal Partio Democràtego che a chel tenpo el zera soto de ła guida del DEM John Fitzgerald Kennedy. Se dize che ste cuà łe zera stae łe prime ełesion inte łe cuałe el vantajo a rìzego el ze sta decidesto, in favore de Kenedy, dal "doło tełevizivo" che el ghea oponesto i do contendenti pochi dì prima de łe ełesion: Kennedy el zera sta bon de prevałer parché pì zóvane, pì sorizon, pì tełevizivo, mentre Nixon el ze sta condanà dal cołore de ła so jaca e dal so muzo poco costumà par łe anbientasion tełevizive e mojo suà.
Inte el 1962 el se ga candidà a ła carga de goernatore de ła California, vegnendo novamente sconfizesto.
Presidensa
canbiaDopo gaver sorpasà ła tentasion de sbandonar ła vita pułìtega, inte el 1968 el ghea otegnesto novamente ła nomination republegana, e el zera sta bon finalmente de devegner presidente american inte el 5 de novenbre, dezemando i democràteghi de Humphrey; el ghea vinsesto co tanta fasiłità anca łe ełesion del 7 de novenbre del 1972, andove eło el zera oponesto al DEM George McGovern.
Inte el febraro del 1972 el zera ndà in vìzita ufisałe inte ła Cina, catando el presidente Mao Tse Tung; inte el majo de l'isteso ano el ga firmà a Mosca el tratà par ła limitasion de łe armi stratèzeghe (SALT), co Leonid Breznev.
Personajo àbiłe cuanto intenperozo de caràtaro, anca par via del conportamento prezudisievolmente ostiło inte i so confronti de ła stanpa, inte el 1974 el ze sta coinvolzesto inte el scàndało Watergate e costrenzesto a ła demision, dal momento che ła Càmara dei Raprezentanti ła zera drio votar favorévoła al scumìsio de un prosedimento de impeachment (remosion) inte i so confronti. El ze sta sostituio drioman dal so vicepresidente Gerald Ford.
Luze e onbre de ła so prezidensa
canbiaLa prezidensa de Richard Nixon ła ze sta ojeto de crìteghe soratuto par el so conportamento insensìbiłe in pułìtega estera. Le responsabiłità de l'aministrasion Nixon inte el Colpo de Stato contro del presidente del Ciłe Salvador Allende, e inte ła consevente rivada al poder de Augusto Pinochet, łe ze stae pì volte sotołineae, e el coinvolzimento de l'aministrasion americana in sti fati łe ga na aparensa oncora inte el dì de oncó indiscurìbiłe. El ze sta el presidente che de pì e co pì determenasion el ga doparà masivamente i servisi segreti par fini de condisionare ła pułìtega interna de chełi altri stati.
Intrà i eventi pì inportanti de ła so prezidensa se połe recordar:
- El retiro da ła guera del Vietnam (scumìsiada dal so predecesore democràtego Johnson), se bè che ghe fuse i viołenti bonbardamenti che i ghea coinvolzesto anca ła Canboja e el Laos.
- Le mision lunari Mision Apollo.
- El sbandono inte el 1971 del stàndar aureo par el dòłaro, o sia l'abołision de ła convertibiłità del dołaro in oro.
- La normałizasion dei raporti co ła Repùblega Popołare Cineze che ła ze sta reconosesta da l'ONU inte el 1971 al posto de ła Repùblega Cineze de Taiwan.
Ùltemi perìodi
canbiaDasada ła Prezidensa, Nixon el se ghea metesto curar ła biblioteca che ła porta el so nome, e inte el corso dei ani el zera sta bon a ritorse un serto roło de pezo inte l'aministrasion americana cofà estimà consejero de pułìtega estera. El ze moresto inte el 1994 ormai perdonà da na Amèrica che ła ghene gaveva dopotanto revałutà i mèriti, tanto che el presidente Bill Clinton el ghea vołesto che i ghe vegnese rendesti i onori militari.
Notasion
canbia
Altri projeti
canbia
Wikimedia Commons el detien imàjini o altri file so Richard Nixon
el detien schemi gràfeghi so
Linganbi foresti
canbia- (inglezo) Sito ufisałenixonlibrary.gov. Sconosesta: inglezo (juto)
- Nixon, Richard MilhousTreccani.it – Enciclopedie on line, Istituto de ła Ençiclopedia Italiana.
- Nixon, Richard M., in Disionàrio de istòria, Istituto de ła Ençiclopedia Italiana, 2010.
- Nixon, Richard Milhoussapere.it, De Agostini.
- (EN) Richard NixonEnçiclopedia Britannica, Encyclopædia Britannica, Inc.
- Richard NixonBeWeb, Conferenza Episcopale Italiana.
- (EN) Richard NixonFind a Grave.
- Opere di Richard NixonopenMLOL, Horizons Unlimited srl.
- (EN) Opere di Richard NixonOpen Library, Internet Archive.
- (EN) Opere di Richard NixonProgetto Gutenberg.
- (EN) Audiolibri di Richard NixonLibriVox.
- (EN) Opere riguardanti Richard NixonOpen Library, Internet Archive.
- (EN) Richard Nixonolympedia.org, Olympedia.
- (EN) Richard NixonInternet Movie Database, IMDb.com.
- (EN) Richard NixonRotten Tomatoes, Flixster Inc.
- (DE, EN) Richard Nixonfilmportal.de.
| Controło de autorità | VIAF (EN) 44303100 · ISNI (EN) 0000 0001 2279 0777 · El vałore CFIV035073 de SBN no el xe mija bon. · LCCN (EN) n79018757 · GND (DE) 11858832X · BNF (FR) cb119177538 (data) · BNE (ES) XX831641 (data) · ULAN (EN) 500475822 · NLA (EN) 35388842 · NDL (EN, JA) 00451392 · WorldCat Identities (EN) n79-018757 |
|---|