El riff el xe na fraxa muxical (o sia na manixada de note co na pròpia identità espresiva, come ło xe in łenguìstega la fraxe de un descorso) che se repete frecuentemente drento na conpoxision e che vien utiłixà de sołito cofà conpagnamento. El termene xe probabilmente na scurtada e alterasion de refrain [1] (refrain→ref→rif→riff).

Un çełebre exenpio de riff inte el rock 'n roll xe prexente in (I Can't Get No) Satisfaction dei The Rolling Stones o sanò, inte ła muxica rock, xe dà da l’introdusion de chitara dei Deep Purple in Smoke on the water; inte el sotoxenere hard rock spica cueło de Jimmy Page in Whole Lotta Love dei Led Zeppelin. Une exenpio de riff ‘nte ła mùxega clàsega, xenere indove che se uxa pì propiamente el termene ostinato, xe dà dal dal Boléro de Maurice Ravel.

Inte ła musica jazz el se caraterixa cofà na curta fraxe muxegałe, senplise, xeneralmente façiłe da recordar, destinada a durar pì o mancno a lungo, normalmente utłixa come sotofondo a improvixasion sołìsteghe, ma che pol anca costituir el nucleo de un brano muxegałe.

Pì in xenerałe ła parołe riff ła indega brevità, repetision e tension ritmega e ła xe speso asocià a un spesìfego strumento (inte ła mùxega rock prinçipalmente ła chitara): el difarise donca da l’asoło, che xe caraterixà in xenare da un serto virtuosismo, sensa ripetision de ła mełodìa, ma soło de łe struture armòneghe. A volte anca el Baso ełètrego pol sonar dei riff; racuanto famoxa xe l’introdusion de Do I Wanna Know? dei Arctic Monkeys, Seven Nation Army dei The White Stripes o Another One Bites the Dust dei Queen.

Par cełułe repetitive pì prołongàe (o a carater rełasà) si uxa serte volte el termen groove: sto ùltemo l’è asocià a un ritmo marcà e divertente in contrapoxision al ritmo mełodego del riff. Xeneralmente el riff el vien uxà soratuto par dar pì muxegałità a un testo.

NotasionCànbia

  1. (EN) Definizione di riff sul Merriam-Webster

Altri projetiCànbia

Linganbi forestiCànbia

Controło de autoritàGND (DE4178143-0
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Riff&oldid=902795"