Rifugio Bertagnoli
El Rifugio Bertagnoli (el nome completo sarìa Rifugio Bepi Bertagnoli alla Piatta) el xe in provinça de Vicensa, 'nteł'alta Val del Cianpo, sułe Picołe Dołomiti. El xe intitołà a un alpinista e partixan morto soto na frana poco rente, inte i ani 50 del Novexento: Bepi Bertagnoli. A 1225 metri, el xe proprietà de ła sesion del C.A.I. de Arzignan. Postà in mexo a un bosco de fagari, el rifugio el se cata ała testada de ła Val Cianpo, sul versante de ła Cadena de łe Tre Croxe. Se ghe riva co na strada ke vien su da Canpodalbero; dal Bertagnoli parte trosi ke mena, a est, verso Sima Mesołe, Malga Canpodavanti e el Rifugio Montefalcone, verso Recoaro. Verso ovest se trova ła via ferata Viali sul Gramolon e el troso ke, pal vałon de ła Scagina, el mena al Paso de ła Scagina e drento el teritorio dei Lesini, in provinça de Verona. Anca se el rifugio el xe inte el Vixentin, el xe drento ła Foresta demaniałe de Giazza e partanto del Parco Regionałe Veneto de ła Lesinia. Co 25 posti leto, el rifugio xe verto tuto l'ano. Ghe xe anca 6 posti inte el locałe invarnałe.
Trosi dal rifugio canbia
- al Rifugio Battisti ore 2.45 troxi 221-205-121
- al Rifugio Montefalcone ore 1.45 troxi 207-202