Rifugio Papa

El Rifugio Papa, o pi de preciso el Rifugio Generałe Achille Papa, el xe sul Pasubio, in provinça de Vicensa, a ła fin de ła Strada dei Eroi, dove ke riva anca ła Strada dei Scarubi e ła Strada de łe Gałerie (Porte del Pasubio). Sicome el xe su na pontara, calchedun el parla de 1929, altri de 1934 metri de quota.

Intitołament

El xe intitołà al generałe Papa ke'l comandava ła Brigata Liguria, 'nteła prima guera mondiale. El xe sta fato inte el 1921, sui resti de baracamenti deł'esercito tałjàn, mesi łì al riparo dei tiri deł'artijeria austriaca: i se ciamava El Milanin. El rifugio xe proprio a ła testada de ła Val Canałe, sul versante sud del Pasubio, col Sojo Roso a sinistra e ła Pria Faveła a destra.

Viste

Davanti el ga ła vista del Sengio Alto e pi in là, del Carega. Ła proprietà xe de ła sesion del C.A.I. de Schio, ghe xe 60 posti łeto e xe senpre verto dal primo de zugno fin al 13 de otobre. In primavera e in utuno xe verto i fin setimana.

Posti

Na so dipendensa xe el Bivaco Marzotto-Sacchi, co 7 posti, poco pi in su de łe Porte del Pasubio.