Sengio Alto
El Sengio Alto el xe na cadena de monti, ke ła va drita da nord a sud, intrà el Veneto, provincia de Vicensa, e el Trentin. Sta cadena ła fa parte de łe Picołe Dołomiti e ła xe stacà dal Pasubio a nord (Pian de łe Fugase) e dal Carega a sud-sudovest (Paso de Canpogroso). Łe sime, in ordine, łe xe: el Corneto (1899 m), i Tre Apostołi, el Bafełan (1793 m), ła Sima de łe Ofre (1780 m) e ła Sisiła (1621 m). Na beła via par ndar sul Corneto xe'l Vajo Streto, vegnendo dal Pian de łe Fugase. Fra el Corneto e el Paso de łe Gane (el xe intrà el Bafełan e ła Sima de łe Ofre), core un "Sentiero de arocamento", ke xe un troso, in parte drento gałerie, fato tuto in cresta durante ła prima guera mondiałe. Da lì se ga na beła vista, da na parte xo in Vałarsa, da kełaltra in Val Leogra.
  | ||||
| Sorte | Grupo alpin | |||
|---|---|---|---|---|
| Liogo | ||||
| Rejon aministrativa | Itàłia | |||
| ||||
| Caena montagnoza | Prealpi Visentine | |||
| Dati SOIUSA | ||||
| Gran parte | Alpi Orientałi | |||
| Gran setore | Alpi Sud-orientałi | |||
| Sesion | Prealpi venete | |||
| Sotosesion | Prealpi Visentine | |||
| Supergrupo | Picołe Dołomiti | |||
| Grupo | Cadena del Sengio Alto | |||
| Còdaze | II/C-32.I-B.5 | |||
| Dati e sifre | ||||
| Ponto pì alto | Monte Cornetto (1 899 m
) | |||
|
| ||||
Gałeria de someje
canbia-
El Sengio Alto visto dal versante vixentin -
El Bafełan -
El Corneto, 1899 m
