Rumatera

I Rumatera el ze un grupo muzegałe punk itałian, ativo a partire da'l 2007. El só nome el riva da Rumatera (che vol dir "Móvare la tera"), bazandose so ła rasa de pese che ła se cata inte łe canpanje enete de Casago e de'l Brenta e che cusì el vien ciamà.

Rumatera

Atività
Atività	2007
Zènare	Punk
Targheta discogràfega	La Grande V Records
Àlbun	8
Àlbun stùdio	8
Repertòrio
Punk Rock Rock
Sito web	rumatera.com

Carataristega dei Rumatera A ze el dòparo scuazi escluzivo, de'l diałeto venesian cofà łengua dei só brani; tałe sielta ła se łiga a ł'orìzene dei muzicisti, che i riva tuti da Casago de Pianiga, in provinsa de Venesia.

Cariera muzigałe

I Rumatera i nase inte ł'Istà de'l 2007 da l'idea dei cuatro muzicisti: Daniele Russo e Giovanni Gatto, che prima i sonava inte i Catarrhal Noise, Giorgio Gozzo e Luca Perin. Intènto de ła band A ze cueło de portar in mùzega el stiłe de vita e ła mentałità dei tozi de canpanja, considerài sinceri e che no i ga condisionamenti. Ła sielta de'l diałeto venesian ła intende darghe credibiłità a'l mesagio portà dai Rumatera, e no 'l ze visto da ła band cofà un łimite visti i sucesi pasà de grupi cofà i Pitura Freska, i Sud Sound System, o i 99 Posse.

Inte'l magio de'l 2008 A ze publegà el primo àlbun, Rumatera, e scomisia cusì anca łe prime date live, consentràe soratuto inte'l nord de l'Itałia. De ł'àlbun A fa parte anca na cover de'l brano Picinin, rivizità da l'orizenal dei Pitura Freska, de'l cuało A venjarà reałizà anca un video co ła cołaborasion de Marco Forieri (Furio), menbro de ła formasion orizenałe de ła band reggae venesiana.

Inte'l 2009 i Rumatera i porta el só mesagio inte i Stati Unii reałizando ła varsion ingleze de'l só primo àlbun, ciamà My Crew.

Inte'l apriłe de'l 2010 i Rumatera i finise de rezistrar el só segondo àlbun, 71 gradi, indove A se połe apresare, intrà łe altre cołaborasion, cueła co Gianni Dego. El 13 majo de'l 2010 i Rumatera i prezenta in anteprima el só novo disco in direta nasionałe a ł'interno de ła trasmision radiofonica Chiamate Roma Triuno Triuno condota dal Trio Medusa so Radio Deejay. Inte'l magio de'l 2010 i Rumatera i stanpa el só primo DVD live da'l titoło Attenzione col fagiano, che'l ga a'l só interno łe rezistrasion de do conserti rezistrà durando el tour invernałe 2008/2009. El 2 agosto de'l 2010 i Rumatera i zira el video de'l singoło "Assa perdare i Pin Floi".

Inte'l apriłe de'l 2011 A vien prezentà un EP de 5 brani, co ła cołaborasion de diversi artisti, intitołà La Grande V. De l'omònemo brano A ze reałizà anca el video.

Inte'l 2012 A vien publegà el CD "Xente Molesta" rezistrà in Texas in una de łe sałe pì sonjàe da tuti i muzeghisti ła Sonic Ranch. In 'sto àlbun inte ła canson che ła dà nome a l'àlbun A ghe partesipa anca ła voze feminiłe de Lady Poison.

Cołaborasion

A sèvito de ła prezensa so Radio Deejay, i Rumatera i taca na cołaborasion co el Trio Medusa, che'l utiłizarà alguni brani dei Rumatera co jingle inte łe pròpie trazmision. El 19 desenbre 2010 i Rumatera i ze stài ospiti a Radio Deejay, come band live, inte łe prime sie ore de programasion del "Zozzoni Day", maratona radiofònega de benefisensa de ła durada de 24 ore, condota da'l Trio Medusa e vari speakers de Radio Deejay. Ła cołaborasion ła se concretizarà anca inte ła rezistrasion, in La Grande V, de na varsion de Sol Bareoto del mas-cio cantada, intrà i altri, da'l Trio Medusa.

A sèvito de ła publegasion de'l video de "Assa perdare i Pin Floi", i Rumatera i scominsia a aparìre, in rodasion so Rock TV. In partegołar el 12 otobre 2010, i Rumatera i ze ospiti de Pino Scotto inte ła trazmision "Data Base" in onda so Rock TV.

Inte ła primavera 2012, Daniele Russo, (Bullo), cantante dei Rumatera, el ga partesipà a'l video de'l grupo Ska-J de'l so singoło Socco', continuando ła cołaborasion co Marco Forieri.

Altra cołaborasion; onji Marti do ełementi dei Rumatera come Daniele Bullo e Giorgio Gozzo i se cołega so "Radio Bocconi" dove i partesipa a ła rubrica "The Magnagati Show", tuto par far conósare ła saviesa popołare contando proverbi veneti de raìza popołar.

Grupi soto ła stesa só eticheta

• Chuma Chums (coi cuałi i fa anca canson, par ezenpio "La Grande V Records" inte l'albun omònemo o "Assa perdare i pin floi" in 71 gradi.
• Gottardo Project, conserti insieme.
• John See a Day (refà el funk de James Brown ma i canta soratuto in diałeto ciozoto)
• Hilimoni; l'altro grupo pop-rock de Luca Perin (bataria) e Giorgio Gozzo (baso), łe cui canson łe ze cantàe in itałian.
• IBox; grupo de só fradeło de Giorgio.
• Nemici - 4 Ragazzi SuperMega Bravi
• Peter Punk
• P4TM (Polar For The Masses)
• Sex On the Bitches
• Abusivi
• FO-GO (altro grupo novo de'l cuało A fa parte anca Rocky Giò, ghitarista dei Rumatera)
• Herman Medrano & The Groovy Monkeys
• Le Sgabole grupo łonbardo
• O' Ciucciariello
• Cornoltis
• Marongiu & I Sporcaccioni

Altri grupi amighi :

• Cattive Abitudini, coi cuałi i se ezibise inte ła canson "Vergognosa".
• Herman Medrano amigo za dei Catarrhal Noise, el cołabora anca co i Rumatera.
• Ska-J

Grupi che ezisteva prima

• Catarrhal Noise l'ex grupo de'l cantante dei Rumatera.
• Budregassi l'ex grupo de'l basita dei Rumatera.

Formasion dei Rumatera

• Lady Poison (Francesca De Pieri)(ła juta i tozi a far spetacoło e ła sprusa rum a chi che vołe bévare)
• Daniele "Bullo" Russo: voze e ghitara
• Giorgio "Gosso" Gozzo: baso e segonda voze
• Giovanni "Rocky Gio" Gatto: ghitara e segonda voze
• Luca "Sciukka" Perin: bataria

Nova formasion dopo che el Ghitarista Rocky Joe el ga łasà

• Lady Poison (Francesca De Pieri)
• Daniele "Bullo" Russo: voze e ghitara
• Giorgio "Gosso" Gozzo: baso e segonda voze
• Jen Razavi ghitara, che ła ga vinto el reality "Italian Dream" che'l se ga zvolzesto da Otobre a Desenbre 2015.
• Luca "Sciukka" Perin: bateria
• Cheerleaders

Discografia

• Rumatera (2008)
• My Crew (2009)
• 71 Gradi (2010)
• La Grande V(2011)
• Xente Molesta (2012); in 'sto àlbun inte ła canson che ła ghe dà nome a'l CD partesipa anca "Lady Poison" che durando i conserti ła ga el conpito de zgiansàrghe ai fan Rum e Pera.
• Awanti coi Ammicci (2014)
• "Ricchissimi e sìngoło Ghe sboro, del (2017)
• "Ciao Bella !" (2018) in cołaborasion co ła chitarista 'mericana.

Inte'l video i se refà ai Blink 182 e tute łe canson łe ze cantàe in americàn.

• " Bae de Nadae" (Disenbre 2018)
• "Ingestibili"
• "Mi e me amighi"
• "Tatuajo"

Video

• Picinin
• Assa perdare i pin floi
• La grande V
• Mi piace la foca
• Quando te me vardi
• Xente molesta
• La canzone degli amici
• Venenglish

Note

1. So'l so sito A se połe catare anca i testi de łe só canson in ingleze

• Testi de łe nove canson.

Łigamenti foresti

• Sito Ofisiałe indove intrare anca so ła pajina de myspace e de facebook
• Pagina de google co video e altri siti dove che se parla dei Rumatera
• Diverse pagine so facebook.
• Articołi su xornałi nasionałi.
• Novo video de'l brano "Quando te me vardi" de l'àlbun "Xente Molesta"
• Artìgoło so'l Corriere del Veneto che parla de Lady Poison
• Canson dei Rumatera trasmese so - Radio Venetia - La vose dei Veneti nel mondo Archivià l'8 de marso 2016 in Internet Archive.