La salsa verde l'è na salsa a baxe de parsemoło, che vien fata in varie rejoni d'Itałia, a òlte in maniera diversa da un posto a chel'altro.

Cosa serve par farlaCànbia

  • parsemolo, na bela bruscà (le foje e i rameti l'è mejo)
  • un bicer, quasi du de ojo de oliva
  • dei torli de ovi (du o tre)
  • qualche fiłeto de aciuga, con cui se pol darghe o meno un gusto forte
  • na bruscà de càperi
  • pan pocià nell'axedo
  • ajo da uno a tre tocheti, secondo i gusti
  • se se vol, ancora axedo
  • sal sensa esagerar

Come se fa a farlaCànbia

Prima de tuto se ciapa el parsemolo, mejo solo le foje, e el se taja fin, ma no masa se no el perde consistensa. Se cóxe uno o du ovi e se ciapa soło el torlo, po' se prepara del pan moło, mejo la mołica e el se pocia in tel'axedo. Dopo se mete el parsemolo in te na scudela, na teja o calcos'altro dove ghe sia abastansa posto, se ghe zonta l'ojo e se ghe dà na beła mesiada con un cuciar. Se ciapi una o do aciughe zà tajade a tochi e dei capari, e i se mete drento e se mìsia. Po' se ghe zonta man man anca l'ajo, l'ovo e un cicinin de sal e se mìsia ancora. In genere se ghe mete fra vinti minuti e meza ora.

Con cosa ła se magnaCànbia

Ła so morte l'è magnarla con la carne bołida, magari anca con ła pearà. Ghè anca ci łe magna suła carne freda, magari de istà, e ghè ci invese łe magna con i ovi sodi (e se ła ve piaxe propio asè, podì magnarla anca fora dai pasti, pociandoghe drento el pan).

Controło de autoritàGND (DE7703937-3
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Salsa_verde&oldid=649321"