Pan

El pan (dal latin panis) el xe un prodoto alimentare otegnù da un inpasto de farina de cereali, aqua e condimenti vari, ch'el vien prima fato lievitar e dopo el vien còto in forno.

Ciope de pan

In teła tradision de l'Ocidente el pan el gà un posto fondamental inte l'ałimentasion, tanto che el termine steso el pol deventar sinonimo de cibo o de nutrimento.

De sołito el se fa doparando do parti de farina de formento e una de aqua, in parte freschi e in parte provenienti da un inpasto precedente (lievito natural o cosideta pasta madre); ghe ne existe parò un mucio de varianti in baxe al tipo de farine che se pol doparar in pì o al posto de queła de formento (prexenpio de mais o segale, ma anca derivè da legumi come ła soia), o in baxe ai condimenti che se mete drento. Quaxi tuti i ghe mete anca ła sal drento el pan, trane i toscani e i unbri, che i fa el cosideto "pan siòco", apunto sensa sal. In più se pol metarghe ojo, buro, struto e tanti altri ingredienti in baxe a łe tradision del posto e a ła fantaxia del fornaro (prexenpio se pol far el pan co łe ołive, el pan co l'ua, etc.).

Proverbi

El pan del paron ga tre croste vol dir "łavorare soto paron, da dipendenti, conporta ła posibiłità de esare maltratà o sfrutà, coxa ke ai łavoratori autonomi, łibari da paroni, no sucede".

Altri progeti

Altri progetti

• Wikimedia Commons

• Wikimedia Commons el detien imàjini o altri file so pan
• el detien schemi gràfeghi so

Linganbi foresti

• Riceta del pan tipo de Altamura