E sardee in saor e xe el piato piu' tipico de Venesia e el vien fora, in modo particołare, dała tradixion gastronomega dei Ebrei venexian. Ała note del Redentor, a Venesia, se magna proprio łe sardełe in saor.

Sardee in saor

Ingredienti canbia

E xe fate coe sardełe, segoa, pinoi, ueta, axedo, ojo, vin bianco. Par 5 persone ghe vol: 700 grami de sardełe fresche, 700 grami de seołe, farina bianca, 2 goti de aseo, ojo de ołiva, pinołi, uveta, 3 broke de garofano, na scorsa de limon gratà, 4 foje de ałoro, sałe, pevare.

Come se fa canbia

Dopo che se ga netà ben łe sardełe e łe se ga pasà 'nteła farina bianca, łe se frixe in tanto ojo. Dopo łe se cava dała farsora e se buta drento l'ojo doparà par frixere łe sardełe, łe seołe tajà a fetełe. Quando ke łe xe diventà bionde, se ghe xonta do goti de aseo e ła scorsa de limon gratà, misciando ben. Sul fondo de na pirofiła se mete el pese frito, se ghe xonta sałe e pevare. Se ghe mete sora, a strati, el conposto de seoła, aseo, pinołi, uveta e ałoro. Se coverse tuto col liquido.

Ricordarse de magnarle sempre almanco dopo tri dì sinò no łe xe bone.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Sardełe_in_saor&oldid=1111692"