Scała sismołòzega de Richter

Co l'atribusion de un vałore de ła scała Richter, se espresiona na mezura de ła magnitudo, o sia na stima de l'enerzia descaenada da un taremoto inte el ponto de ła fratura de ła crosta terestre, o sia a l'iposentro, drio i criteri indicai dal zeofìzego statunitense Charles Richter.

Stòria

Charles Francis Richter, c. 1970

Sviłupada inte el 1935 da Charles Richter in cołaborasion co Beno Gutenberg, tuti e do del California Institute of Technology, la scała ła zera stada orizenariamente studiada soło par èsar doparada inte na partegołare àrea de ła California e soło so sismogrami rezistrai da un partegołare modeło de sismògrafo, cueło a torsion de Wood-Anderson.

Richter el ghea doparà inisialmente vałori rotondai al pì arente cuarto de magnitudo, ma in sèvito i ga doparà i dezemałi de magnitudo. L'ispirasion par sta tècnega ła ze stada ła scała de łe magnitùdeni (aparente e asołuta) doparae in astronomia par descrìvare ła lumenozità de łe stełe e de altri ojeti sełesti.

Descrision

Definision

Inte ła definision data da Richter, la magnitudo de calsìasi taremoto ła ze data dal logaritmo in baze dieze del màsimo movestamento de ła trasa rispeto al zero, esprimesto in micròmetri, in un sismògrafo a torsion de Wood-Anderson całibrà in magnera stàndar, se l'avegnimento el se fuse verifegà a na distansa episentrałe de 100 km

.

Richter el ghea decidesto arbitrariamente na magnitudo zero par un taremoto che el móstree no movestamento màsimo de un micrometro (1/1000 de m) sol sismografo de Wood-Anderson, se ponesto a 100 km de distansa da l'episentro del taremoto, o sia pì débołe de cuanto se podese rezistrar in cheła època. Sta decizion ła ga permetesto de evitare i nùmari negativi, almanco co i strumenti de l'època. La scała Richter parò, de conceto, no ła ga nisun lìmite inferior o superior e i sismografi moderni, pì sensìbiłi, i rezistra normalmente taremoti co magnitudo negativa.

El problema pì grando de ła scała Richter el ze che i vałori i ze solché debolmente corełai co le caraterìsteghe fìzeghe de ła colpa dei taremoti. In pì, ghe ze un efeto de saturasion verso łe magnitùdeni 8,3-8,5, dovesto a ła leje de scała del spetro dei taremoti, par via del cuało i tradisionałi mètodi de magnitùdene i da el isteso vałore par avegnimenti che i ze ciaramente difarenti. A l'inìsio del XXI secoło, la major parte dei sismòłoghi i considera le tradisionałi scałe de magnitùdeni vece e suparae^[1] e łe ga renpiasae co na mezura ciamada momento sìsmego, pì diretamente rełasionada co i paràmatri fìzeghi del taremoto. Inte el 1979 el sismòłogo Hiroo Kanamori, anca eło del California Institute of Technology, el ghea proponesto ła Moment Magnitude Scale (M_W), gràsie a ła cuała ze pusìbiłe descrìvar el momento sìsmego in tèrmani simiłari a łe presedenti scałe de magnitudo.

Ecuivałensa magnitudo e TNT

Ła fòrmuła orizenałe ła ze:^[2]

M_{\mathrm {L} }=\log _{10}A-\log _{10}A_{\mathrm {0} }(\delta )=\log _{10}[A/A_{\mathrm {0} }(\delta )],\

Scała Richter
Magnitudo	TNT ecuivałente	Enerzia	Frecuensa	Ezénpio
0	15 grami	63 kJ	Da torno 8 000 al dì
1	0,48 chilogrami	2 MJ
1,5	2,7 chilogrami	11 MJ		Inpatamento sìsmego de ła tìpega esplozion doparada inte łe costrusion
2	15 chilogrami	63 MJ	Da torno 1 000 al dì	Esplozion de ła West Fertilizer Company
2,5	85 chilogrami	355 MJ
3	477 chilogrami	2.0 GJ	Da torno 130 al dì	Atentà de Oklahoma City, 1995
3,5	2,7 tonełae	11 GJ		Dezastro de PEPCON, 1988
4	15 tonełae	63 GJ	Da torno 15 al dì	GBU-43 Massive Ordnance Air Blast bomb
4,5	85 tonełae	355 GJ
5	477 tonełae	2 TJ	2-3 al dì
5,5	2 682 tonełae	11 TJ
6	15 000 tonełae	63 TJ	120 al ano	Bonba atòmega Little Boy butada so Hiroshima (~ 16 kt)
6,5	85 000 tonełae	354 TJ
7	477 000 tonełae	2 PJ	18 al ano
7,5	2,7 milioni di tonełae	11 PJ
8	15 milioni di tonełae	63 PJ	1 al ano	Avegnimento de Tunguska
8,35	50,5 milioni di tonełae	211 PJ		Bomba Zar - l'arma termonucleare pì granda mai testada.
8,5	85 milioni di tonełae	355 PJ
9	477 milioni di tonełae	2 EJ	1 ogni 20 ani	Taremoto e maramoto del Tōhoku, 2011
9,15	800 milioni di tonełae	3,35 EJ		Catàstrofe de Toba 75 000 ani fa; el pì grando avegnimento vulcànego conosesto
9,5	2,7 miliardi di tonełae	11 EJ		Teramoto del Cile del 1960
10	15 miliardi di tonełae	63 EJ	Sconosesto
13	476 880 miliardi di tonełae	2 YJ		Inpatamento de ła Penìzoła del Yucatán in Mèsego (Cratero de Chicxulub) 65 milioni di ani fa

Notasion

↑ De fati Richter el ga inventà sta scała inte el 1935 par mezurare i taremoti riłevai co un spesìfego tipo de sismògrafo e drento del rajo de 600 km da ła Całifornia. Inte el tenpo łe ze stae inventae numarévołi scałe pì ùtiłi come che ne dize el sito de l'USGS Archivià il 18 gennaio 2015 Data inte l'URL no conbazante: 18 de zenaro 2015 in Internet Archive. .
↑ William L. Ellsworth, The Richter Scale ML, in Robert E. Wallace (curà da), The San Andreas Fault System, California, USGS, 1991, Professional Paper 1515.

Altri projeti

Scholia el detien schemi gràfeghi so Scała sismołòzega de Richter

Linganbi foresti

(EN) John P. Rafferty, Richter scaleEnçiclopedia Britannica, Encyclopædia Britannica, Inc.

Controło de autorità	LCCN (EN) sh2002004635 · GND (DE) 7576375-8

[1] De fati Richter el ga inventà sta scała inte el 1935 par mezurare i taremoti riłevai co un spesìfego tipo de sismògrafo e drento del rajo de 600 km da ła Całifornia. Inte el tenpo łe ze stae inventae numarévołi scałe pì ùtiłi come che ne dize el sito de l'USGS Archivià il 18 gennaio 2015 Data inte l'URL no conbazante: 18 de zenaro 2015 in Internet Archive. .

[2] William L. Ellsworth, The Richter Scale ML, in Robert E. Wallace (curà da), The San Andreas Fault System, California, USGS, 1991, Professional Paper 1515.

[1]

[2]