Sebenego
Sebenego (ciamada in croato Šibenik) la xe na zità de la Croazia, catada in Dalmazia. La ga 46 372 abitanti e la xe el caologo e la zità più popolada de la region de Sebenego e Tenin. La zità la se cata sul sboco sul del fiume Cherca, che el crea un porto e canal natural longo 2,5 km.
Šibenik (hr)  | |||||
|---|---|---|---|---|---|
|
|||||
| |||||
| Pozision | |||||
| Stato | Croàsia | ||||
| Rejon | Rejon de Sebenego e Tenin | ||||
| Cavedałe de | |||||
| Popołasion | |||||
| Totałe | 42 599 (2021) | ||||
| Densità | 106,63 hab./km² | ||||
| Demònemo | sebenicensi, sebensani ,
 | ||||
| Zeografia | |||||
| Àrea | 399,5 km²[3] | ||||
| Bagnà da | mar Adriàtego | ||||
| Altitùdene | 0 m | ||||
| Dati istòreghi | |||||
| Dì festivo | Festa patronałe(25 de lujo)
| ||||
| Patrono | Jàcomo el Major | ||||
| Organizasion pułìtega | |||||
Sìndico (en)  | Željko Burić (en) | ||||
| Còdazi de identifegasion | |||||
| Còdaze postałe | 22000 | ||||
| Còdaze de matricołasion | ŠI | ||||
| Fuzo oràrio | |||||
| Prefiso tełefònego | 022 | ||||
| Sito web | sibenik.hr | ||||
 | |||||
Storia
canbiaLa zità la xe partignuda al'Ungaria fin al 1322 quando che la xe divignuda parte de la Repùblica de Venezia fin al 1797, fora che par el breve ténpo intrà el 1358 e'l 1412 durante el qual la xe ritornada ungarese. Intrada a far parte del'Inpero austrìaco a sèguito del tratà de Canpofòrmido inte el 1797, ghe xe restada cavada a n'interuzion dovuda a la dominazion franzese soto Napoleon (1805 - 1813), fin a la fin del Prima Guera Mondial (1918), quando che la xe passada al Regno dei Serbi, Croati e Sloveni (daspò Jugoslavia).
La popołasion de etnia italiana, in mazoranza ai prinzipi del XIX sècolo la xe calada par scalinasion, fin a divignir menoransa rispeto a quela croata, anca soto el stìmolo de le autorità austrìache che le temeva sai l'iredentismo italian. A la fin del XIX sècolo la popołasion italiana la jera squasi el 20% dei abitanti, almanco a quanto che i riporta i discusi censiménti austrìazi. La xe stada jugoslava e daspò (dal 1991) croata, se no se consìdera na bréve interuzion in tei do ani 1941-1943 durante i quai la xe stada ciolta drénto dal'Italia (provincia de Zara).
A Sebenego xe nassudo in tel 1802 el famoso scritor, crìtico e patriota italian Niccolò Tommaseo.
Patrimonio artìstico
canbia Ben protexesto da l'UNESCO | |
| Catedral de San Giàcomo a Sebenego | |
| Šibenik | |
 | |
| Tipołoxia | cultural |
|---|---|
| Critero | (i) (ii) (iv) |
| Ano | 2000 |
| Linganbo | inglexe fransexe |
[[Categoria:Patrimoni de l'umanità in Croàsia]]
Catedral de San Giàcomo
canbiaLa costruzion de la Catedral de San Giàcomo la xe scominziada in tel 1431, su un edifizio che ghe jera prima, e afidada a Giorgio Orsini. Edificada co piere che le vigniva da le ìzołe de Braza, Cùrzola, Arbe e Veja, la xe finida in tel 1536 da Niccolò Fiorentino.
In torno a la catedral, fora le àbside, ghe cor un frizo scolpido co téste rafiguranti 71 abitanti de la zità, ai ténpi de la costruzion de la césa. Indrénto ghe xe na fonte batizimal tignuda da tre ànzoli disegnadi dal'Orsini e realizai da Andrea Alessi.
In tel 2000 la catedral de San Giàcomo la xe stada mésa indrénto la lista dei patrimoni del'umanità del'UNESCO.
Loza granda
canbiaAl lado de la catedral se cata la Loza granda, séde del conséjo comunal inte i ténpi de la dominazion veneziana, in orìzene costruido intrà el 1533 e'l 1546 da Michele Sammicheli, ma conpletaménte ritirà su fedelmente daspò la distruzion in tel 1943 daspò un bombardamento.
Forteza de San Michièl
canbiaLa zità la xe dominada dai résti de la Forteza de San Michièl, su na colina a la qual se riva 'ndando su par la zità vecia.
Exenpio del dialeto vèneto de Sebenego
canbia(VEC)El re, che jera prima prima un zoco, a la fin ga 'verto i oci: el ghe l'ha fata pagar salada a quei ch'aveva insultado la signora, e da quel momento el s'ha messo i mustaci e l'ha scominzià a darghe adosso senza remision a quanti non rispetava l'onor de la sua corona.»
«Digo dunque che ai tempi del primo re de Zipro, dopo che Gofredo de Buglion gaveva conquistà Tera Santa, xe nato che una gran signora de Guascogna xe andada in pelegrinagio al Santo Sepolcro e, tornando da de là, la xe arivada a Zipro, dove certi perfidi canaje l'ha insultada in una maniera assai bruta. Quela povera signora, tocada inte el vivo, non la ghe podeva più da la rabia, e la s'ha pensà d'andarse a lagnar dal re. Ma i ga dito che el saria tempo perso perché el re jera tanto un trascurà e un bon da gnente, che no solo no el castigava le ofese dei altri, ma gnanca le propie; come un scempio el se le toleva su tute che jera propio una vergogna, tanto che se qualchedun gaveva uno sul naso, el se sfogava col farghene de le bele. Sentindo questo la signora, e vedendo che non ghe jera speranza de poderse vendicar, par consolarse in qualche modo la ga deziso de pizigarlo, 'sto ridicolo de re. Pianzendo la xe andada dunque da lu e ga dito: "Mio signor, vegno da ela no perché me aspeti che la me faza giustizia de l'ofesa che ho rizevudo, ma par pregarla che la me faza el piazer d'insegnarme come la fa ela a sorbirse in santa pase quele ch'ogni dì, par quel che i dixe, ghe vien usae; cussì impararò anca mi a soportar co pazienza la mia; e Iddio sa! se podessi co che voja che ghe la regalarìa, a ela, che ga tanto bon stomego".
Persone ligà a Sebenego
canbiaBibliografia
canbia- Dario Alberi, Dalmazia, storia, arte, cultura, Lint Editoriale Trieste, ISBN 978-88-8190-244-6
Varda anca
canbiaAltri projeti
canbia
Wikimedia Commons el detien imàjini o altri file so Sebenico
el detien schemi gràfeghi so
Łigadure foreste
canbia- ↑ ID Hrvatska enciklopedija: 59500.
- ↑ ID Proleksis enciklopedija: 47987.
- ↑ 3,0 3,1 Declarà da: Register of spatial units of the State Geodetic Administration of the Republic of Croatia.
| Controło de autorità | VIAF (EN) 127876644 · GND (DE) 4387004-1 · WorldCat Identities (EN) 127876644 |
|---|