Seconda guera turco-venesiana
La terza guera turco-venexiana la xe stà na serie de batalie conbatùe tra el 1499 e el 1503 tra l'Inpero Otoman e la Republica Veneta, par el control de varie tere ne l'Egeo, el Jonio e l'Adriatico.
Guere turco-venexiane  | |
|---|---|
 | |
| Tipo | guera |
| Data | 1499-1503 |
| Liogo | mar Adriàtego, mar Jònego e Mar Ezeo |
La prima de ste batalie, la batalia de Zonchio, la xe stà la prima batalia naval de la storia inte ła cuała i gavia doparà canoni su le navi. I turchi, soto el comando de l'Almirante Kemal Reis, i xe resultà vitoriosi in sti confliti e inte el 1503 i ga costreto i venexiani a reconossar i so goadagni teritoriali, dopo che la cavaleria turca la gavea fato anca dele scoribande sul teritorio de la Teraferma veneta.
Antefati
canbiaNe l'avril 1499 Venexia la gavea streto aleanza co la Francia contro el segnor de Milan Ludovico el Moro, inpegnandose a jutar el re de Francia Luigi XII in canbio de goadagni teritoriali in Lonbardia. Ma no la xe stà na gran mossa, parché Ludovico, che nol gavea pi nisuni da la so parte, el sà rivolto ai turchi inzitàndoli a la guera coi venexiani, in modo da métarghe i bastoni tra le rude e tegnerli inpegnà el pi posibile.
La guera
canbiaNe l'agosto del 1499 la flota otomana, forte de 67 galee, 20 galeote e presapoco 200 altre navi piasè picenine, al comando de Kemal Reis, la sà catà inte el mar Jonio, con la flota venexiana, che la contava 47 galee, 17 galeote e zirca 100 navi piasè picenine, al comando de Antonio Grimani. Le do flote la sà afrontà ne la batalia de Zonchio (conossiùa anca come la batalia de la Sapienza o la prima batalia de Lepanto). Sta qua la xe stà la prima batalia naval de la storia inte ła cuała su le navi i ga doparà i canoni, e la se ga svolto in quatro giòrni diversi: el 12, 20, 22 e 25 de agosto 1499. I turchi i ga riportà n'inportante vitoria, e Grimani el xe stà parfin messo in preson come punizion par la sconfita e sostituìo da Melchiorre Trevisani. Intanto i turchi i gavea asedià Lepanto, che vedendo che nisuni dei venexiani rivava a jutarghe, la sà rendesto.
Inte el setenbre 1499 un esercito turco de 7 000 cavalieri, comandà dal pasià de la Bosnia Scander, el gà passà l'Isonzo e invaso el teritorio de la Republica, devastando pi de zentotrenta paeseti del Friul e ciapando prisonieri diesemila abitanti. Andrea Zancani, comandante de l'esercito del Friul, nol gà mosso un deo contro i turchi, restando fèrmo a Gradisca coi so òmeni, e par questo el xe stà anca lu ciapà, processà e messo in preson. A sto punto i venexiani i ga zercà de inténdarse coi turchi par far la pace, ma sicome i turchi i pretendea tuti i posedimenti de la Morea e un tributo de diesemila ducati a l'ano, i gà ritegnù ste richieste massa esagerà, e i ga troncà le tratative.
Inte el 1500 i turchi, dopo che i gavea atacà inutilmente Nauplia, Malvasia (Monemvasia) e Zonchio, i gà tolto d'asedio Modon, ciapandola el 3 de agosto dopo na eroica resistenza. Anca Coron e Navarin le finìe ne le mane dei turchi de lì a póco. Le sorti de la guera le xe stà risolevà na s-cianta dal novo comandante Benedetto Pesaro, che el gà ocupà Egina, sachegià Metilene e Tenedo e caturà un mucio de navi turche, finché el 1° de novenbre el gà ciapà Cefalonia e dopo anca Zonchio.
L'ultima azion de guera la xe stà inte el 1502, quando el Pesaro el ga conquistà Santa Maura, jutà dai Cavalieri de Malta. Alora el Soldan turco Baiazet el gà proposto la pace, e inte el magio del 1503 i ga firmà un tratado con cui Venexia la mantegnéa Cefalonia, Nauplia e Malvasia, rinunciando a Lepanto, Modon e Coron e otegnendo in canbio la restituzion dei beni dei sitadini venexiani che el Soldan el gavea fato sequestrar co xe scuminsià la guera.