Siera Łeon
La Siera Łeon xe na repùblega de l’Africa Ocidental.
La confina co la Liberia a nord e la Guinea a sudest; la xe bagnada da l’Oceano Atlantico a sudovest.
Zeografia
canbia
A l’interno se cata pianure coverte da foreste e fatorie, e da na zona de altipiani che riva a 1.948 m de altitudine (Monte Bintumani).
Parte de la costa la xe ocupada da mangrovie.
Storia
canbiaAntighità
canbiaL’esplorator portoghexe Pedro da Cintra xe stà el primo eoropeo a disegnar na mapa de le coline rente a la baia de Freetown in tel 1462. Da Cintra ciamò le coline Serra Lioa par la forma a testa de leon de una de le coline.
Dal 1652, s-ciavi africani pasava da stà baia par esar portà in America, specialmente in Georgia e Carolina del Sud dove ghe xera piantagioni de riso.
Modernità
canbiaEn tel 1787 la compania benefica inglexe de la Baia de San Giorgio, che olea aidar i neri libarà dopo verghe combatù contro i americani ne la rivolusion par l’indipendensa, ga mandà on grupo de sti ex s-ciavi in Sierra Leone. El primo grupo xe stà decimà da le malatie.
On secondo grupo l’è rivà in tel 1792 e ga fondà la cavedal, Freetown. Freetown xera anca la sede del governator inglexe che governava la Sierra Leone, el Ghana e el Gambia. L’università de Fourah Bay xera l’unica de la region.
La popolasion locale ga tentà pi volte de par via i inglexi inte el XIX secolo.
No ghe stà rivolte grose in tel XX secolo.
Indipendensa
canbiaL’indipendensa l’è rivà ne l’avril 1961, e Milton Margai xe stà el primo presidente.
En tel 1967, Siaka Stevens ga vinto le elesioni.
Do ore dopo esar stà nomina Presidente, el brigadier David Lansana lo ga deposto co on colpo de stato. N’altro grupo de militari ga formà el Consilio Nasional par la Riforma, arestà el Brigadier Lansana e meso Andrew Juxon-Smith al so posto. En tel avril 1968, el Movimento Rivolusionario Anti Corusion, sempre formà da militari, ga fato n’altro colpo de stato e ga rimeso Stevens al poder.
Altri colpi e stato, falii, xe stà inte el 1968, 1971, 1974 e 1977.
Inte el 1971 el paexe xe diventà na repùblega e Stevens xe diventà el presidente de la Siera Łeon.
Stevens sa ritirà in tel 1985 e Joseph Saidu Momoh l’è stà eleto al so posto.
En tel 1990, Momoh ga istituì na comision par riscrivar la costitusion e portar el paexe al multi-partitismo. Le riforme xe stà aprovà in tel otobre 1991.
La zente parò l’era stanca de la corusion e la aministrasion poco ciara de i schei de i diamanti. La guera civil l’è scominsiada anca parchè el livel de criminalità in tel paexe xera rivà a liveli masa alti. El Fronte Unio Rivolusionario (RUF) se sà aleà co el ribele liberiano Charles Taylor. La guera civile xe ndà avanti fin al 2002.
En diexe ani de guera, 50 000 persone xe stà copà, 120 000 persone ga perso man e brasa, taja zo da i ribeli, miliari de butini xe stà costreti a combatar e a torturar i prisoneri. El governo ga ciamà de i mercenari stranieri par combatar contro i ribeli, e el governo de la Nizeria ga mandà i so soldai par portar l’ordine. I nizeriani i sa meso a contrabandar i diamanti e no ga mai fato niente par aiudar la popolasion civile.
El 18 genaro 2002, el Presidente Kabbah ga dichiarà finia la guera civile.
El governo, co le Nasion Unie, ga meso su on tribunal speciale contro i crimini de guera a Freetown. Charles Taylor, ex gueriliero e ex presidente de la Liberia, xe ono de i acusadi ma sarà procesà a L'Aia e no a Freetown parchè el paexe no pol sicurar la so prigionia.
Kabbah l’è stà rieleto in tel magio 2002.
Zeografia politega
canbiaPopolasion
canbiaEtnie
canbiaEn Siera Łeon se cata 13 grupi etnici.
I do pi grandi xe i mende e i temne, 30% de la popolasion l’uno; seguii da i limba (10%) e i kono (8%) e i mandingo (7%). I krio [17] xe solo el 3%.
Religion
canbiaI musulmani i xe el 60%, i cristiani el 30% (i catoleghi el 12%), cheli che seve le religioni tradisionali el 10%.
Lengoe
canbiaEconomia
canbiaDopo la guera, el paexe ga scominsià a mostrar segni de cresita econòmega.
L’agricoltura xe oncora de sustitenza, anca se el governo sta spinzendo i contadini a svilupar nove tecniche e produsar novi prodoti par l’esportasion.
El paexe l’è rico de minerai, sora tuto diamanti e titanio.
La costa de la Siera Łeon ga anca spiage adate al svilupo turistico.
Gałeria de someje
canbia-
monte Bintumani -
fiume Rocel -
panorama de Cenema -
statueta Nomołi
.jpg)
Note
canbia- ↑ URL de refarensa: http://thecommonwealth.org/our-member-countries/sierra-leone.
- ↑ URL de refarensa: https://www.oic-oci.org/states/?lan=en. Data de consultasion: 29 de otobre del 2022.
- ↑ URL de refarensa: https://www.interpol.int/Member-countries/World. Editor: Interpol. Data de consultasion: 7 de disenbre del 2017.
- ↑ URL de refarensa: https://www.opcw.org/about-opcw/member-states/. Editor: Organizasion par ła Proibision de łe Arme Chìmeghe. Data de consultasion: 7 de disenbre del 2017.
- ↑ URL de refarensa: http://www.unesco.org/eri/cp/ListeMS_Indicators.asp.
- ↑ URL de refarensa: http://www.upu.int/en/the-upu/member-countries.html. Data de consultasion: 4 de majo del 2019.
- ↑ URL de refarensa: https://www.itu.int/online/mm/scripts/gensel8. Data de consultasion: 4 de majo del 2019.
- ↑ URL de refarensa: https://public.wmo.int/en/members/sierra-leone. Data de consultasion: 26 de majo del 2020.
- ↑ URL de refarensa: https://www.who.int/choice/demography/by_country/en/. Data de consultasion: 21 de lujo del 2020.
- ↑ URL de refarensa: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consultasion: 16 de marso del 2024. Pàzena: 8. Sostiene il qualificatore: data del scumìsio.
- ↑ URL de refarensa: https://data.worldbank.org/indicator/NY.GDP.MKTP.CD. Editor: Banca Mondiałe. Data de consultasion: 26 de agosto del 2023.
- ↑ 12,0 12,1 voze de refarensahdr.undp.org.
- ↑ URL de refarensa: http://data.worldbank.org/indicator/SL.UEM.TOTL.ZS.
- ↑ voze de refarensaiec.ch.
- ↑ voze de refarensaiec.ch.
- ↑ "cità libara", fondà da on grupo de neri s-ciavi libarà parché i gavea combatù co i inglexi contro i americani durante la revolusion americana.
- ↑ i disendenti de i s-ciavi portà in Siera Łeon
- ↑ na lengoa creola basà su l’inglexe.
Altri projeti
canbia
Wikimedia Commons el detien imàjini o altri file so Siera Leon
el detien schemi gràfeghi so
Łinganbi foresti
canbia- Sito ufisałestatehouse.gov.sl.
- Sierra LeoneTreccani.it – Enciclopedie on line, Istituto de ła Ençiclopedia Italiana.
- Lina Maria Calandra, Paola Salvatori, SIERRA LEONE, in Ençiclopedia Italiana, IX Appendice, Istituto de ła Ençiclopedia Italiana, 2015.
- Paola Morelli, Giampaolo Calchi Novati, SIERRA LEONE, in Ençiclopedia Italiana, V Appendice, Istituto de ła Ençiclopedia Italiana, 1994.
- Marco Costa, Salvatore Bono, SIERRA LEONE, in Ençiclopedia Italiana, IV Appendice, Istituto de ła Ençiclopedia Italiana, 1981.
- Eliseo Bonetti, Carlo Giglio, SIERRA LEONE, in Ençiclopedia Italiana, III Appendice, Istituto de ła Ençiclopedia Italiana, 1961.
- Herbert John Fleure, SIERRA LEONE, in Ençiclopedia Italiana, Istituto de ła Ençiclopedia Italiana, 1936.
- Sierra Leone, in Disionàrio de istòria, Istituto de ła Ençiclopedia Italiana, 2010.
- (IT, DE, FR) Siera Łeonhls-dhs-dss.ch, Disionàrio stòrego de ła Svìsara.
- (EN) Christopher Fyfe, Davidson S.H.W. Nicol e Shekou M. Sesay, Sierra LeoneEnçiclopedia Britannica, Encyclopædia Britannica, Inc.
- (EN) Siera Łeon, in Catholic Encyclopedia, Robert Appleton Company.
| Controło de autorità | VIAF (EN) 126078121 · LCCN (EN) n80125443 · GND (DE) 4054908-2 · BNF (FR) cb153257703 (data) · BNE (ES) XX4575516 (data) · NDL (EN, JA) 00570889 · WorldCat Identities (EN) n80-125443 |
|---|