Guinea

Guinea
(dettagli) Laoro, Giustizia, Solidarietà
Dati amministrativi
Nome completo	Republica de Guinea
Nome ufficiale	République de Guinée
Lingue ufficiali	francese
Capitale	Conakry  (1.091.483 ab. / 1996)
Politica
Forma di governo	Republica
Capo di Stato	Lansana Conté
Capo di Governo	Lansana Kouyaté
Indipendenza	Da la Francia, 2 otobre 1958
Ingresso nell'ONU	>
Superficie
Totale	245.857 km² (75º)
% delle acque	trascurabile
Popolazione
Totale	7.466.200 ab. ( ) (83º)
Densità	30,4 ab./km²
Geografia
Continente	Africa
Fuso orario	UTC +0
Economia
Valuta	franco guineano
PIL (nominale)	18,879 milioni di $ (2005) (111º)
PIL pro capite (nominale)	2,035 $ (2005) (143º)
ISU (2004)	0,445 (basso) (160º)
Varie
Codici ISO 3166	GN, GIN, 324
TLD	.gn
Prefisso tel.	+224
Sigla autom.	xx
Inno nazionale	Liberté
Festa nazionale

La Guinea xe no Stato de l’Africa Ocidentale.
El confina co la Guinea Bissau e el Senegal a nordovest, el Mali a nordest, la Costa d'Avorio e la Liberia a sudest e la Siera Leone a sudovest. El xe bagnà da el Osèano Atlàntego a ovest.

Indice

Giografia

Par saverghene de pì, varda ła pajina Giografia de la Guinea.

Ghe xe xone montagnoxe al sentro (montagne del Fouta Djalon) e a sudest (Monte Nimba, 1,752 m). A nordest se cata un vasto altipian. Le pianure se cata longo la costa.

Da un ponto de vista anbiental se cata quatro regioni:

• le Basa Guinea o Guinea Maritima, co tere-base, su la costa
• la Media Guinea, co le montagne del Fouta Djalon, nel mezo del paexe
• l’Alta Guinea, co anbiente de tipo sahelian, nel nordest
• la Guinea forestal, coverta da jungle, nel sudest.

Storia

Par saverghene de pì, varda ła pajina Storia de la Guinea.

Antighità

Le prime notisie storiche su la Guinea le risale a l’impero del Ghana (900 d.C.).

El paexe pasò soto el impero Sosso nel XIII secolo.
El poder pasò al impero del Mali co la batalia de Kirina del 1235.

Dopo, xe stá el momento de l’impero de Songhai, che l’è terminá co la batalia de Tondibi nel 1591.
En sti ani, i musulmani fulani ie rivá ne la zona de Fouta Djalon.
I portoghexi e i olandesi praticava la trata de i sciavi su la costa.

I francexi gha reclamá la colonia de Guinea nel 1890.
I gha fondá Konakry su l’isola de Tombo, rente de la costa.

Indipendensa

El 28 setembre 1958, i guineani gha votá a favor de l’indipendenza imediata da la Francia.
El ditator Ahmed Sékou Touré l’è stá el primo presidente. El gha sopreso l’oposision e el dirito de espresion.

Nel 1984 a la so morte, Lansana Conté gha ciapá el so posto e gha cambiá la diresion politegha del paexe, parò el governo rimane ditatoriale.
Ne i ultimi ani, el governo gha dovù far i conti co sioperi de masa, manifestasioni e resistenza civile. Conté gha dovù acetar de nominar on primo ministro che laorase co i sindacati par democratizar el paexe, però el gha nominá el so amigo personale Eugene Camara.
Nel febraro 2007, dopo altri sioperi e soto la presion internasional, Conté gha nominá primo ministro Lansana Kouyaté, ex anbasador e democratico.

Giografia politega

La cavedal xe Conakry.

Popolasion

Etnie

In Guinea se cata 24 grupi etnici.
El 40% de la popolasion apartien a i fulani. I mandinka xe el 30% e i sousou el 20%.

Religion

Musulmani 70%, religioni tradisionali 28%, catoleghi 2%.

Léngue

La zente parla francexe.

Economia

El teren e le condisioni climatiche saria ideali par lo svilupo de l’agricoltura, che parò rimane de susistenza: la corusion e la mancanza de na politica no le favorise lo svilupo de l’agricoltura.
El paexe l’è rico de minerai. Le scorte de bauxite xe de 25 miliardi de tonelate, la metá de le scorte mondiali. Ghe xe anca minerai del fero, oro, uranio e diamanti. Companie americane gha scoperto el petrolio su le coste de la Guinea e la produsion la scominziará per el 2009.