Sparaxe de bosco


Łe sparaxe de bosco, o nogarołe o sparaxe de monte (nome sientifego Aruncus silvester) xe na pianta deła fameja dełe Rosaceae (in inglexe e in tałjan ła ga el steso nome: barba de cavra, goatsbeard e barba di capra). Ła xe alta fin a do metri. Łe foje łe xe lunghe anca un metro e łe xe de tipo conposto, vałe a dire ke łe xe fate a so volta da diverse fojete a forma de lancia una drio ł'altra. I fiori, de cołor bianco crema, i xe ingrupà in infioresense fate a ciufo in sima ała pianta.

Sparaxe de bosco
Glasenbachklamm Aruncus dioicus.jpg
Clasefegasion sientìfega
regnoPlantae
superdivisioneSpermatophyta
divisioneMagnoliophyta
classeMagnoliopsida
sottoclasseRosidae
ordineRosales
famigliaRosaceae
genereAruncus
specieA. dioicus
Sinònemi
Aruncus sylvestris Kostel.

Aruncus vulgaris Rafin.
Spiraea aruncus L.
Actaea dioica Walter

Aruncus asiaticus Pojark
Nomi comuni
(vedi testo)

DifusionModìfega

Łe nogarołe łe se trova sułe montagne in Europa, Axia del nord e orientałe e in Nord America. In Italia, sułe Alpi e Apenini.

HabitatModìfega

Łe vien su in boschi umidi e onbroxi, fra i 500 e i 1500 metri de quota.

CuxinaModìfega

In primavera se tira su i buti xovani ke crese dała parte basa deła pianta, de cołor rosastro. I se mete via sotojo o se pol fare rixoti e fortaje.